Kisah Para Rasul 2:30 - En Taar Weru a nunuwu' é Tontemboan

³⁰ Taan si Daud anio' nabi wo kailekanna sa si Amang Kasuruan ijumanjio ai sia ang karapi in sumpa sapaoka esa asé taranakna mamuali oka kolano.

Kisah Para Rasul 2:30 ပူးပေါင်းရင်းမြစ်များ

Matius 22:43

Wo wuéien ka'i i Yesus ai séra, “Sa réén taniitu, tumambisa si Daud an tutuw sia kinawasa i Roh Le'nas wo patuulenna si Kristus itu Tuangna? An tutuw itu aicua i Daud in tana'i,

Matius 27:35

Kekawus éra sumalip Sia, wéténgen éra eng karai-Na ang kerapi in lumotréi.

Markus 12:36

Ampa'paan si Daud an tutuw kinawasa i Roh Le'nas kumua: Si Amang Kasuruan cumuao a si Tuangku tana'i, ‘Lumukuto mai asi tampa pasiri-siriin ang kakan-Ku, akar sé kaséké'-Mu iweta'-Ku an darem im palara ing kécéi-Mu.’

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Kisah Para Rasul 1:16

“Poo-poow! Sapa sé aipatic ang Kitap Le'nas in andumoro' i Yudas, musti mamuali. Indior, si Roh Le'nas maké si Daud eng kumua in andumoro' i Yudas, si makawali mai sé tou en tumangka' si Yesus.

Roma 1:3

En Abar Kaaruien itu andumoro' i Toyaang-Na, si Apo'ta Yesus Kristus. Sa sérén eng katouan tanu in tou, Sia itu taranak i colano Daud,

Roma 15:12

Wo ka'i si nabi Yesaya kumua in tana'i, “Maai oka si esa tou asi taranak i Isai owo. Wo Sia maai oka e merénta a sé pakasa in tou ra'ica Yahudi. Wo ai Siao pakasa sé tou méé oka im paarapen.”

2 Timotius 2:8

Ta'néien in sumama-sama' en anio': si Yesus Kristus taranak i Daud, wo maté taan tinou sumawel i Amang Kasuruan. Si anioo en Abar Kaaruien si pakua-kuakuo am bisa-wisa.

Ibrani 1:1

Indior, penguri-ngurin i Amang Kasuruan maroma' a sé apo-apo'ta mengapaké sé nabi ang karapi i membam-balinaan en carana.

Ibrani 3:7

Ampa'paano in itu, ta'néieno mangé sapa sé aicua i Roh Le'nas ang kitap Le'nas, “Asi endo anio', sa lingan iow en suara i Amang Kasuruan,

Ibrani 4:7

Ampa'paan in ituo si Amang Kasuruan itumantuo ka'i esa endo walina e méé témpo a sé tou muntep asi tampa pengaenaan itu. Si endo ituo “si endo anio'.” Kekawus i maatus ngata'un si Daud imatic i nunuwu' i Amang Kasuruan andumoro' si endo anio', “Asi endo anio', sa kamu luminga in suara i Amang Kasuruan, tioo ipaketé-keté en até.”

Ibrani 6:17

Si Amang Kasuruan kumeter in janji-Na a sé tou ang karapi in sumpa wosama' séra sé tumerima in janji-Na itu ro'na mercaya sapaoka Sia ra'ica rumoba im pawasa-wasan-Na.

Ibrani 7:21

Taan si Yesus niangkai i Amang Kasuruan mamuali Imam maké in sumpa. Si Amang Kasuruan icumua a si Yesus tanu si aipatic i Daud tana'i, “Si Casuruan isumumpa wo em pinusé'-Na ra'ica kawisa maroba, ‘Icoo Imam akar ing kauré-uré.’ ”

2 Petrus 1:21

Ampa'paan e nunuwu' asi Amang Kasuruan owo itu ra'ica isumangkum ako ipakua-kua kumiit ing kasalé'an in tou, taan ampa'paano in tawoien i Roh Le'nas si cumawasa a sé tou, akar séra ro'na kumua i nunuwu' i Amang Kasuruan itu.

Wahyu 17:14

Séra merang oka en sumundur si Toyaang i Domba, taan si Toyaang i Domba ra'- ica kinakalaan éra, ampa'paan Sia Tuang am pakasa é tuang, wo Kolano am pakasa é kolano. Si Toyaang i Domba itu mewali-wali wo sé tou sé tinowao, sé sinisiro wo sé le'tek ai Sia, muntung oka.

Wahyu 19:16

An juba-Na wo am parangkéi-Na pinatican esa ngaran tana'i, “Kolano im pakasa é kolano wo Kasuruan im pakasa é kasuruan.”