Kisah Para Rasul 2:43 - En Taar Weru a nunuwu' é Tontemboan

⁴³ Asi témpo itu, sé ruru'du'an itu iméma' kelian tuus kakaya'kaan wo tuu-tuus sé ra'io icakua en tumuru' ing kakawasaan i Casuruan, akar pakasa en tou maindé' wo sumiri' si Amang Kasuruan.

Kisah Para Rasul 2:43 ပူးပေါင်းရင်းမြစ်များ

Markus 16:17

Sia'io en tuusna sé tou maéman a Yaku: Séra musér oka sé sétang maké i ngaran-Ku, rumoma' oka maké i nunuwu' walina si ra'ipé' sumangkum ako kailekan éra.

Lukas 7:16

Pakasa sé tou am bitu maindé' wo séra rumayo wo sumiri' si Amang Kasuruan. Icua éra, “Si esa nabi wangko' an unertao! Si Amang Kasuruan imayo en lumowir sé tou-Na!”

Lukas 8:37

Wo pakasa sé tou an sangkum ing Gerasa mekiupus a si Yesus wosama' itela'- u-Na en tampa éra. Icua éra in taniitu ampa'paan séra im pakasa uli-ulit maindé'. Anaé, si Yesus sumaké sumawel an londéi wo maréng.

Yohanes 14:12

En ulitna icua-Ku mangé ai camu, si séike' si maéman a Yaku, émaanna oka ka'i en tuu-tuus kakaya'kaan si meputé wo sé niéma'-Ku. Wo ka'i ro'na kaémaan-Na sé tuu-tuus kakaya'kaan sé wangko' mai wo sé niéma'-Ku itu, ampa'paan Aku maangém a si Amang-Ku.

Kisah Para Rasul 2:22

Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.

Kisah Para Rasul 4:33

Wo ang karapi ing kawasa wangko', sé ruru'du'an méé kasairian andumoro' i Apo' Yesus si tinou sumawel am papaté. Wo séra im baya menonou an upus si aitambér i Amang Kasuruan si ra'io icakua.

Kisah Para Rasul 5:5

Kelinga i Ananias in itu, sia icarepa an tana' wo maté. Wo pakasa en tou sé iluminga ing kamamualian itu, maindé' keli.

Kisah Para Rasul 9:34

Wo icua i Petrus ai sia, “Eneas, si Yesus Kristus isumama'o ico. Tumooro wo tu'tuleno em pakatekelanmu!” Asi témpo ituke', si Eneas makala'us tumoor.

Kisah Para Rasul 9:40

Taan iru'du' i Petrus pakasa séra kumesot. Kumawus in itu sia kumundu wo sumombayang, wo sérénna e mayat wo icuana, “Tabita, tumooro!” Wo si Tabita muka' im beren. Keséréna si Petrus, sia tumoor wo lumukut.