Kisah Para Rasul 20:1 - En Taar Weru a nunuwu' é Tontemboan

¹ An tutuw é tou an Efesus meelurano wo towan i Paulus sé tou maéman am bitu wo wéanna kaketeran em paémanen. Wo sia mekiupus en tumela'u iséra wo mangé a Makedonia.

Kisah Para Rasul 20:1 ပူးပေါင်းရင်းမြစ်များ

Kisah Para Rasul 11:26

Wo sia meta'up wo si Saulus, kumawus in itu iwalina si Saulus an Antiokhia. Séra in dua mento' mewali-wali wo sé jamaat a mangé mbitu sangata'un eng kauréna. Séra ka'i mengasusui a sé tou keli andumoro' i Yesus. An Antiokhia anioo sé tou makiit in sususuien i Yesus kumataré-taré patuulen Krésten.

Kisah Para Rasul 16:12

A Neapolis kami maya' mangé an Filipi. Eng kota itu, kota penting a Makedonia, panangkéian é tou Roma. Wo kami mento' am bitu wayake' im pira ngando eng kauréna.

Kisah Para Rasul 16:9

Mawengi mai, si Paulus pinapaturu'an i Amang Kasuruan. Asi pinapaturu'an itu sérénna, awéan esa tou an sangkum i Makedonia makatulung wo mekiupus ai sia, “Mayoo am bia'i wo tawangenai kami!”

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Kisah Para Rasul 20:10

Ampa'paan in ituo si Paulus tumumpa mio' an darem. Sia rumepa asi mangalitou itu wo kume'kep si mangalitou itu wo icuana a sé tou am bitu, “Tioo maindé-indé', sia menonoué.'”

Kisah Para Rasul 20:2

A Makedonia, sia menuli-nuli a sé tou maéman wo méé kaketeran im paémanen ai séra. Wo sia mangé an Yunani.

Kisah Para Rasul 20:3

An Yunani sia mento' telu ngaserap. Wo sia tu'tulo en suméngkot maangé an Siria. Mesakéo woo sia ang kapal, kalingaanna sa sé tou Yahudi a mangé mbitu mawasa e maté sia. Ampa'paan in ituo sia ra'ica mamuali sumaké ang kapal taan maréngke' sumawel an Antiokhia kumiit in lalan katanaan lumangkoi a Makedonia.

Kisah Para Rasul 20:37

Wo séra im baya maamé', ke'kepen éra sia wo penyio-nyioman éra.

Roma 15:19

wo en tuu-tuus kakaya'kaan sé niéma'ku maké ing kawasa i Roh Le'nas. En Abar Kaaruien andumoro' i Yesus Kristus itu aicuakuo waya a sé tou, tumo'tolai an Yerusalem akar an Ilirikum.

Roma 16:16

Mensin-siri'ano mangé kamu ang karapi wuta ing kaupusan a si esa wo si esa. Pakasa sé jamaat i Kristus am bia'i ka'i méé in siri' ai camu.

1 Korintus 16:20

Wo pakasa sé poo-poow an esa paémanen am bia'i méé ka'i in siri' ai camu. Wo membém-béan angé in siri' kamu ang karapi wuta in upus tanu poow esa paémanen a si Kristus.

1 Korintus 16:5

Intarépé' aku mawasao maangé a Makedonia. Sa e Makedonia pinakali'cirkuo, aku maai oka ai camu ang Korintus.

2 Korintus 13:12

Membém-béano mangé in siri' si esa wo sé walina ang karapi wuta in upus tanu poow sé maéman a si Kristus. Pakasa in tou le'nas am bia'i icumirimai in siri' ai camu.

2 Korintus 7:5

An tutuw ami icateka' a Makedonia ka'i, pakasa en owak ami wutu-wutul ra'ica makapendam in elur. Am bisa-wisake' ipengapeta'up ami eng kasusaan: awéan kaperéndéran ang kesot wo awéan kaindé'an an até ami.

1 Tesalonika 5:26

Wo icua mangé en siri' ami ang karapi in upus ami a sé tou maéman am bitu.

1 Timotius 1:3

An tutuwku maangém a Makedonia, pangilekenku ko mentoo mio' an Efesus. Am bitu ko ro'na sumina'u sé tou masusui in sususuien ra'ica wutul, wosama' yento' érao masusui in sususuien sé ra'ica wutul itu.