Kisah Para Rasul 19:32 - En Taar Weru a nunuwu' é Tontemboan

³² Sé tou imali'us an stadion itu mengangko-ngangko', awéan sé maangko' in tana'i awéan sé maangko' in taniitu. Sé imali'us am bitu malicokoo, ampa'paan kinakelian ai séra ra'ica makailek sapa en torona éra imali'us.

Kisah Para Rasul 19:32 ပူးပေါင်းရင်းမြစ်များ

Kisah Para Rasul 19:29

Wo malicokoo waya sé ang kota itu. Tangkaan éra si Gayus wo si Aristarkhus wo iwali éra an stadion. Séra in dua itu tou Makedonia sé mewali-wali mai wo si Paulus am bawayaanna.

Kisah Para Rasul 19:31

Am bitu, awéan ka'i piraan pejabat Asia sé mekarapi sama' wo si Paulus. Ru'du' éra tou e mangé mekiupus a si Paulus wosama' sia tioo muntep an stadion itu.

Kisah Para Rasul 19:40

Ampa'paan sapa e imamuali asi endo anio' iméma'o cita ang kawangkuran. Sé pemerénta Romawi ro'na tumudu icita iméma' ing kalicokoan. Sa en anio' mamuali kita ra'ica wana alasan en icua ai séra.” Ampa'paan i nuwu'na itu sé tou imali'us itu metalicur.

Kisah Para Rasul 21:34

Taan an uner é tou keli itu awéan e maangko' ai sia tana'i wo awéan ka'i e maangko' taniitu. Wo ampa'paan i malicokoo taniitu, akar ra'ica kailekanna sapa e imamuali. Ampa'paan in ituo ru'du'na si Paulus iwali mangé a markas.