Kisah Para Rasul 20:34 - En Taar Weru a nunuwu' é Tontemboan

³⁴ Kailekano miow ka'i sa aku matawoi ang karapi ing kamaku in esa, akar ro'na kawooanku, pakasa eng kaperluan in owakku wo sé kara-karapiku sé mengakiit yaku.

Kisah Para Rasul 20:34 ပူးပေါင်းရင်းမြစ်များ

Kisah Para Rasul 18:3

wo sia mento' am bitu ang karapi éra, ampa'paan en tawoien éra puté. Si Paulus tumawoi mewali-wali wo iséra maéma' in ténda.

Kisah Para Rasul 19:22

Wo iru'du'na si Timotius wo si Erastus, sé rua kara-karapina matawoi wosama' rumior mangé a Makedonia, taan si Paulus in esa mento' uré-uréan toyo' an Asia.

Kisah Para Rasul 19:29

Wo malicokoo waya sé ang kota itu. Tangkaan éra si Gayus wo si Aristarkhus wo iwali éra an stadion. Séra in dua itu tou Makedonia sé mewali-wali mai wo si Paulus am bawayaanna.

Kisah Para Rasul 20:35

Pakasa sé niéma'kuo itu, mééo esa tuus ai camu sapaoka ang karapi in tumawoi le'tek tanu siitu, ro'na sémbonganta sé tou lembi. Wo musti ta'néienta si aicua i Apo' Yesus in tana'i, ‘Lébé arui mengawéé wotaré mengaterima.’ ”

1 Korintus 4:12

Kami matawoi ang karapi ing keter ami in esa torona ing katouan ami. Sa awéan tou mangawa'ba' icami, pekiupusen ami a si Amang Kasuruan eng kumamangai séra. Sa awéan tou maokoi icami, sarun ami ang karapi in talesen wo ra'ica suliin ami.

1 Tesalonika 2:9

Poo-poow, tantu kata'néiané' miow tambisa kami rumaméji menawo-nawoi endo wo em bengi en tumanggong ing kaperluan ang katouan ami in esa, wosama' kami ra'ica méé pamuléngen an esaan angé ai camu an tutuw ami makua in Abar Kaaruien i Amang Kasuruan ai camu.

Titus 3:15

Éi Titus, pakasa in tou sé mewali-wali wo yaku am bia'i méé in siri' ai co. Wo icua ka'i mio' en siri'ku a sé kara-karapita esa paémanen sé mengaupus icita. Pangilekenku, itambérai i Casuruan en upus-Na ai camu im baya.