Kisah Para Rasul 19:34 - En Taar Weru a nunuwu' é Tontemboan

³⁴ Taan tutuw kailekan éra sia tou Yahudi, séra mewali-wali mangko' wona' dua jam eng kauréna, “Rayo si Artemis, si opo' wéwéné é tou Efesus!”

Kisah Para Rasul 19:34 ပူးပေါင်းရင်းမြစ်များ

Matius 6:7

Wo ka'i an sombayang iow itu tioo talambot tanu ing kanaramen é bangsa sé ra'ica makatuus si Amang Kasuruan. Paweroten éra sapaoka sa maké ing keli nunuwu' en sombayang éra énan oka.

Kisah Para Rasul 16:20

Iwali éra si Paulus wo si Silas a sé makakawasa ing kota itu wo icua éra, “Sé tou anio' tou Yahudi, wo séra mai méma' ing kalicokoan ang kotata.

Kisah Para Rasul 19:24

Pakasa en itu imamuali ampa'paano i esa tuama makangaran Demetrius. En tawoienna mengaéma' sé kuil-kuil teké' i opo' Artemis am pérak owo. Asi tawoienna itu sé tou matawoi ang karapina makéré roit keli.

Kisah Para Rasul 19:26

Intarépé' sinéréo wo liningao miow in esa, ampa'paano taré i Paulus akar sé tou ra'io maapo' a si opo'ta Artemis. Pemaso-masoonna in léwo' sé tou wo ipakuana, sé patong paémaanta ra'ica wutul. En itu aicuana ra'ica asaloke' an Efesus, taan misio am pakasa in Asia.

Kisah Para Rasul 19:28

Kelinga in itu, sé tou keli itu mae'bow keli wo yangko' éra, “Rayo si Artemis, si opo' é tou Efesus!”

Kisah Para Rasul 19:33

Wo am bitu awéan esa tou makangaran Aleksander. Ruké é tou Yahudi sia an dior é tou keli ampa'paan icasalé' éra sia en tumerangkan sapaoka si méma' im perkara anio' ra'ica tou Yahudi. Wo si Aleksander masalé' méla in owak an dior é tou keli, anaé sia mangkai ing kama en suméin wosama' sé tou menes.

Kisah Para Rasul 19:35

Wo iru'du' i jortulis ing kota itu wosama' séra menes, icuana, “Éi tou Efesus! Kailekan waya é tou ang kayo'baan anio' sapaoka tinéiran é tou Efesus sumama-sama' eng kuil i opo' Artemis si wangko' wo ka'i em patongna si tumumpa mai an langit.

Roma 2:22

Em pasusui iow ka'i: “Tioo mengabersina,” kéitu réén kamu in esa mengabersina? Kamu marica a sé im pakasa sé opo-opo', kéitu réén kamu in esa marombit im barang-barang am balé-walé é opo-opo'?

Wahyu 13:4

Séra kumuru en sumiri' a si naga itu ampa'paan eng kawasana aiwéénao a si binatang itu. Wo séra kumuru en sumiri' a si binatang itu wo kumua,“Ra'ica wana binatang kaputé i binatang itu. Wo ra'ica wana e makawoo sumundur sia.”