Kisah Para Rasul 2:2 - En Taar Weru a nunuwu' é Tontemboan

² Wo tumarépé'anke'mai kalingaan awéan suara mai an langit owo tanuoka in téngéna in deges repet wo kapendaman am pakasa in tampa si pakalukutan éra am balé itu.

Kisah Para Rasul 2:2 ပူးပေါင်းရင်းမြစ်များ

Lukas 2:13

Kumawusai si malaékat itu maroma', mapaturu'o mai kekelian malaékat an sorga owo mewali-wali wo si malaékat itu. Wo séra im baya mewali-wali rumayo si Amang Kasuruan. Icua éra,

Yohanes 3:8

Si esa wo si esa tou si tumou asi Roh i Amang Kasuruan, ra'ica makailek tambisa e Roh-Na itu matawoi. En itu ro'na ipeputé wo in deges si mengareges am bisa-wisa wo téngéna ke' si ro'na kalingaanmu taan ra'ica kailekanmu am bisa owo en deges itu imai wo am bisa en angéanna.”

Kisah Para Rasul 2:3

Wo kaséréan éra en lila-lila' tanuoka lila' in api isumerar wo tumeka' ai séra asi esa wo si esa.

Kisah Para Rasul 2:6

Séra ka'i luminga in suara itu, anaé séra mai mali'us asi tampa itu. Séra mangaya'ka' ampa'paan palingan éra e nunuwu' éra si esa wo si esa, papakén é tou maéman itu.

Kisah Para Rasul 4:31

Makasombayangai séra, en tampa lini'usan éra itu mangéro'. Wo séra kawasan i Roh Le'nas wo tumo'tolo makua in Taar i Amang Kasuruan ang karapi wuta ing kabranian.

1 Petrus 1:12

Aicuao i Amang Kasuruan a sé nabi sapaoka sé ipakua éra itu ra'ica torona in owak éra in esa, taan torona miow intarépé'. Sé pakua éra itu, siituo en Abar Kaaruien andumoro' i Yesus Kristus. Wo intarépé' awéan sé tou kinawasa i Roh Le'nas an sorga owo, séra ituo sé tou makua in Abar Kaaruien itu ai camu. Sé malaékat ka'i masalé' makailek andumoro' ing kalowiran sé aicuao ai camu.