Kisah Para Rasul 2:46 - En Taar Weru a nunuwu' é Tontemboan

⁴⁶ Wo susur in endo séra le'tek mewali-wali wo meesa en até mengali'us ang am Balé Le'nas. Séra mengaéma' im perjamuan mewali-wali ang karapi in arui wo lekep en até si pagilir am balé-walé.

Kisah Para Rasul 2:46 ပူးပေါင်းရင်းမြစ်များ

Matius 6:22

Em beren itu sosoloan in owak. Sa em beren iow loor, sendoto waya en owak iow.

Lukas 11:41

Ampa'paan in ituo iwééo mio' sapa sé ai camu en tumawang sé tou lengéi. An tutuw iow iméma' in tanu siitu, pakasa waya uli-ulit maweresi.

Lukas 24:30

An tutuw Sia lumukut kuman mewali-wali wo iséra, Sia mindo roti wo kumua i makapulu'sama' a si Amang Kasuruan wo te'bi-te'biin-Na e roti itu wo yéké-Na ai séra.

Lukas 24:53

Susur in endo séra mengaangé am Balé Le'nas e rumayo wo sumiri' si Amang Kasuruan.

Kisah Para Rasul 16:34

Kekawus in itu, séra in dua iwali i capala im bui mangé am baléna wo séra wéanna kanen. Sia wo sé am baléna arui keli ampa'paan séra im baya maémano a si Amang Kasuruan.

Kisah Para Rasul 2:42

Séra mengali'us mewali-wali wo le'tek mengalinga sé ruru'du'an mengasusui in andumoro' i Yesus. Wo séra tatap mengaéma' im perjamuan wo mengasombayang.

Kisah Para Rasul 20:7

Asi endo kataré in duminggu itu, cami wo sé tou maéman walina mai mali'us mewali-wali e méma' im perjamuan. Am bitu si Paulus uré-uréan manuwu' a sé tou maéman akar ing katoora im bengi, ampa'paan asi mando mai sia suméngkot.

Kisah Para Rasul 3:1

Asi sangando tutuw in jam tiga im bawaando, en témpona ipengasombayang é tou Yahudi, si Petrus wo si Yohanes mangé am Balé Le'nas.

Kisah Para Rasul 5:21

Matawi i mando, sé ruru'du'an itu muntep ang kintal im Balé Le'nas wo tumo'tolo masusui am bitu. Asi témpo itu ka'i an tampa walina si imam wangko' wo sé tou mengakiit sia rumu'du' sé anggota Mahkamah Agama e mali'us. Séra ituo sé matu'a é tou Yahudi sé mengasina'u. Iru'du' éra mangé mindo sé ruru'du'an itu am bui.

Kisah Para Rasul 5:42

Wo susur in endo séra masusui am Balé Le'nas wo ka'i am balé-walé é tou wo makua in Abar Kaaruien andumoro' i Yesus, Siao si Mesias.

Roma 12:8

Sa eng kamang aitambér i Amang Kasuruan ai cita e masina'u sé tou walina wosama' em paémanen éra makaketer, tawoieno mangé en itu ang karapi i mauli-ulit. Sa eng kamang aitambér i Amang Kasuruan ai cita e mamuali tou masalé' mengawéténg ing kasiyaan a sé kakélé tou, musti émaanta en itu ang karapi in lekep en até. Sa eng kamang aitambér i Amang Kasuruan ai cita mamuali kikiiten, kita ka'i musti mamuali kikiiten si re'dem. Wo sa eng kamang aitambér i Amang Kasuruan ai cita e mengaturu' ing kaupusan a sé tou walina sé sumangkumai ing kawenduan, musti émaanta en itu ang karapi in arui en até.

1 Korintus 10:16

An tutuw kita melep in anggor am perjamuan le'nas wo kumua i makapulu'sama' a si Amang Kasuruan, eng kaangéanna, kita imeesao wo si Kristus am papaté-Na. Wo an tutuw kita kuman i roti si aite'bi-te'bi', eng kaangéanna, kita meesao ang karapi in owak i Kristus.

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

2 Korintus 11:3

Taan en caindé'ku em bewerot iow kauwakan akar ra'io ka'i wutu-wutul le'tek a si Kristus, kaputé i Hawa indior ka'i kinatawéran i ula' ampa'paano im pakauwak i ula' itu.

Efesus 6:5

Éi ata-ata, kiitenno mangé em perénta i tuang iow ang kayo'baan anio'. Selewiran angé si tuang iow ang karapi in siri' wo maindé' mangé ang karapi in lekep en até, kaputé kamu mengaselewir a si Kristus.

Kolose 3:22

Éi ata-ata, pengakiiten angé em perénta i tuang iow ang kayo'baan anio' sapake' mangé en airu'du'na. Tioo kamu asalo mengaturu' in le'tek an diorna e mengaarui in aténa, taan male'te-le'teko mangé kamu ang karapi in lekep en até ampa'paan kamu maindé' a si Casuruan.