Kisah Para Rasul 2:41 - En Taar Weru a nunuwu' é Tontemboan

⁴¹ Kumawus in itu, sé tou itumerima i nunuwuun i Petrus, séra méé in owak em baptisen. Asi témpo ituke', sé tou maéman a si Yesus makaawes eng kakeli mamuali telu ngariwu tou.

Kisah Para Rasul 2:41 ပူးပေါင်းရင်းမြစ်များ

Yohanes 14:12

En ulitna icua-Ku mangé ai camu, si séike' si maéman a Yaku, émaanna oka ka'i en tuu-tuus kakaya'kaan si meputé wo sé niéma'-Ku. Wo ka'i ro'na kaémaan-Na sé tuu-tuus kakaya'kaan sé wangko' mai wo sé niéma'-Ku itu, ampa'paan Aku maangém a si Amang-Ku.

Yohanes 21:11

Si Simon Petrus sumaké an londéi, wo wésoonna ang katanaan en lolombo' si mawuta-wuta é sera' wangke-wangker, eng kakelina sangaatus lima ngapulu' telu. Mandé ka'i in taniitu en lolombo' itu ra'ica imakésé'.

Kisah Para Rasul 1:15

Asi makasa, sé poo-poow esa paémanen a si Yesus imaumung mewali-wali. Eng kakeli éra wona' sangaatus rua ngapulu' tou. Wo si Petrus tumulung an uner éra wo kumua,

Kisah Para Rasul 13:48

Kelinga in itu, pakasa é tou sé ra'ica Yahudi arui keli wo rumayo sumiri' in Taar i Casuruan itu. Wo sé tou sinisiro i Amang Kasuruan makéré oka ing katouan akar ing kauré-uré, séra itu mamuali maéman.

Kisah Para Rasul 2:37

An tutuw éra luminga waya in itu, en até éra mendam i manesel wo séra mamuéi a si Petrus wo sé ruru'du'an walina, “Poo-poow, sapa réén e musti émaan ami?”

Kisah Para Rasul 2:47

Séra marayo si Amang Kasuruan wo ka'i casalé' é tou keli. Wo susur in endo pengawe-ngawesan i Casuruan eng kakeli é tou maéman itu ang karapi é tou sé pakalowirené'.

Kisah Para Rasul 27:37

Pakasa sé ang kapal itu eng kakelina rua ngaatus pitu ngapulu' enem tou.

Kisah Para Rasul 3:23

Si séi ra'ica luminga si Nabi itu, sia itané oka an uner é tou i Amang Kasuruan wo patén.’

Kisah Para Rasul 4:4

Taan an uner é tou sé iluminga in sususuien itu kelian sé maéman, akar eng kakeli éra wona' awéan lima ngariwu tuama.

Kisah Para Rasul 7:14

Wo iru'du' i Yusuf e mangé mai si Yakub amangna wo pakasa sé poo-poowna e mai mento' a Mesir. Eng kakeli éra pitu ngapulu' lima tou.

Roma 13:1

Pakasa en tou musti le'tek a sé pemerénta. Ampa'paan ra'ica wana pemerénta sé ra'ica winéan hak i Amang Kasuruan e merénta. Wo pakasa sé pemerénta aitantu i Amang Kasuruan.

1 Tesalonika 1:6

Wo kamu mengakiito im peri ami wo im peri i Apo' Yesus. Mandé awéan tou maokoi camu, émaan i Roh Le'nas kamu kasake' tumerima in arui en taar i Casuruan.

1 Petrus 3:20

Sé roh itu, roh é tou ra'ica le'tek asi Amang Kasuruan an jaman i Nuh. Ang karoro'an i Nuh maéma' ing kapal wangker, si Amang Kasuruan talesen maento-ento' sé tou e mape'dis mengéma-ngéma' ing kaléwo-léwo'an. An tutuw en sonop wangko' itu imayo, wayake' i walu tou sé malowir asi sonop wangko' itu. Sérao sé an untep ing kapal wangker itu.

Wahyu 16:3

Kekawus in itu, ituas i malaékat karua sé an untep im paelepanna itu an ta'sic. Wo en dano in ta'sic mamuali enda' tanuoka in enda' é tou imatéo. Wo pakasa sé menonou an ta'sic ka'i makapaté-paté.