Kisah Para Rasul 2:10 - En Taar Weru a nunuwu' é Tontemboan

¹⁰ Frigia wo Pamfilia, Mesir wo sé an sangku-sangkum in Libia si mentawian wo eng Kirene, sé tou imanangkéi a Roma,

Kisah Para Rasul 2:10 ပူးပေါင်းရင်းမြစ်များ

Matius 2:15

Wo séra mento' a mangé mbitu akar i colano Herodes maté. Pakasa en itu mamuali wosama' malekep sapa si aicua i Amang Kasuruan a si nabi, “Towan-Ku si Toyaang-Ku a Mesir owo.”

Matius 23:15

Icawangkuro mio' kamu sé makailek wutul in Torat wo sé tou Farisi! Kamu anio' tou punek. Icamu imaya'o tayang lumangkoi in ta'sic wo ing katanaan asalo i maéré-éré si esa tou eng kumiit in sususuien in agama miow. Taan an tutuw i tou itu icumi- ito in sususuien in agama miow, niéma' miow sia mamuali tou si sumiwak muntep an api ra'ica mape'de-pe'del akar ing kauré-uré, wo eng kaléwo'na makarua lumepet wo ing kaléwo' miow.

Matius 27:32

An tutuw éra imawaya' kumesot in Yerusalem, ipesungkul éra si esa tou Kirene makangaran Simon. Wo leséén é suraro sia muléng in salip i Yesus.

Markus 15:21

An tutuw itu, séra meta'up wo si esa tou makangaran Simon. Sia tou Kirene, amang i Aleksander wo si Rufus. Sia meunte-untepé' mangé ing kota Yerusalem wo leséén é suraro sia muléng in salip i Yesus.

Kisah Para Rasul 11:20

Taan an uner éra awéan ka'i piraan tou Siprus wo Kirene sé imangé an Antiokhia. A mangé mbitu icua éra ka'i en Abar Kaaruien andumoro' i Yesus a sé tou ra'ica Yahudi.

Kisah Para Rasul 13:1

An jamaat Antiokhia, awéan piraan nabi wo awéan ka'i sé masusui in Taar i Amang Kasuruan. Séra itu si Barnabas, si Simeon si pengatuulen Wuring, si Lukius si tou Kirene, Menahem si pinewangko' mewali-wali wo si colano Herodes, wo ka'i si Saulus.

Kisah Para Rasul 13:13

Wo itela'u i Paulus em Pafos am pulou Siprus, sia wo sé kara-karapina suméngkot angé am Perga an sangkum im Pamfilia. Taan tela'u i Yohanes séra wo sia maréng angé an Yerusalem.

Kisah Para Rasul 13:43

Kumawusai i maapo', sé tou itu kumesot am balé paapo'an wo awéan sé icumiit si Paulus wo si Barnabas. Séra itu sé tou Yahudi wo ka'i sé tou ra'ica Yahudi sé imuntepo agama Yahudi. Si Paulus wo si Barnabas sumina'u ai séra wosama' kasake' i mamangén an upus aitambér i Amang Kasuruan.

Kisah Para Rasul 14:24

Kekawus i Paulus wo si Barnabas lumi'cir am pakasa im Pisidia, séra mangé an sangkum im Pamfilia.

Kisah Para Rasul 15:38

Taan sia rinomaanke' i Paulus sapaoka, ra'ica loor e maali si tou si sumangkumo tumela'u iséra am Pamfilia wo ra'ica kiim tumawoi mewali-wali wo iséra.

Kisah Para Rasul 16:6

Si Paulus wo sé karapina asaloke' ilumangkoi am Frigia wo ang Galatia, ampa'paan pinéro i Roh Le'nas séra eng kumua in Abar Kaaruien andumoro' i Yesus Kristus an sangkum in Asia.

Kisah Para Rasul 17:21

Pangileken éra in taniitu, ampa'paan pakasa en tou ang kota Atena wo sé tou imanangkéi sé maento' am bitu, séra itu tanu ra'ica wana témpo e méma' sé walina, séra asaloke' kuma'pu in témpo eng kumua kuma'pa luminga in andumoro' sé weru.

Kisah Para Rasul 18:2

Am bitu sia meta'up wo si esa tou Yahudi, e ngaranna Akwila. Sia tou Pontus. Sia wo si penanaanna Priskila makaaié' an Italia, ampa'paan pinerénta i Kaisar Klaudius pakasa sé tou Yahudi musti kumesot a Roma. Wo si Paulus mangé meta'- up wo si Akwila wo si Priskila,

Kisah Para Rasul 18:23

Wo sia mento' am bitu piraan ngando. Wo sia mangé asi esa tampa wo mangé an tampa walina an sangkum ing Galatia wo em Frigia. An tampa-tampa itu, paketerenna en até é tou maéman.

Kisah Para Rasul 2:11

sé tou Yahudi wo sé tou ra'ica Yahudi sé mengakiit in agama Yahudi. Wo awéan ka'i sé tou Kreta wo sé tou Arab. Icita im baya iluminga iséra maroma' imaké i nunuwu'ta in esa andumoro' ing kakaya'kaan wangko' sé niéma' i Amang Kasuruan.”

Kisah Para Rasul 23:11

Asi woondona mai tutuw i mawengio, si Apo' Yesus mai tumulung an duru i Paulus wo kumua, “Ico ra'ica toro maindé'! Kete-ketereno en atému. Ico imééo kasairian andumoro' Yaku a sé tou Yerusalem anio' wo ka'i ko musti mangé méé kasairian tanu sia'i andumoro' Yaku a Roma.”

Kisah Para Rasul 27:5

An Siprus, kami suméngkot lumewet in ta'sic wangker si an dior ing Kilikia wo Pamfilia. Wo kami icateka' a Mira an sangkum in Likia.

Kisah Para Rasul 28:15

Sé tou a Roma sé maéman a si Yesus imakalingao sa kami maangé am bitu. Ampa'paan in ituo mai sungkulen éra kami an uner im bawayaan ami. Awéan sé meta'up icami am Pasar Apius wo sé walina ituma'up icami an tampa makangaran Patulian Telu [Tres Taberne.] An tutuw sérén i Paulus séra, sia kumua i makapulu'sama' a si Casuruan wo en aténa maketer.

Kisah Para Rasul 6:5

Pakasa sé jamaat tumerima in sama' sé aicua ai séra itu. Anaé, séra sumisir pitu tou anio': Si Stefanus si wutu-wutul maéman wo kinawasa i Roh Le'nas, si Filipus, si Prokhorus, si Nikanor, si Timon, si Parmenas wo si Nikolaus si ra'ica tou Yahudi taan imuntepo agama Yahudi, sia mai an Antiokhia owo.

Kisah Para Rasul 6:9

Am bitu awéan ka'i piraan tou Yahudi ang Kirene owo wo an Aleksandria, wo awéan piraan ka'i mai ang Kilikia wo an Asia owo. Séra itu indior sumangkumo mamuali ata é tou taan intarépé' ra'io. Em balé paapo'- an éra makangaran ‘Walé paapo'an é tou sé indior sumangkumo mamuali ata.’ Ra'ica icasalé' éra si Stefanus, ampa'paan in ituo séra meindoan roma' wo sia.

Roma 1:15

Ampa'paano in itu keli eng kasalé'anku mangé kumua in Abar Kaaruien itu ai camu sé maento' a Roma.

Roma 1:7

Ampa'paan in ituo, ipaticku en surat anio' ai camu im baya sé maento' a Roma sé icaupus i Amang Kasuruan, sé tinowa-Nao e mamuali tou le'nas. Pekiupusenku woo a si Amang Kasuruan, Amangta wo a si Apo' Yesus Kristus en tumambérai ing kamang wo ing kaeluran ai camu.

2 Timotius 1:17

An tutuw si Onesiforus mai a Roma, sia rumaméji mangéré yaku akar i meta'- up wo yaku.

Wahyu 11:8

Wo e mayat éra ipakawaya oka an lalan ing kota wangker. Ang kota ituo si Casuruan éra aisalip. Ampa'paan ing kaléwo'an é tou, eng kota itu ro'na ipeputé tanu in Sodom kuma'pa Mesir.