Kisah Para Rasul 2:11 - En Taar Weru a nunuwu' é Tontemboan

¹¹ sé tou Yahudi wo sé tou ra'ica Yahudi sé mengakiit in agama Yahudi. Wo awéan ka'i sé tou Kreta wo sé tou Arab. Icita im baya iluminga iséra maroma' imaké i nunuwu'ta in esa andumoro' ing kakaya'kaan wangko' sé niéma' i Amang Kasuruan.”

Kisah Para Rasul 2:11 ပူးပေါင်းရင်းမြစ်များ

Kisah Para Rasul 2:10

Frigia wo Pamfilia, Mesir wo sé an sangku-sangkum in Libia si mentawian wo eng Kirene, sé tou imanangkéi a Roma,

Kisah Para Rasul 2:12

Séra im baya manguré-ngurésé in do'kos wo mangaya-ngaya'ka' wo mengkung-kuanan, “Sapa réén eng kaangéan in anio'?”

Kisah Para Rasul 27:12

Ampa'paan em pasuwaan ing kapal itu ra'ica loor pasuwaan ing kapal-kapal asi oras ing kautingan. Ampa'paan in ituo keli sé tou ang kapal lébé masalé' sa eng kapal maya' suméngkot melala'us mangé ang kota Feniks am pulou Kreta wosama' ro'na mento' toyo' am bitu an orasna ing kautingan. Eng kota Feniks itu kota pasuwaan ing kapal aicari'dir an deges ampa'paan makasaru mako.

Kisah Para Rasul 27:13

Asi témpo itu, en deges a mékona owo ra'ica talos repet. Anaé, paweroten é tou ing kapal sa séra suméngkot maangé ang kota Feniks ra'ica sapa-sapa. Ampa'paan in ituo angkaien éra en jangkar wo suméngkot angé kumiit in tembir in ta'sic im pulou Kreta.

Kisah Para Rasul 27:7

Pirao ngando kami suméngkot, eng kapal mawaya' ngenger keli ampa'paan pasu'suken in deges repet wo ang karapi im bendu keli kami matawio ing Knidus. Asi témpo itu en deges repeté' keli, ampa'paano in itu, kami suméngkot mindo lalan walina kumiit an tanjung Salmone am pulou Kreta wosama' ra'ica sumu'suk in deges repet.

1 Korintus 12:10

Wo a si tou walina winéanai i Roh, kamang aitambér e mengaéma' ing kakaya'kaan, a sé tou walina winéan-Na mai kamang aitambér eng kumua in Taar i Amang Kasuruan. A sé tou walina ka'i winéan-Na mai kamang aitambér e makailek si wisa en taar aicua i Roh i Amang Kasuruan wo si wisa en aicua i roh léwo'. Awéan ka'i sé winéan-Na mai kamang aitambér e maroma' i nunuwu' i roh, wo sé walina ka'i winéan-Na mai kamang aitambér e makawoo in tumutur ing kaangéan i nunuwu' i roh itu.

1 Korintus 12:28

An jamaat, awéan piraan tou sé aitantuo i Amang Kasuruan mamuali: kataré ruru'du'an, karua nabi, katelu guru. Wo ka'i winéanai kamang tatambér e maéma' sé kakaya'kaan, in sumama' sé tou, tumawang sé tou sé perlu tawangen, mamuali kikiiten wo ka'i maroma' a membam-balinaan nunuwu' i roh.

Galatia 1:17

Yaku ka'i ra'ica mangé an Yerusalem e meta'- up wo sé tou en diorai mamuali ruru'du'an wo yaku. Taan aku mangéke' an tana' Arab, wo am bitu oka aku maréng sumawel ka'i an Damsyik.

Galatia 4:25

Si Hagar itu ayandé tanu ing kuntung Sinai an tana' Arab. Wo en Yerusalem intarépé' kaputé ing kuntung Sinai an tana' Arab, ampa'paan sé tou Yerusalem imamualio ata an ukum Torat.

Titus 1:12

Awéan esa nabi, sia tou éra in esa ang Kreta si sumangkumo kumua in tana'i, “Ulito sé tou Kreta kotowo, puté wo sé binatang luméwo-léwo', longi' wo weles ra'ica kiim tumawoi.”

Titus 1:5

Ico aitela'uku am pulou Kreta wosama' ro'na tu'tulenmu sapa sé ra'ipé' tu'tul an jamaat am bitu wo ka'i lumantik sé penatua ang kota-kota am pulou itu. Kiiteno mangé tanu sé aitaarkuo ai co.

Ibrani 2:4

Wo eng kasairian é tou itu kineter i Amang Kasuruan, ampa'paan séra winéan-Na kawooan iméma' in tuu-tuus wo membam-balinaan kakaya'kaan wo kawasa-kawasa wangko' wo mengawéténg in tatambér si aiwéé i Roh Le'nas kumiit ing kasalé'an i Amang Kasuruan in esa.