Kisah Para Rasul 2:42 - En Taar Weru a nunuwu' é Tontemboan

⁴² Séra mengali'us mewali-wali wo le'tek mengalinga sé ruru'du'an mengasusui in andumoro' i Yesus. Wo séra tatap mengaéma' im perjamuan wo mengasombayang.

Kisah Para Rasul 2:42 ပူးပေါင်းရင်းမြစ်များ

Lukas 24:30

An tutuw Sia lumukut kuman mewali-wali wo iséra, Sia mindo roti wo kumua i makapulu'sama' a si Amang Kasuruan wo te'bi-te'biin-Na e roti itu wo yéké-Na ai séra.

Lukas 24:35

Wo isisil ka'i é rua tou itu andumoro' in sapa e imamuali ai séra in dua an uner im bawayaan maangé an Emaus wo ka'i tambisa séra ro'na makatuus si Apo' Yesus an tutuw Sia mene'bi-ne'bi' i roti.

Kisah Para Rasul 1:14

Séra im baya le'tek mengali'us wo meesa en até mengasombayang. Séra mengasombayang mewali-wali wo sé piraan wéwéné ang karapi i Maria inang i Yesus wo sé poo-poow i Yesus.

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Kisah Para Rasul 2:46

Wo susur in endo séra le'tek mewali-wali wo meesa en até mengali'us ang am Balé Le'nas. Séra mengaéma' im perjamuan mewali-wali ang karapi in arui wo lekep en até si pagilir am balé-walé.

Kisah Para Rasul 20:11

Kumawus in itu si Paulus maréng angé sumawel an dangka'. Am bitu te'bi-te'biinna e roti wo séra kuman mewali-wali. Makakanai uré-uréané' ka'i sia maroma' wo iséra akar i mamoondo. Wo itela'una en Troas.

Kisah Para Rasul 20:7

Asi endo kataré in duminggu itu, cami wo sé tou maéman walina mai mali'us mewali-wali e méma' im perjamuan. Am bitu si Paulus uré-uréan manuwu' a sé tou maéman akar ing katoora im bengi, ampa'paan asi mando mai sia suméngkot.

Kisah Para Rasul 4:23

An tutuw i Petrus wo si Yohanes aiwekaro, wo séra maréng angé a sé kara-karapi éra. Wo isisil éra waya sé aicua é kikiiten é imam wo sé matu'a é tou Yahudi ai séra.

Kisah Para Rasul 4:31

Makasombayangai séra, en tampa lini'usan éra itu mangéro'. Wo séra kawasan i Roh Le'nas wo tumo'tolo makua in Taar i Amang Kasuruan ang karapi wuta ing kabranian.

Kisah Para Rasul 6:4

Wo in taniitu, kami asaloka mengasombayang wo mengakua in Taar i Amang Kasuruan.”

Roma 12:12

Maaru-aruio mangé kamu ang karoro'an i maarap a si Amang Kasuruan. Wo malese-leseno mangé mengasangkum ing kawenduan, wo ka'i le'tek mengasombayang.

1 Korintus 10:21

Sa kamu imelepo in anggor asi paelepan am perjamuan i Casuruan, kamu ra'io toro ka'i melep asi paelepan in anggor torona é roh léwo'. Sa kamu icumano a méja im perjamuan i Casuruan, kamu ra'io toro ka'i kuman asi méja pengaapo'an torona é roh léwo'.

1 Korintus 11:2

Yaku Paulus marayo icamu é jamaat ang Korintus ampa'paan kamu mena'né-na'néi im pakasa sé pengaémaanku wo ka'i kasake' tumimboi in sususuien sé pasusuiku ai camu.

1 Korintus 14:6

Anaé é poo-poow, sa aku maai ai camu wo maroma' mapaké i nunuwu' i roh, en itu ra'ica wana en toronana ai camu. Lébé awéan torona sa aku makua i nunuwu' sapa si aicua i Amang Kasuruan a yaku kuma'pa eng kakailekan andumoro' i Amang Kasuruan, kuma'pa kumua in abar asi Amang Kasuruan owo, kuma'pa sumusui icamu.

Galatia 1:6

Yaku mangaya'ka' keli ampa'paan kamu taloso rior tumela'u si Amang Kasuruan kekawus iow maéman a si Kristus. En ulitna kamu tinowa i Amang Kasuruan wosama' kamu makéré ing katouan akar ing kauré-uré, si aitambér i Kristus. Taan kamu icumiitke' in sususuien asi abar walina.

Efesus 2:20

Icamu ayandé tanuoka im bangunan winangun am bawo im batu si aitulir é ruru'du'an wo sé nabi. Wo si Kristus Yesus ituo em batu kumataré-taré si tumombol pakasa im bangunan.

Efesus 6:18

Émaano mangé waya en itu ang karapi i masombayang susur in oras wo mangileko mangé a si Amang Kasuruan ang karapi im pakaakinen i Roh Le'nas. Menomba-nombayango mangé, wo tatapke' matéi-téir am pakasa in témpo wo tioo mento' taan tatapke' masombayang. Susur iow in sumombayang, ipengasombayang angé waya sé tou le'nas.

Filipi 1:5

Pengakuaku i makapulu'sama' a si Amang Kasuruan, ampa'paan tumo'tolke' mai asi endo kataré kamu luminga in Abar Kaaruien in andumoro' i Yesus Kristus akar intarépé', kamu tumawango in tawoienku mengakua in Abar Kaaruien.

Kolose 1:23

Ampa'paano in itu kamu musti le'tek maéman wo kasake' keter makatimboi asi Abar Kaaruien andumoro' si Yesus Kristus. Wo tioo itela'u miow em paarapen si an untep in Abar Kaaruien itu, si aiwééo ai camu wo liningao miow. Wo en Abar Kaaruien itu aicuao a sé pakasa é tou ang kayo'baan. Wo yaku Paulus mamuali tou mengaselewir eng kumua in Abar Kaaruien andumoro' i Yesus Kristus itu.

Kolose 4:2

Masombayango mangé in re'dem kamu ang karapi im bewerot weresi wo ka'i makua mangé i makapulu'sama' a si Amang Kasuruan.

2 Timotius 3:14

Taan musti timboienmu sumama-sama' en sususuien wutul itu sé tinerimamuo wo si paémanenmu. Ampa'paan kailekanmuo im butul sé tou isumusuio ai co indior anaé séra ro'na émanenmu.

Ibrani 10:25

Tioo kita tumayang am pengali'usan i mengaapo', tanu ing kanaramen im paémaan é piraan tou. Taan mayoo taré kita mare'de-re'dem mengali'us mewali-wali i maapo' wosama' membém-béan angé ing kaketeran am paémanen, ampa'paan kailekanta en endo si Apo' Yesus maai sumawel makatawio.

Ibrani 10:39

Kita anio' ra'ica sé tou sé tumela'uo si Casuruan wo patén, taan kita anio' sé tou maéman a si Casuruan wo sé makéré ing kalowiran.

1 Yohanes 1:3

Intarépé' icua ami ai camu sapa sé sinéréo wo liningao ami ai Sia. Wo in taniitu kamu ro'na menonou meesa wo icami. Wo kita im baya ka'i menonou meesa wo si Amang wo si Toyaang-Na Yesus Kristus.

1 Yohanes 1:7

Taan sa kita menonou an sendot meputé ka'i wo Sia an sendot, tantu kita menonou imeesa wo sé tou walina. Wo pakasa eng kamesé-meséaanta wu'asan oka in enda' i Yesus Toyaang-Na.

1 Yohanes 2:19

Mémang séra itu tou an unerta owo, taan séra itu ra'ica touta. Ampa'paan sa séra itu touta, tantu séra kasake' mewali-wali wo icita. Taan ampa'paan séra itumanéo wo icita, en itu mamuali tuus sa séra itu ra'ica touta.

Yudas 1:20

Taan kamu é poo-poow sé icaupusku, wanguneno mangé eng katouan iow imengatuur asi paémanen iow si lume'na-le'nas. Wo sumombayango mangé maké ing kawasa i Roh Le'nas.