Kisah Para Rasul 2:40 - En Taar Weru a nunuwu' é Tontemboan

⁴⁰ Keliané' ka'i en aicua i Petrus ai séra. Sia masairi ka'i wo méé kaketeran an até éra, icuana, “Iwééo mio' en owak iow lowiren i Casuruan, tioo kumiit sé tou intarépé' sé mengéma-ngéma' in léwo'.”

Kisah Para Rasul 2:40 ပူးပေါင်းရင်းမြစ်များ

Matius 12:34

Éi camu sé taranak i ula' rumacu-racung, tumambisa kamu ro'na kumua sé andumoro' in loor sa kamu in esa léwo'. Ampa'paan sapa en aicua im ba'ba' lumembo an até owo.

Matius 16:4

Sé tou léwo' wo ra'ica le'tek anio' mangilek esa tuus. Sé tou tanu icamu ra'ica turu'an-Ku in esa tuus aluar in tuus si mamuali a si nabi Yunus.” Wo itela'u i Yesus séra wo mangé.

Matius 17:17

Wo icua i Yesus, “Éi camu tou léwo' wo tou ra'ica maéman! Akar kawisa réén Aku musti mewali-wali wo icamu? Wo akar kawisa Aku musti talesen ai camu? Paalino mai si toyaang itu!”

Matius 23:33

Éi camu tou léwo', eng kaléwo' miow meputé wo si ula' rumacu-racung, ampa'paan kamu taranak é tou léwo'. Tumambisa kamu ro'na icawekar an ukuman in api ra'ica mape'de-pe'del akar ing kauré-uré?

Markus 8:38

Ampa'paan si séike' mangé e malawi' ampa'paan Yaku wo in sususuien-Ku an dior é tou sé ra'ica le'tek wo keli kamesé-meséaan anio', si Toyaang i Tou ka'i malawi' oka mangaku si tou itu an tutuw-Na maai ang kawasa wangko' i Amang-Na, mewali-wali wo sé malaékat le'nas.”

Lukas 16:28

A mangé mbitu awéané' lima metuari tuama. Anaé, ru'du'o si Lazarus e mangé mokéi ai séra akar séra ra'ica muntep an tampa kawenduan anio' sa.’

Lukas 21:36

Ampa'paano in itu matéi-téiro mangé kamu wo menomba-nombayango mangé, wosama' kamu keter en sumangkum ing kawenduan sé mamuali oka sa wo ka'i makawoo tumulung an dior i Toyaang i Tou tutuw Sia mai makim icamu.”

Yohanes 21:25

Wo keliané' ka'i en andumoro' im balina sé niéma' i Yesus. Taan sa pakasa e niéma' i Yesus itu ipatic maesa-esa, pawerotenku ra'ica kawooan ing kayo'baan e mamuat pakasa eng kitap si musti ipatic itu.

Kisah Para Rasul 10:42

Wo ru'du'-Na kami kumua in Abar Kaaruien andumoro' i Yesus Kristus a sé pakasa im bangsa wo masairi sapaoka Sia si aitantuo i Amang Kasuruan e mai makim pakasa sé tou menonoué' wo sé tou imatéo.

Kisah Para Rasul 15:32

Si Yudas wo si Silas itu nabi, niéma' éra sé tou maéman an Antiokhia maibor wo ka'i kumeter in até éra.

Kisah Para Rasul 20:11

Kumawus in itu si Paulus maréng angé sumawel an dangka'. Am bitu te'bi-te'biinna e roti wo séra kuman mewali-wali. Makakanai uré-uréané' ka'i sia maroma' wo iséra akar i mamoondo. Wo itela'una en Troas.

Kisah Para Rasul 20:2

A Makedonia, sia menuli-nuli a sé tou maéman wo méé kaketeran im paémanen ai séra. Wo sia mangé an Yunani.

Kisah Para Rasul 20:21

Pengua-nguaku a sé tou Yahudi wo a sé tou ra'ica Yahudi wosama' séra mape'dis wo kumiit a si Amang Kasuruan wo séra musti maéman a si Apo' Yesus.

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Kisah Para Rasul 20:9

Wo awéan esa mangalitou makangaran Eutikhus, sia makalukut an régél in jandéla. Si mangalitou itu ra'io makalesen ing kili', ampa'paan si Paulus uré keli manuwu'. Sumiwak si mangalitou itu kakili'an wo sia asi salé' katelu owo sia lumepokio'. An tutuw éra mangkai isia, sia imatéo.

Kisah Para Rasul 28:23

Wo séra tumantu esa endo e meta'up sumawel wo si Paulus. Wo asi endo itu kelian sé imai an tampa pakaento'anna. Wo sia kumua wo masairi ai séra andumoro' si Amang Kasuruan Kumawasa tanu Kolano. Sia ka'i maké in tuu-tuus an ukum Torat wo eng kitap é nabi e rumaméji wosama' kailekan éra wo émanen éra sa si Yesus itu si Mesias. En itu imamuali tumo'tol i mamoondo akar im bawaando.

Kisah Para Rasul 4:36

Taniitu ka'i si Yusuf taranak i Lewi si tumou an Siprus. Sia pengatowan é ruru'du'an ‘Barnabas’, eng kaangéanna ‘tou mengawéé ing kaketeran a sé tou walina’.

2 Korintus 5:20

Anaé, icamio sé a yutus i Kristus. Sa kami sumina'u icamu, en itu meputéo si Amang Kasuruan sumina'u. Wo ang karapi i ngaran i Kristus, uli-ulit pekiupusen ami, wosama' icamu meeluran wo si Amang Kasuruan.

2 Korintus 6:17

Ampa'paan in ituo si Amang Kasuruan ka'i icumua, “Tela'uo mio' sé tou ra'ica makatuus si Amang Kasuruan, wo ipataya-tayango mangé en owakmu ai séra. Ra'ica toro misu' in sapake' sé karican keli, wo kamu teriman-Ku oka.

Galatia 5:3

Ita'néiku ka'i sumawel, si tou iméé in owakna in sunaten wosama' nianggap wutul an dior-Na, musti émaanna waya en atoran in ukum Torat.

Efesus 4:17

Ampa'paan in itu, icuaku wo ita'néiku mangé ai camu ang karapi ing kawasa si aiwéé i Casuruan: Kamu ra'io toro menonou kaputé é tou sé ra'ica makatuus si Amang Kasuruan, sé asalo mawerot andumoro' sé ra'ica wana en torona.

Filipi 2:15

wosama' kamu menonou ang karapi in até weresi wo ra'ica wana kaséaan. Wo in taniitu, ituru' miow sapaoka kamu toya-toyaang i Amang Kasuruan sé ra'ica wana kaséaan an uner é tou léwo' wo a sé tou icasélé'kow. Anaé icamu oka e mamuali sendot an unér éra kaputé sé sumesendot mengatélang an untep ing kayo'baan.

1 Tesalonika 2:11

Kailekan iow sapaoka kamu im baya pasérén ami tanuoka si amang maséré sé toyaangna in esa. Pasina'uen ami kamu wo pawéan ami kaketeran en até miow.

1 Timotius 4:16

Ampa'paan ituo, téirano mangé sumama-sama' en owakmu wo ka'i téirano mangé sumama-sama' en sususuien wutul itu. Ico musti le'tek mengaéma' im pakasa in itu. Sa émaanmu waya en itu, ico lowiren i Amang Kasuruan ang karapi é tou sé mengalinga ai co.

1 Petrus 5:12

En surat kolek anio' aipaticku ai camu wo sinémbongan i Silas, si nianggapkuo poowku an esa paémanen. Sia itu le'tek am paémanen wo ro'na papercayan. Aipaticku en surat anio' en sumina'u wo méé kaincayaan ai camu wosama' ro'na percayan iow sapaoka sé aipaticku anio' uli-ulit abar wutul andumoro' ing kamang aitambér i Amang Kasuruan ai camu. Wo eng kamang itu musti timboian iow i mauli-ulit.