Kisah Para Rasul 2:24 - En Taar Weru a nunuwu' é Tontemboan

²⁴ Taan Sia tinou sumawel i Amang Kasuruan wo iwekar-Na asi kawenduan im papaté ampa'paan em papaté ra'ica makawoo kumawasa Sia.

Kisah Para Rasul 2:24 ပူးပေါင်းရင်းမြစ်များ

Matius 27:63

icua éra, “Tuang gubernur, kinata'néian amio, an tutuw si mengasélé'kow itu menonou, sumangkumo icua-Na in tana'i, ‘Kekawus in telu ngando Aku imaté, Yaku tumou oka sumawel.’

Yohanes 10:18

Ra'ica ka'i wana esaan tou e ro'na maté Yaku, taan kasalé'an-Ku in esa en sumarakan in owak-Ku. Ampa'paan Aku awéan kawasa e méé in owak-Ku im patén, wo Yaku ka'i awéan kawasa en tumou sumawel in owak-Ku. Si Casuruan Amang-Ku e rumu'du'o Yaku méma' in itu.”

Yohanes 10:35

Kailekan iow eng Kitap Le'nas pengapakén akar ing kauré-uré. Anaé, sa sé tou tumerima in taar i Amang Kasuruan patuulen ‘sé kasuruan,’

Yohanes 12:39

Anaé ra'ica pinercaya éra ampa'paan si nabi Yesaya icumuao ka'i,

Yohanes 20:9

Ampa'paan akar asi oras itu ka'i ra'ipé' kaangéan éra sapa en aipatic ang Kitap Le'nas sapaoka si Yesus musti tumou sumawel an uner é tou imaté.

Kisah Para Rasul 1:16

“Poo-poow! Sapa sé aipatic ang Kitap Le'nas in andumoro' i Yudas, musti mamuali. Indior, si Roh Le'nas maké si Daud eng kumua in andumoro' i Yudas, si makawali mai sé tou en tumangka' si Yesus.

Kisah Para Rasul 13:30

Taan Sia tinou sumawel i Amang Kasuruan an uner é tou imaté.

Kisah Para Rasul 13:37

Taan an tutuw i Yesus imaté, e mayat-Na ra'ica mawuruk an untep ing kubur, ampa'paan Sia tinou sumawel i Amang Kasuruan.

Kisah Para Rasul 17:31

Ampa'paan aitantu-Nao asi esa témpo e makim sé tou karapi i ra'ica marapit, wo aituru'-Nao esa Tou mamuali akim. Wo aituru'-Nao en itu a sé pakasa in tou ang karapi in tumou sumawel si Tou itu am papaté.”

Kisah Para Rasul 2:32

Si Yesus anioo si tinou sumawel i Amang Kasuruan. Wo icamio im baya e mamuali sairi andumoro' in itu.

Kisah Para Rasul 3:15

Sia si Le'nas itu palemboian ing katouanta pinatéo miow taan Sia tinou sumawel i Amang Kasuruan an uner é tou imaté. Kamio e mamuali sairi sapaoka Sia tumou sumawel.

Kisah Para Rasul 3:26

Ampa'paan in ituo, si Amang Kasuruan isumisiro si Ata-Na wo yutus-Na kataré-taré ai camu wosama' Sia kumamang icamu, en lalanna tawangen-Na kamu si esa wo si esa en tumela'u ing kaléwo-léwo'an.”

Kisah Para Rasul 4:10

musti kailekan iow im baya wo sé tou Israel, sapaoka si tou anio' imasama' ampa'paan ing kawasa i Yesus Kristus si tou Nazaret si aisalip iow, taan tinou sumawel i Amang Kasuruan an uner é tou imaté. Wo ampa'paano si Yesus ituo, akar si tou anio' imasama' wo ro'na makatulung an dior iow.

Kisah Para Rasul 5:30

Si Amang Kasuruan si paapo'an é apo-apo'ta, Siao en tumou sumawel si Yesus si aisalip iow.

Roma 10:9

Tana'i: sa kamu mangaku ang karapi im ba'ba' miow sapaoka si Yesus itu Kasuruan, wo maéman an untep in até miow sapaoka si Yesus tinou sumawel i Amang Kasuruan an uner é tou imatéo, kamu lowiren oka.

Roma 14:9

Si Kristus imatéo wo itumou sumawel, wosama' Sia mamuali Kasuruan é pakasa in tou sé menonoué' wo sé imatéo.

Roma 4:24

taan aipatic ka'i torona icita im baya. Kita nianggap wutul i Amang Kasuruan, ampa'paan kita maéman ai Sia si tumou sumawel si Yesus Apo'ta an uner é tou imaté.

Roma 6:4

Anaé, an tutuw kita nibaptis, kita tanu imaté wo aicubur mewali-wali wo si Kristus, wosama' meputé si Kristus tinou sumawel am papaté-Na ang karapi ing kawasa i Amang Kasuruan, Amang si parayo-rayo wo pasiri-siriin, kita ka'i menonou ang katouan weru.

Roma 8:11

Sa e Roh i Amang Kasuruan si tumou sumawel si Yesus an uner é tou maté maento' an untep in owak iow, eng kaangéanna en owak iow si ro'na maté itu, touen oka ka'i sumawel i Roh i Amang Kasuruan si tumouo sumawel si Yesus Kristus an uner é tou maté.

Roma 8:34

Ra'ica wana tou e ro'na méé séa', ampa'paan bélan oka i Kristus Yesus an dior i Amang Kasuruan. Sia imatéo torona icita wo tinou sumawel, wo makalukut ang kakan i Amang Kasuruan wo mekiupus torona icita.

1 Korintus 15:12

Ipakua ami a sé tou sapaoka si Kristus tinouo sumawel am papaté. Taan kéitu réén awéan piraan tou ai camu makua sapaoka sé tou imatéo ra'io ka'i touen sumawel?

1 Korintus 15:15

Wo in taniitu, tantu kami mééo kasairian si ra'ica wutul andumoro' si Amang Kasuruan. Ampa'paan ipakua ami a sé tou sapaoka si Kristus tinou sumawel i Amang Kasuruan. Sa wutul sé tou imatéo ra'io touen sumawel, tantu si Kristus ra'io tinou sumawel.

1 Korintus 15:20

Taan en ulitna sapaoka si Kristus tinouo sumawel an uner é tou imatéo. Siao eng kumataré-taré tinou sumawel, taniitu ka'i sé tou maéman sé imatéo, touen oka ka'i sumawel.

1 Korintus 15:4

An tutuw i Kristus imatéo Sia aicubur wo asi endo katelu Sia tinou sumawel i Amang Kasuruan. En itu, tanu si aipatic ang Kitap Le'nas.

1 Korintus 6:14

En owak i Apo' Yesus tinou sumawel i Amang Kasuruan. Tanu siituo ka'i en owakta, touen oka sumawel ka'i i Amang Kasuruan maké ing kawasa-Na.

2 Korintus 4:14

Kailekan ami sapaoka si Apo' Yesus tinouo sumawel i Amang Kasuruan wo icami ka'i touen sumawel mewali-wali wo si Yesus, icamu wo icami iwali oka an dior-Na.

Galatia 1:1

En surat anio' a yaku owo Paulus. Yaku mamuali ruru'du'an, ra'ica airu'du' é tou wo ra'ica ka'i niangkai i esa tou. Taan aku mamuali ruru'du'an ampa'paan i Yesus Kristus wo si Amang Kasuruan, Amangta, si tumou sumawel si Yesus an uner é tou imaté.

Efesus 1:20

si itumou sumawel si Kristus an uner é tou imaté wo méé im palukutan pasiri-siriin ang kakan-Na an sorga.

Kolose 2:12

Ampa'paan an tutuw iow nibaptis, kamu tanu aicuburo mewali-wali wo si Kristus. Wo ang karapi im baptisan itu, kamu ka'i tinou sumawel mewali-wali wo Sia, ampa'paan kamu maéman asi kawasa i Amang Kasuruan si tumou sumawel si Kristus an uner é tou imaté.

1 Tesalonika 1:10

Pengasisil éra ka'i en andumoro' tambisa kamu mengento-ngento' si Toyaang i Amang Kasuruan maai a mangé en sorga owo. Siao si Yesus, si tinou-Na sumawel am papaté. Si Yesus itu ka'i en lumowir icita sé maéman ai Sia an ukuman i Amang Kasuruan sa.

Ibrani 13:20

Si Yesus Apo'ta tinou sumawel i Amang Kasuruan am papaté. An tutuw Sia imaté en enda'-Na makatiti-titis wo en enda'-Na itu iméma' im perjanjian weru mapaké akar ing kauré-uré. Anaé, Sia mamuali Gembala Wangko' torona icita. Ampa'paano in itu pekiupusenku a si Amang Kasuruan si palemboian ing kaeluran torona miow,

Ibrani 2:14

Sé tou patuulen i Yesus toya-toyaang itu, séra asaloke' tou si ro'na maté. Anaé, si Yesus imamuali tou wo menonou meputé wo sé tou, wosama' em papaté ro'na sangkumen-Na kaputé in tou. Wo ampa'paano im papaté-Na itu, ro'na kalan-Na si kikiiten é sétang si makakawasa im papaté.

1 Petrus 1:21

Ampa'paan e niéma' i Kristus ituo, kamu maéman a si Amang Kasuruan, Siao en tumou sumawel si Kristus an unér é tou imaté wo ka'i méma' si Kristus iparayo-rayo wo pasiri-siriin. Wo in taniitu em paémanen iow wo em paarapen iow toronake' i Amang Kasuruan.

Wahyu 1:18

wo Si Menonou. Yaku si matéo, taan intarépé' séréno Aku menonou, wo Aku menonou akar ing kauré-uré. Pakakulun-Ku eng kukusi' im papaté wo eng kakolanoan im papaté.