Kisah Para Rasul 2:7 - En Taar Weru a nunuwu' é Tontemboan

⁷ Séra im baya wo menguré-ngurésé in do'kos wo mangaya-ngaya'ka' malinga sé tou maéman itu, wo icua éra, “Kailekan ami, sapaoka sé tou maroma' itu tou Galilea.

Kisah Para Rasul 2:7 ပူးပေါင်းရင်းမြစ်များ

Matius 21:11

Isowat é tou keli sé makiit si Yesus, “Sia itu si nabi Yesus a Nazaret owo si ang Galilea!”

Matius 26:73

Ra'ica mento' uré, sé tou am bitu mai a si Petrus wo kumua, “Tantu ko ka'i esaan ai séra, en tuusna kailekan ami am pakaroma'mu.”

Matius 8:10

Kelinga in itu, si Yesus mangaya'ka' wo icua-Na ai séra sé makiit Sia, “En ulitna icua-Ku mangé ai camu, ra'ipé' kawisa ipeta'up-Ku em paémanen wangko' tanu si anio' mandé esake' tou an uner é tou Israel.

Markus 1:27

Pakasa sé tou am bitu mangaya'ka', akar séra mengkuanan, “Sapa en anio'? En anio' sususuien weru! E nuwu'-Na wuta ing kawasa, akar sé roh léwo' ka'i kumiit im perénta-Na.”

Markus 2:12

Si tou itu tumoor wo makala'us angkaienna en tepé wo an dior é tou keli sia kumesot am bitu. Wo séra im baya mangaya-ngaya'ka'. Séra rumayo si Amang Kasuruan wo kumua, “Eng kamamualian tanu sia'i ra'ipé' kawisa sérénta.”

Yohanes 7:52

Isowat éra ai sia, “Tou Galilea réén ka'i ko? Ti'tireno mangé sé ang Kitap Le'nas wo kakailekanmu oka, ra'ica wana nabi si mai ang Galilea owo.” [

Kisah Para Rasul 1:11

Wo icua é rua tou itu ai séra, “Éi tou Galilea, kéitu réén kamu makatulung wo makakanaté' mangé an langit? Si Yesus anio' icaangkaio mangé an sorga tumela'uo icamu. Sia maai oka ka'i sumawel, meputé kamu suméré tumambisa Sia icaangkai angé an sorga.”

Kisah Para Rasul 2:12

Séra im baya manguré-ngurésé in do'kos wo mangaya-ngaya'ka' wo mengkung-kuanan, “Sapa réén eng kaangéan in anio'?”

Kisah Para Rasul 2:8

Tumambisa réén wona' akar palinganta séra ro'na maroma' mapaké i nunuwu' si pengapakén an doongta i esa wo si esa?

Kisah Para Rasul 3:10

Kailekan éra sia si manaram mengalukut wo mangile-ngilek an dior im Papalen Loor am Balé Le'nas itu. Ampa'paan in ituo séra mangaya-ngaya'ka' wo menguré-ngurésé in do'kos andumoro' sapa e imamuali ai sia.