Kisah Para Rasul 20:21 - En Taar Weru a nunuwu' é Tontemboan

²¹ Pengua-nguaku a sé tou Yahudi wo a sé tou ra'ica Yahudi wosama' séra mape'dis wo kumiit a si Amang Kasuruan wo séra musti maéman a si Apo' Yesus.

Kisah Para Rasul 20:21 ပူးပေါင်းရင်းမြစ်များ

Matius 3:2

“Mape'diso mangé ang kamesé-meséaan, ampa'paan eng Kakolanoan i Amang Kasuruan makatawio!”

Matius 4:17

An tutuw itu si Yesus tumo'tolo kumua a sé tou, “Mape'diso mangé, ampa'paan eng Kakolanoan i Amang Kasuruan makatawio!”

Markus 1:15

Wo icua-Na, “En témpona imalekepo, eng Kakolanoan i Amang Kasuruan makatawio. Anaé, mape'diso wo émanenno mangé en Abar Kaaruien i Amang Kasuruan.”

Markus 6:12

Kekawus in itu, mangéo cua éra a sé pakasa in tou wosama' séra mape'dis.

Lukas 13:3

Icua-Ku ai camu ra'ica! Taan weroten iow sumama-sama', sa kamu ra'ica mape'dis ang kamesé-meséaan, icamu im baya ka'i maté oka tanu iséra.

Lukas 13:5

Icua-Ku ka'i ai camu ra'ica! Sa kamu ra'ica mape'dis ang kamesé-meséaan, kamu im baya maté oka ka'i tanu iséra.”

Lukas 15:10

Icua-Ku ai camu, tanu siitu ka'i sé malaékat i Amang Kasuruan an sorga séra ka'i maaru-arui oka sa awéan esa tou mape'dis ang kamesé-meséaan.”

Lukas 15:7

Icua-Ku ai camu, taniitu ka'i pakasa sé a mangé en sorga séra maaru-arui oka sa awéan esa tou ang kamesé-meséaan mape'dis. Séra lébé arui ampa'paano i esa tou si mape'diso itu, wotaré sé siow ngapulu' siow tou sé mengaéma'o im butul sé ra'io sangali mape'dis.”

Lukas 16:28

A mangé mbitu awéané' lima metuari tuama. Anaé, ru'du'o si Lazarus e mangé mokéi ai séra akar séra ra'ica muntep an tampa kawenduan anio' sa.’

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Yohanes 20:31

Taan pakasa sé aipatico asi kitap anio', en itu aipatic wosama' percayan iow si Yesus ituo si Mesias wo Toyaang i Amang Kasuruan, wosama' percayan iow Sia wo kéréan iow eng katouan akar ing kauré-uré.

Yohanes 3:36

Si séike' mangé si mercaya a si Toyaang-Na itu, sia makaanuo ing katouan akar ing kauré-uré. Taan si séike' en da'ica le'tek maéman ai Sia ra'ica kawisa makéré ing katouan akar ing kauré-uré, wo sia ukumen oka i Amang Kasuruan akar ing kauré-uré.

Kisah Para Rasul 10:43

Indior, pakasa sé nabi isumangkumo kumua andumoro' Sia. Icua éra sa sé tou maéman ai Sia, makéré oka kaampungan ing kamesé-meséaan ampa'paano i ngaran-Na.”

Kisah Para Rasul 11:18

Kelinga in itu, sé tou Yahudi sé maémano a si Yesus ra'io ka'i tumantang si Petrus. Wo séra rumayo si Amang Kasuruan wo kumua, “Anaé, sé tou ra'ica Yahudi ka'i tinambérano mai i Amang Kasuruan kamang e mape'dis wo makéré ing katouan akar ing kauré-uré.”

Kisah Para Rasul 16:31

Isowat éra, “Maémano mangé a si Apo' Yesus Kristus wosama' ko malowir oka, taniitu ka'i pakasa sé am balému malowir.”

Kisah Para Rasul 17:30

Indior ra'ipé' kailekan é tou tambisa en lalan kumiit si Amang Kasuruan, wo pakasa en itu ra'io ka'i ta'néien-Na. Taan intarépé' pinerénta-Nao wosama' am bisa-wisake' pakasa en tou musti mape'dis ang kaléwo-léwo'an.

Kisah Para Rasul 19:17

Pakasa sé tou Yahudi wo sé tou ra'ica Yahudi an Efesus makalinga ing kamamualian itu. Kelinga in itu wo séra maindé' wo marayo-rayo i ngaran i Apo' Yesus.

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

Kisah Para Rasul 2:40

Keliané' ka'i en aicua i Petrus ai séra. Sia masairi ka'i wo méé kaketeran an até éra, icuana, “Iwééo mio' en owak iow lowiren i Casuruan, tioo kumiit sé tou intarépé' sé mengéma-ngéma' in léwo'.”

Kisah Para Rasul 20:23

Taan am bisa-wisa kota si niangéankuo, e Roh Le'nas icumuao a yaku sa an Yerusalem aku meta'up ing kawenduan wo yuntep ka'i am bui.

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Kisah Para Rasul 24:24

Mawaya'o pirao ngando si Paulus tinang, wo mai si gubernur Feliks mewali-wali wo si penanaanna makangaran Drusila si tou Yahudi. Wo iru'du' i gubernur itu en tumowa si Paulus wo linganna asi Paulus andumoro' tumambisa wosama' sé tou ro'na maéman a si Yesus Kristus.

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Kisah Para Rasul 26:20

Wo icuaku waya en itu kataré-taré a sé tou Yahudi an Damsyik, an Yerusalem wo am pakasa in tampa an tana' Yudea wo ka'i a sé tou ra'ica Yahudi. Icuaku ai séra, sapaoka musti mape'dis ang kamesé-meséaan wo maémano mangé a si Amang Kasuruan wo menonou makiit ing kasalé'an-Na tanu tuus sa séra imape'diso.

Kisah Para Rasul 28:23

Wo séra tumantu esa endo e meta'up sumawel wo si Paulus. Wo asi endo itu kelian sé imai an tampa pakaento'anna. Wo sia kumua wo masairi ai séra andumoro' si Amang Kasuruan Kumawasa tanu Kolano. Sia ka'i maké in tuu-tuus an ukum Torat wo eng kitap é nabi e rumaméji wosama' kailekan éra wo émanen éra sa si Yesus itu si Mesias. En itu imamuali tumo'tol i mamoondo akar im bawaando.

Kisah Para Rasul 3:19

Ampa'paano in itu, itela'uo mio' eng kaléwo-léwo'an sé pengaémaan iow wo mape'diso mangé wosama' eng kamesé-meséaan iow ampungan i Amang Kasuruan.

Kisah Para Rasul 8:25

Kekawus i Petrus wo si Yohanes masairi wo makua in Taar i Amang Kasuruan a sé tou, wo séra maréng sumawel an Yerusalem. Am bawayaan, séra mengua-ngua in Abar Kaaruien andumoro' i Yesus an doo-roong walina an Samaria.

Roma 1:14

Ampa'paan pawerotenku sapaoka imamualio tawoienku e mangé kumua in Abar Kaaruien andumoro' i Yesus Kristus a sé pakasa in tou: A sé tou Yunani kuma'pa a sé tou walina, a sé tou isumicola kuma'pa a sé ra'ica isumicola.

Roma 1:16

Yaku ra'ica malawi' mengakua in Abar Kaaruien andumoro' i Yesus Kristus itu, ampa'paan en Abar itu awéan kaketeran i Amang Kasuruan en lumowir im pakasa sé tou maéman; kataré-taré sé tou Yahudi wo ka'i sé tou walina.

Roma 10:9

Tana'i: sa kamu mangaku ang karapi im ba'ba' miow sapaoka si Yesus itu Kasuruan, wo maéman an untep in até miow sapaoka si Yesus tinou sumawel i Amang Kasuruan an uner é tou imatéo, kamu lowiren oka.

Roma 2:4

Si Amang Kasuruan itu en até-Na sama', talesen wo wuta ing kaupusan. Taan tioo paepesen iow im beren em pakasa in itu wo mawerot ra'io sangali mape'dis! Ra'ica réén kailekan iow sapaoka ituru' i Amang Kasuruan eng kasamaan in até-Na itu wosama' kamu mape'dis ang kamesé-meséaan?

Roma 4:24

taan aipatic ka'i torona icita im baya. Kita nianggap wutul i Amang Kasuruan, ampa'paan kita maéman ai Sia si tumou sumawel si Yesus Apo'ta an uner é tou imaté.

Roma 5:1

Intarépé' kita nianggapo wutul i Amang Kasuruan ampa'paan im paémanenta. Wo kita meelurano sumawel wo si Amang Kasuruan ampa'paano i Apo'ta Yesus Kristus.

1 Korintus 1:22

Sé tou Yahudi mangilek tuus kakaya'kaan owo wo séra mercaya. Sé tou Yunani maké ing kapinteran in esa e mercaya.

2 Korintus 7:10

Ampa'paan eng kawenduan in até si casalé' i Amang Kasuruan méé wuéna ing kape'disan e maali mai ing kalowiran. Taan eng kawenduan asi cayo'baan anio' sé ra'ica wana eng kape'disan, makawali sé tou am papaté.

Galatia 2:16

Taan, kailekan ami ra'ica wana tou mandé esake' si nianggap wutul an dior-Na ampa'paan mengaéma' in ukum Torat. Sé tou nianggap wutul an dior-Na ampa'paan maéman a si Yesus Kristus. Anaé, kami in tou Yahudi ka'i maémano a si Yesus Kristus wosama' kami nianggap wutul an dior i Amang Kasuruan ampa'paan im paémanen, ra'ica ampa'paan i mengaéma' in ukum Torat. Ampa'paan ra'ica wana tou mandé esake' si nianggap wutul i Amang Kasuruan ampa'paan mengaéma' in ukum Torat.

Galatia 2:20

Intarépé' ang katouanku, ra'io ka'i yaku e menonou, taan si Kristuso si menonou a yaku. Eng katouanku ang kayo'baan anio' katouan si aituuro am paémanen a si Toyaang i Amang Kasuruan si mengaupuso yaku wo isumarakan in owak-Na toronaku.

Galatia 3:22

Taan ang Kitap Le'nas aipatic pakasa in tou ang kakawasaan ing kamesé-meséaan. Ampa'paano in itu wayake' sé tou maéman a si Yesus Kristus e ro'na tumerima in janji i Amang Kasuruan itu.

Efesus 1:15

Ampa'paano pakasa sé niéma'o i Amang Kasuruan ai camu, an tutuwku luminga in andumoro' im paémanen iow a si Apo' Yesus wo andumoro' in upus iow a sé im pakasa é tou le'nas,

Kolose 2:5

Ampa'paan mandé ka'i aku ra'ica an uner iow taan en atéku kasake' ang karapi miow. Wo aku arui an tutuw luminga sapaoka kamu menonou mensan-samaan si esa wo sé walina wo em paémanen iow a si Kristus kasake' keter.

Filemon 1:5

ampa'paan liningakuo en abar andumoro' im paémanenmu a si Apo' Yesus wo andumoro' in upusmu a sé pakasa é tou le'nas.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.

1 Yohanes 5:5

Si séi réén e makawoo kumala si léwo' ang kayo'baan anio'? Tantu si tou maéman sapaoka si Yesus itu Toyaang i Amang Kasuruan.