Kisah Para Rasul 2:20 - En Taar Weru a nunuwu' é Tontemboan

²⁰ Si yéndo mariréimbeng oka keli wo en serap maréindang oka tanu in enda'. Pakasa en itu mamuali owo an tutuw ra'ipé' imai en endo i Casuruan, si endo wangko' wo ra'io icakua itu.

Kisah Para Rasul 2:20 ပူးပေါင်းရင်းမြစ်များ

Matius 24:29

“Kekawus ing kawenduan asé endo itu, ‘Si yéndo mariréimbeng oka wo si serap ra'io ka'i tumélang. Sé sumesendot an langit makarongko-rongkor oka wo pakasa eng kawasa an langit malicoko oka.’

Matius 27:45

Tumo'tol asi jam duabelas, pakasa in sangkum in tampa itu mariréimbeng akar asi jam tiga im bawaando.

Markus 13:24

“Taan kekawus ing kawenduan asé endo itu, si yéndo mariréimbeng oka wo si serap ra'io ka'i tumélang.

Lukas 21:25

“An tutuw si Toyaang i Tou maai sumawel, awéan tuu-tuus sé kalinteren oka mai e mamuali asi yéndo, serap wo a sé sumesendot. Wo pakasa sé tou ang kayo'baan maindé' oka wo mabingo an tutuw luminga in deges repet keli si kalinteren oka mai wo en téngéna in sempa' wangker an ta'sic si kaindéén oka mai.

Kisah Para Rasul 2:19

Émaan-Ku oka ka'i eng kakaya'kaan-kakaya'kaan a mangé en dangka' an langit, wo en tuu-tuus sé ra'io cakua an darem ing kayo'baan: awéan oka enda', api wo pulu-pulut in tembur.

Kisah Para Rasul 2:21

Wo si séi e mekiupus a si Casuruan, isia itu lowiren oka.’

1 Korintus 5:5

Isarakano miow si tou itu ang kakawasaan i kikiiten é sétang. Wo in taniitu pendamenna oka eng kawenduan akar sia mape'dis wo em peri léwo'na maka'pu. Anaé, e mu'kurna ro'na malowir asi endo si Casuruan mai makim waya sé tou.

1 Tesalonika 5:2

Ampa'paan kailekan iow ra'ica wana tou si uli-ulit makailek kawisa en oras i Apo' Yesus maai sumawel. Sia maai tanuoka si rombit an tutuw im bengi.

2 Petrus 3:10

Taan kawisa si Apo' Yesus maai sumawel ra'ica wana e makailek ampa'paan Sia maai tanuoka rombit. Wo asi endo itu en langit icatala oka parapiten in erut taténgé keli wo pakasa sé an langit makatunu-tunu oka, taniitu ka'i eng kayo'baan wo pakasa sé an untepna makaka'pu-ka'pu oka.

2 Petrus 3:7

Taan en langit wo eng kayo'baan intarépé' pakatéirané' i nunuwu'-Na itu, en tunun in api sa. Intarépé' en langit wo eng kayo'baan pakatéirané' akar asi endo sé tou léwo' akimen wo patén-Na.

Wahyu 16:8

Kekawus in itu ituas i malaékat kaepat sé an untep im paelepanna itu a si yéndo. Wo si yéndo winéan kawasa en rumengis sé tou ang karapi im paso'na si ra'io icakua.

Wahyu 6:12

Kaséréanku, an tutuw i Toyaang i Domba muka' in ségél kaenem, mangéroo mai eng kayo'baan repet keli. Si yéndo imawuring tanu ing karai wuring si kanaramen pengapakén é mala'lu wo si serap maréindang tanu in enda'.