Kisah Para Rasul 2:22 - En Taar Weru a nunuwu' é Tontemboan

²² Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.

Kisah Para Rasul 2:22 ပူးပေါင်းရင်းမြစ်များ

Matius 12:28

Taan sa Aku musér si sétang maké ing kawasa i Roh i Amang Kasuruan, en ulitna si Amang Kasuruan Kumawasao tanu Kolano an uner iow.

Matius 2:23

Icateka' mangé séra ang Galilea, séra mento' ang kota makangaran Nazaret. Wo in taniitu, en taar sé aicua é nabi andumoro' i Toyaang itu imamualio: Sia tuulen oka “Tou Nazaret.”

Matius 9:8

Keséré in itu, sé tou keli maindé' wo rumayo si Amang Kasuruan si méé ing kawasa wangko' a sé tou.

Lukas 11:20

Taan sa Aku musér si sétang maké ing kawasa i Amang Kasuruan, en ulitna si Amang Kasuruan Kumawasao tanu Kolano an uner iow.

Lukas 18:37

Wo icua é tou ai sia, “Si Yesus tou Nazaret malangkoi.”

Lukas 24:18

Esaan ai séra makangaran Kleopas, icuana a si Yesus, “Si Amang in esake' réén si manangkéi an Yerusalem, si ra'ica makailek ing kinamamualian asi weru-weru anio'?”

Yohanes 1:45

Wo si Filipus mangé meta'up wo si Natanael, icuana ai sia, “Aipeta'upo ami Sia si aicua i Musa ang kitap Torat, wo si pakua é nabi. Siao si Yesus a Nazaret owo toyaang i Yusuf.”

Yohanes 10:37

Sa Aku ra'ica mengaéma' in tawo-tawoien i Amang-Ku, tioo percayaan iow Aku.

Yohanes 11:47

Ampa'paan in itu, sé kikiiten é imam wo sé tou Farisi tumowa sé Mahkamah Agama mali'us e mepaar, “Sapa réén e musti émaanta? Ampa'paan, si Tou itu méma'o ing keli kakaya'kaan.

Yohanes 12:17

Kelian sé tou mewali-wali wo si Yesus an tutuw Sia tumowa si Lazarus kumesot ang kubur wo itumou sumawel sia an uner é tou imaté, ipengua-ngua éra a sé tou walina sapa e imamuali a si Lazarus.

Yohanes 15:24

Sa ra'ica niéma'-Ku en tuu-tuus kakaya'kaan sé ra'ica kawisa émaan é tou walina, tantu séra ra'ica iméma' ing kamesé-meséaan. Taan intarépé' mandé ka'i sinéré érao pakasa sé niéma'-Ku, taan Yaku wo Si Amang-Ku kasake' ipasuu-suut éra.

Yohanes 19:19

Iru'du' ka'i i Pilatus im pakuan angé esa papang ang kayu salip, si pinatican in tana'i: “Si Yesus, tou Nazaret, Kolano é tou Yahudi.”

Yohanes 3:2

Asi sangawengi sia mai an tampa i Yesus, wo icuana ai Sia, “Guru, kailekan ami si Guru ayutus i Amang Kasuruan en sumusui ai cami. Ampa'paan, ra'ica wana tou e ro'na méma' sé kakaya'kaan kaputé sé niéma' i Guru, sa si Amang Kasuruan ra'ica mewali-wali wo isia.”

Yohanes 4:48

Icua i Yesus ai sia, “Sa ra'ipé' sinéré miow en tuu-tuus wo eng kakaya'kaan, ra'ipé' percayan iow.”

Yohanes 5:36

Taan eng kasairian-Ku en lébé wangko' mai wo ing kasairian i Yohanes. Eng kasairian-Ku sapaoka en tawoien-Ku an uner iow intarépé', siituo en tawoien si aiwéé i Amang a Yaku. Sé tawoien pengaémaan-Ku itu méé tuus sapaoka Yakuo si ayutusai i Amang.

Yohanes 6:14

An tutuw é tou itu isuméré in tuus kakaya'kaan niéma' i Yesus, icua éra, “Sia anio' wutu-wutul Nabi i Amang Kasuruan si aijanjio maai ang kayo'baan anio'!”

Yohanes 6:27

Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

Yohanes 7:31

Taan an uner é tou keli itu kelio sé mato'tolo maéman a si Yesus, wo ipakua éra, “Sia anio' wutu-wutul Kristus, Kolano Lumolowir, ampa'paan ra'ica wana tou e ro'na méma' tuus kakaya'kaan en lébé keli mai wo sé niéma' i Tou anio'.”

Yohanes 9:33

Sa si Tou itu si sumama' yaku ra'ica asi Amang Kasuruan owo, ra'ica kawooan-Na méma' sé kakaya'kaan tanu siitu.”

Kisah Para Rasul 13:16

Kelinga in itu, si Paulus tumulung wo suméin ing kamana a sé tou am bitu, icuana, “Poo-poow tou Israel wo sé tou ra'ica Yahudi sé mengaapo' a si Amang Kasuruan, linganai en icuaku!

Kisah Para Rasul 14:27

Icatéka' mangé an Antiokhia, towan éra sé jamaat e maumung. Wo sisil éra in dua pakasa sé niéma' i Amang Kasuruan ai séra. Sisil éra ka'i tambisa si Casuruan muka' in lalan akar sé tou ra'ica Yahudi ro'na maéman a si Yesus.

Kisah Para Rasul 2:19

Émaan-Ku oka ka'i eng kakaya'kaan-kakaya'kaan a mangé en dangka' an langit, wo en tuu-tuus sé ra'io cakua an darem ing kayo'baan: awéan oka enda', api wo pulu-pulut in tembur.

Kisah Para Rasul 2:43

Asi témpo itu, sé ruru'du'an itu iméma' kelian tuus kakaya'kaan wo tuu-tuus sé ra'io icakua en tumuru' ing kakawasaan i Casuruan, akar pakasa en tou maindé' wo sumiri' si Amang Kasuruan.

Kisah Para Rasul 21:28

Séra mangko', “Éi tou Israel, tawangen kami! Siao si mangé am bisa-wisa e masusui pakasa sé tou ang karapi in sususuien sé makélong sé touta Israel wo en ukum Torat wo em Balé Le'nas anio'! Wo intarépé' sia makawali mai sé tou ra'ica Yahudi am Balé Le'nas anio' wo méma' in tampa le'nas anio' manajis!”

Kisah Para Rasul 22:8

Isowatku i mamuéi, ‘Si séi réén ko é Tuang?’ Wo en suara itu kumua, ‘Yakuo si Yesus, si tou Nazaret si paoko-okoienmu.’

Kisah Para Rasul 24:5

Tana'i é tuang, si tou anio' tatap mengaéma' in léwo' wo am bisa-wisa sia mengaéma' ing kalicokoan a sé tou Yahudi am pakasa ing kayo'baan. Sia mamuali kikiiten ing golongan Nasrani.

Kisah Para Rasul 26:26

Si aicuaku a si tuang kolano kailekan waya i tuang. Ampa'paano in itu yaku ra'ica maindé rumoma' ang karapi ra'ica ipaene-enep an dior i colano. Percayanku ra'ica wana mandé esake' sé aicuaku wo ra'ica kailekan i colano, ampa'paan pakasa en itu imamuali an dior é tou keli.

Kisah Para Rasul 26:9

Indior sa kumiit im basaku in esa, émaanku sapake' mangé en sumundur sé tou makiit si Tou Nazaret makangaran Yesus.

Kisah Para Rasul 3:12

Keséré i Petrus sé tou keli itu wo icuana ai séra, “É tou Israel, kéitu réén kamu mangaya-ngaya'ka' andumoro' ing kamamualian itu? Wo kéitu réén kamu menéinte-néinteng in taniitu ai cami? Paweroten iow réén si tou anio' ro'na maya' ampa'paan ing kawasa ami in esa kuma'pa ampa'paan ing kale'tekkan ami a si Amang Kasuruan?

Kisah Para Rasul 3:6

Taan icua i Petrus ai sia, “Yaku ra'ica wana mas wo pérak. Taan sapa si a yaku, siitu em bééku ai co: Ang karapi i ngaran i Yesus Kristus si tou Nazaret itu, tumulung wo maya'o!”

Kisah Para Rasul 4:10

musti kailekan iow im baya wo sé tou Israel, sapaoka si tou anio' imasama' ampa'paan ing kawasa i Yesus Kristus si tou Nazaret si aisalip iow, taan tinou sumawel i Amang Kasuruan an uner é tou imaté. Wo ampa'paano si Yesus ituo, akar si tou anio' imasama' wo ro'na makatulung an dior iow.

Kisah Para Rasul 5:35

Kekawus in itu, si Gamaliel kumua a sé kara-karapina a Mahkamah Agama itu, “Éi tou Israel, weroten angé sumama-sama' sapa en émaan iow a sé tou anio'!

Kisah Para Rasul 6:14

Lininga ami, ipakuana sa si Yesus tou Nazaret itu e tumongkar oka im Balé Le'nas anio' wo rumoba ing kanaramen si aisusuio i Musa indior, si pemaké-makénta akar intarépé'.”

2 Korintus 12:12

An tutuwku mewali-wali wo icamu, sinéréo miow in esa en tuus sapaoka aku anio' ruru'du'an, ampa'paan niéma'kuo sé tuus wo sé kakaya'kaan wo sé pengéma-ngémaan wangko'. Niéma'ku pakasa en itu ang karapi in talesen.

Ibrani 2:4

Wo eng kasairian é tou itu kineter i Amang Kasuruan, ampa'paan séra winéan-Na kawooan iméma' in tuu-tuus wo membam-balinaan kakaya'kaan wo kawasa-kawasa wangko' wo mengawéténg in tatambér si aiwéé i Roh Le'nas kumiit ing kasalé'an i Amang Kasuruan in esa.