Kisah Para Rasul 20:28 - En Taar Weru a nunuwu' é Tontemboan

²⁸ Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

Kisah Para Rasul 20:28 ပူးပေါင်းရင်းမြစ်များ

Matius 16:18

Icua-Ku ka'i ai co: Ico si Petrus wo am bawo im batu karang anio' tooran-Ku oka sé jamaat-Ku wo ra'ica kawisa kawasan im papaté.

Matius 2:6

‘Ico Betlehem an tana' Yehuda, ico ra'io ka'i kota si tumeki-tekic an uner é kota an Yehuda, ampa'paan ai coo maai oka si esa Tou e merénta sé tou-Ku Israel.’ ”

Markus 13:9

Anaé, matéi-téiro mangé kamu! Ampa'paan kamu tangkaan oka é tou wo isarakan éra an sidang agama wo pangkuren éra am balé paapo'an é agama Yahudi. Iwali éra kamu an dior i gubernur wo a sé kolano ampa'paan kamu makiit Yaku. Asi témpo ituo kamu ro'na kumua a sé tou keli andumoro' in Abar Kaaruien.

Lukas 12:32

“Mandé kamu wayake' im pira, taan tioo kamu maindé'! Ampa'paan si Amang iow an sorga masalé' sumungkul icamu mamuali tou ang Kakolanoan-Na.

Lukas 21:34

Wo icua i Yesus, “Téirano mangé sumama-sama' en owak iow, tioo en até miow wuta ing kasalé-salé'an sé ra'io masoma wo mengele-ngelep akar i malangu wo tioo kamu maindé-indé' andumoro' ing kaperluan iow susur in endo. Sa kamu mengéma-ngéma'ke' tanu siitu, an tutuw si Toyaang i Tou maai sumawel, kamu ra'ipé' tu'tul. Ampa'paan si endo itu tumarépé'anke'mai, tanuoka in ta'kong ipatangka' sé binatang.

Kisah Para Rasul 13:2

Asi makasa, an tutuw éra mapuasa wo maapo' a si Amang Kasuruan, e Roh Le'nas kumua ai séra, “Tanéo mangé si Barnabas wo si Saulus e méma' in tawoien si aitantu-Kuo ai séra in dua.”

Kisah Para Rasul 14:23

Wo séra in dua sumisir sé penatua torona é jamaat itu. Séra sumombayang wo muasa en sumarakan sé penatua itu a si Casuruan si paémanen éra.

Kisah Para Rasul 20:17

Anaé, an tutuw i Paulus a Miletus, sia rumu'du' tou mangé tumowa sé penatua é jamaat an Efesus wosama' mai a Miletus.

Kisah Para Rasul 20:29

Kailekanku sa kamu itela'uku, sé tou i makaperi meputé wo sé serigala luméwo-léwo' muntep oka an uner iow. Raméjin éra tumeri sé jamaat si pakatéiran iow itu.

Roma 16:16

Mensin-siri'ano mangé kamu ang karapi wuta ing kaupusan a si esa wo si esa. Pakasa sé jamaat i Kristus am bia'i ka'i méé in siri' ai camu.

1 Korintus 1:2

En surat anio' aipaticku ai camu jamaat i Amang Kasuruan ang Korintus sé line'naso i Amang Kasuruan ampa'paan imeesao ang karapi i Kristus Yesus, wo ka'i tinowao i Amang Kasuruan e mamuali tou le'nas mewali-wali wo sé pakasa in tou maéman am pakasa in tampa, sé maapo' a si Yesus Kristus, si Apo'ta im baya.

1 Korintus 10:32

Kamu musti menonou tanu siitu akar ra'ica émaan iow sé tou walina méma' ing kameséaan, sia tou Yahudi, tou ra'ica Yahudi, kuma'pa sé tou maéman a si Kristus an jamaat-jamaat i Amang Kasuruan.

1 Korintus 11:22

Ra'ica réén wana walé kamu, si pakanan wo paelepan iow? Kuma'pa masalé' réén kamu maséro' sé jamaat i Amang Kasuruan wo mapalawi' ka'i sé tou lengéi? Sapapé' en icuaku ai camu? Irayoku réén kamu? Andumoro' sé anio', aku ra'ica rumayo icamu.

1 Korintus 15:9

Ampa'paan an uner é ruru'du'an, yakuo si ruru'du'an ipawawa-wawa'. Yaku ra'ica patus patuulen ruru'du'an, ampa'paan yakuo si indior mengaokoi sé jamaat i Amang Kasuruan.

1 Korintus 6:20

Ampa'paan kamu tinelesano i Amang Kasuruan ang kerapi in sosor em bééna siituo en enda' i Kristus. Ampa'paan ituo pakéno sumama-sama' en owak iow e rumayo wo sumiri' si Amang Kasuruan.

Galatia 1:13

Liningao miow en andumoro' ing katouanku indior si mengakiit in agama é Yahudi. Yaku wutu-wutul mengaokoi sé jamaat i Amang Kasuruan wo rumaméji maté iséra im baya.

Efesus 1:14

E Roh Le'nas ituo e imamuali jaminanta sapaoka ulit terimanta oka waya sé aijanjio i Amang Kasuruan a sé tou-Na. An tutuw itu iwekar-Na oka kita asé pakasa ing kaléwo'an ing kayo'baan anio'. Anaé, mayoo irayota si Amang Kasuruan ampa'paan ing kawangko'-Na.

Efesus 1:7

Ampa'paano in enda' i Yesus Kristus wo ampa'paan kita meesao ang karapi-Na, icita tinu'buso, eng kaangéanna kita niampungano ang kamesé-meséaanta. Wo siituo en upus wangko' si aitambér i Amang Kasuruan ai cita.

Efesus 4:11

Wo Siao en tumambérai ing kamang a sé tou. Awéan tou sé aitantu-Na mamuali ruru'du'an, mamuali nabi, mamuali tou mengakua in Abar Kaaruien andumoro' i Yesus Kristus, mamuali gembala é jamaat wo ka'i guru.

Filipi 1:1

En surat anio' a yaku owo Paulus wo si Timotius ata-ata i Kristus Yesus. Icirimku en surat anio' a sé pakasa in tou le'nas sé meesao wo si Yesus Kristus an Filipi, icauntep sé tou mengatilik sé jamaat wo sé maselewir an jamaat.

Kolose 1:14

Ampa'paano si Toyaang-Na itu akar kita tinu'buso, eng kaangéanna eng kamesé-meséaanta niampungano i Amang Kasuruan.

Kolose 4:17

Wo icuao mangé a si Arkhipus, “Tawoieno mangé en tawoien si aiwéé mai i Casuruan ai co akar ing kumawus.”

1 Timotius 3:1

Ulito si nunuwu' anio': “Sé tou masalé' mamuali tou mengatilik an jamaat, sia sumisiro in tawoien loor.”

1 Timotius 3:2

Si mengatilik an jamaat, sia itu musti ra'ica wana tou e ro'na méé kaséaan, si wéwéné penanaanna waya in esa, makawoo tumang in owak, mengapaké ing kapinteran asi Casuruan owo, makaperi sumoma, tansaléén mengaterima sé tou am baléna, pinter masusui sé tou,

1 Timotius 3:5

Ampa'paan sa sia ra'ica makawoo en tumu'tul im pamaléna in esa, ra'ica kawisa ka'i sia ro'na tumu'tul sé jamaat i Amang Kasuruan!

1 Timotius 4:14

An tutuw sé penatua an jamaat maro ing kama ai co e mutus ico, séra makéréo i nunuwu' asi Casuruan owo. Wo e nunuwu' itu andumoro' ing kamang aitambér-Na ai co. Anaé, pakéno mangé sumama-sama' en tatambér si aiwéé i Roh Le'nas itu.

1 Timotius 4:16

Ampa'paan ituo, téirano mangé sumama-sama' en owakmu wo ka'i téirano mangé sumama-sama' en sususuien wutul itu. Ico musti le'tek mengaéma' im pakasa in itu. Sa émaanmu waya en itu, ico lowiren i Amang Kasuruan ang karapi é tou sé mengalinga ai co.

1 Timotius 5:17

Sé penatua an jamaat sé mengaéma' in tawoienna ang karapi in loor, séra itu patus pasiri-siriin makarua lumepet. Wopé'ka'i sé re'dem makua in Taar i Casuruan wo masusui a sé jamaat.

Titus 1:7

Sé mengatilik an jamaat en tawoienna mengatu'tul sé jamaat i Amang Kasuruan, sia musti menonou ra'ica wana e ro'na méé kaséaan, ra'ica tirayo, ra'ica tae'bow, ra'ica lalangun, ra'ica tampenokolen wo ra'ica ata in doit.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Ibrani 12:15

Mareti-retio mangé oréoka awéan esaan ai camu kumélong in upus aitambér i Amang Kasuruan. Ampa'paan sa awéan tou tanu siitu, sia mamuali tanu in tinanem racung an uner iow akar méma' ing kasusaan wo en racungna luméwo' sé tou keli.

Ibrani 13:17

Pelinga-lingano mangé sé kikiiten iow wo émaano mangé sapa sé aiperénta éra. Ampa'paan séra mengatéir i mu'kur iow tanu sé tou e musti méé im panowaten. Sa kamu mengalinga-linga ai séra tanu siitu, séra ro'na méma' in tawoien ang karapi in arui en até. Taan sa kamu ra'ica mengalinga ai séra, séra masusa en até wo en itu ra'ica maali ing kauntungan ai camu.

1 Petrus 2:25

Ampa'paan kamu indior tanuoka sé domba icasélé'kowo, taan intarépé' kamu imaréngo mai asi gembala si matéir i mu'kur iow.

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.

1 Yohanes 1:7

Taan sa kita menonou an sendot meputé ka'i wo Sia an sendot, tantu kita menonou imeesa wo sé tou walina. Wo pakasa eng kamesé-meséaanta wu'asan oka in enda' i Yesus Toyaang-Na.

Wahyu 5:9

Wo séra kumantar esa kakantaren weru tana'i: “Icoo em patus tumerima ing gulungan kitap itu, wo muka' in ségél-ségélna. Ampa'paan Ko sumangkumo pinaté, wo ang karapi in enda'-Mu, tinu'bus-Muo séra torona i Amang Kasuruan, séra itu mai am pakasa in suku, i nunuwu', i negara wo im bangsa.