Kisah Para Rasul 20:2 - En Taar Weru a nunuwu' é Tontemboan

² A Makedonia, sia menuli-nuli a sé tou maéman wo méé kaketeran im paémanen ai séra. Wo sia mangé an Yunani.

Kisah Para Rasul 20:2 ပူးပေါင်းရင်းမြစ်များ

Lukas 3:18

Taniituo si Yohanes makua in Abar Kaaruien andumoro' i Yesus Kristus a sé tou keli mapaké ing keli sina'u.

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Kisah Para Rasul 15:41

Si Paulus wo si Silas mangé an sangkum in Siria wo eng Kilikia wo kumeter im paémanen é tou maéman am bitu.

Kisah Para Rasul 16:12

A Neapolis kami maya' mangé an Filipi. Eng kota itu, kota penting a Makedonia, panangkéian é tou Roma. Wo kami mento' am bitu wayake' im pira ngando eng kauréna.

Kisah Para Rasul 17:1

Si Paulus wo si Silas mangé an Tesalonika lumangkoi in Amfipolis wo Apolonia. An Tesalonika, awéan walé paapo'an é agama Yahudi.

Kisah Para Rasul 17:10

Asi wengi ituke', sé tou maéman an Tesalonika rumu'du' si Paulus wo si Silas mangé am Berea. Wo an tutuw éra icateka' mangé am bitu, séra mangé am balé paapo'an é agama Yahudi.

Kisah Para Rasul 2:40

Keliané' ka'i en aicua i Petrus ai séra. Sia masairi ka'i wo méé kaketeran an até éra, icuana, “Iwééo mio' en owak iow lowiren i Casuruan, tioo kumiit sé tou intarépé' sé mengéma-ngéma' in léwo'.”

Kisah Para Rasul 20:1

An tutuw é tou an Efesus meelurano wo towan i Paulus sé tou maéman am bitu wo wéanna kaketeran em paémanen. Wo sia mekiupus en tumela'u iséra wo mangé a Makedonia.

Kisah Para Rasul 20:11

Kumawus in itu si Paulus maréng angé sumawel an dangka'. Am bitu te'bi-te'biinna e roti wo séra kuman mewali-wali. Makakanai uré-uréané' ka'i sia maroma' wo iséra akar i mamoondo. Wo itela'una en Troas.

Kisah Para Rasul 20:3

An Yunani sia mento' telu ngaserap. Wo sia tu'tulo en suméngkot maangé an Siria. Mesakéo woo sia ang kapal, kalingaanna sa sé tou Yahudi a mangé mbitu mawasa e maté sia. Ampa'paan in ituo sia ra'ica mamuali sumaké ang kapal taan maréngke' sumawel an Antiokhia kumiit in lalan katanaan lumangkoi a Makedonia.

1 Korintus 4:19

Taan sa icasalé' i Casuruan, aku makala'us oka mai ai camu. Sa yaku mayo ai camu, yaku ra'ica mai mangéré sapa sé ipakua é tou tirayo itu taan pangérénku oka sa séra awéan kawasa asi Casuruan owo kuma'pa ra'ica.

Kolose 1:28

Anaé, si Kristus ituo sé ipakua ami a sé im pakasa in tou. Kami masina'u wo masusui iséra ang karapi wuta ing kapinteran asi Amang Kasuruan owo, wosama' kami ro'na makawali pakasa in tou wutu-wutul lekep ampa'paan meesao wo si Kristus.

1 Tesalonika 2:11

Kailekan iow sapaoka kamu im baya pasérén ami tanuoka si amang maséré sé toyaangna in esa. Pasina'uen ami kamu wo pawéan ami kaketeran en até miow.

1 Tesalonika 2:3

An tutuw ami makua in Abar Kaaruien itu, kami ra'ica masusui in sususuien sé mengasélé'kow. Kami ra'ica mengawasa-wasa in léwo' wo ra'ica kiim mengauwak sé tou.

1 Tesalonika 4:1

Poo-poow, aisusuio ami ai camu tambisa em peri mengaarui in até i Casuruan, wo kamu wutu-wutul menonouo tanu siitu. Wo intarépé' pangileken ami ai camu ang karapi ing kawasa i Apo' Yesus, wosama' kamu rumaméjipé' mangé menonou mengaarui si Amang Kasuruan.