Kisah Para Rasul 2:6 - En Taar Weru a nunuwu' é Tontemboan

⁶ Séra ka'i luminga in suara itu, anaé séra mai mali'us asi tampa itu. Séra mangaya'ka' ampa'paan palingan éra e nunuwu' éra si esa wo si esa, papakén é tou maéman itu.

Kisah Para Rasul 2:6 ပူးပေါင်းရင်းမြစ်များ

Matius 2:3

An tutuw i colano Herodes luminga in abar itu sia mangaya'ka', taniitu ka'i pakasa sé tou an Yerusalem.

Lukas 21:25

“An tutuw si Toyaang i Tou maai sumawel, awéan tuu-tuus sé kalinteren oka mai e mamuali asi yéndo, serap wo a sé sumesendot. Wo pakasa sé tou ang kayo'baan maindé' oka wo mabingo an tutuw luminga in deges repet keli si kalinteren oka mai wo en téngéna in sempa' wangker an ta'sic si kaindéén oka mai.

Kisah Para Rasul 2:2

Wo tumarépé'anke'mai kalingaan awéan suara mai an langit owo tanuoka in téngéna in deges repet wo kapendaman am pakasa in tampa si pakalukutan éra am balé itu.

Kisah Para Rasul 3:11

Si tou késo' si masama'o itu mengii-ngiit oka a si Petrus wo si Yohanes. Wo an tutuw éra in telu cateka' mangé an lésar si pengatuulen ‘Lésar i Salomo’ wo mai sé tou keli sé mangaya-ngaya'ka' itu mali'us ai séra.

1 Korintus 16:9

ampa'paan keli en témpo loor eng kumua in Abar Kaaruien andumoro' i Yesus Kristus am bitu, mandé ka'i kelian tou masundur yaku.

2 Korintus 2:12

An tutuwku icateka'o mangé an Troas eng kumua in Abar Kaaruien andumoro' i Yesus Kristus, kinaséréankuo sapaoka si Amang Kasuruan imuka'o in lalan a yaku en sumelewir am bitu.