Kisah Para Rasul 2:12 - En Taar Weru a nunuwu' é Tontemboan

¹² Séra im baya manguré-ngurésé in do'kos wo mangaya-ngaya'ka' wo mengkung-kuanan, “Sapa réén eng kaangéan in anio'?”

Kisah Para Rasul 2:12 ပူးပေါင်းရင်းမြစ်များ

Matius 7:28

An tutuw i Yesus makasusuio, sé tou keli mangaya-ngaya'ka' luminga in sususuien-Na.

Markus 6:20

Ampa'paan si Yohanes pengasiriin i Herodes wo kailekanna si Yohanes itu tou wutul wo le'nas. Anaé, sia linoindong i Herodes, taan susurna in luminga si Yohanes manuwu' sia ra'io makaaté in sama' mandé ka'i sia mendam in arui mengalinga si Yohanes manuwu'.

Lukas 15:26

Kumawus in itu towanna esaan asé ata itu wo mamuéi ai sia, ‘Sapa réén e mamuali am baléku?’

Lukas 18:36

An tutuw i tou wola itu luminga kelian tou malangkoi wo wuéienna, “Awéan sapa réén?”

Kisah Para Rasul 10:17

Wo pemero-meroten i Petrus an untep in aténa sapa eng kaangéan in andumoro' im pinapaturu'an sé sinéréna itu. Ang karoro'an in itu, sé tou airu'du' i Kornelius aicateka'o am balé pakaloséran i Petrus, wo makatulungo an dior im papalen.

Kisah Para Rasul 17:20

Ampa'paan en aicuamu itu a si ya'sao lingan ami. Anaé, icasalé' ami makailek sapa eng kaangéan im pakasa in itu.”

Kisah Para Rasul 2:11

sé tou Yahudi wo sé tou ra'ica Yahudi sé mengakiit in agama Yahudi. Wo awéan ka'i sé tou Kreta wo sé tou Arab. Icita im baya iluminga iséra maroma' imaké i nunuwu'ta in esa andumoro' ing kakaya'kaan wangko' sé niéma' i Amang Kasuruan.”

Kisah Para Rasul 2:7

Séra im baya wo menguré-ngurésé in do'kos wo mangaya-ngaya'ka' malinga sé tou maéman itu, wo icua éra, “Kailekan ami, sapaoka sé tou maroma' itu tou Galilea.