Kisah Para Rasul 19:29 - En Taar Weru a nunuwu' é Tontemboan

²⁹ Wo malicokoo waya sé ang kota itu. Tangkaan éra si Gayus wo si Aristarkhus wo iwali éra an stadion. Séra in dua itu tou Makedonia sé mewali-wali mai wo si Paulus am bawayaanna.

Kisah Para Rasul 19:29 ပူးပေါင်းရင်းမြစ်များ

Kisah Para Rasul 13:5

Icateka' mangé an Salamis am pulou Siprus, séra in dua kumua in Taar i Amang Kasuruan am balé-walé paapo'an é tou Yahudi. Asi témpo itu kumiit ka'i si Yohanes si patowan Markus, en sumémbonga i séra.

Kisah Para Rasul 16:12

A Neapolis kami maya' mangé an Filipi. Eng kota itu, kota penting a Makedonia, panangkéian é tou Roma. Wo kami mento' am bitu wayake' im pira ngando eng kauréna.

Kisah Para Rasul 16:9

Mawengi mai, si Paulus pinapaturu'an i Amang Kasuruan. Asi pinapaturu'an itu sérénna, awéan esa tou an sangkum i Makedonia makatulung wo mekiupus ai sia, “Mayoo am bia'i wo tawangenai kami!”

Kisah Para Rasul 17:8

Kelinga in itu, sé tou keli wo sé makakawasa ing kota mae'bow akar marinca'o.

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Kisah Para Rasul 19:22

Wo iru'du'na si Timotius wo si Erastus, sé rua kara-karapina matawoi wosama' rumior mangé a Makedonia, taan si Paulus in esa mento' uré-uréan toyo' an Asia.

Kisah Para Rasul 19:32

Sé tou imali'us an stadion itu mengangko-ngangko', awéan sé maangko' in tana'i awéan sé maangko' in taniitu. Sé imali'us am bitu malicokoo, ampa'paan kinakelian ai séra ra'ica makailek sapa en torona éra imali'us.

Kisah Para Rasul 20:34

Kailekano miow ka'i sa aku matawoi ang karapi ing kamaku in esa, akar ro'na kawooanku, pakasa eng kaperluan in owakku wo sé kara-karapiku sé mengakiit yaku.

Kisah Para Rasul 20:4

Awéan piraan tou en cumiit a si Paulus, séra itu si Sopater toyaang i Pirus tou im Berea, si Aristarkus wo si Sekundus tou Tesalonika, si Gayus tou in Derbe, si Timotius, sé rua tou an Asia owo, si Tikhikus wo si Trofimus.

Kisah Para Rasul 21:30

Pakasa en tou an Yerusalem malicokoo wo séra mai mali'- us am bitu. Wo tangkaan éra sia wo wésoon éra icesot am Balé Le'nas. An tutuw ituke' pakasa em papalen wangker am Balé Le'nas itu makala'us pinalenan.

Kisah Para Rasul 21:38

Anaé, ra'ica réén tou Mesir ko, si weru-weru anio' méma' ing kalicokoan wo si makawali mangé epat ngariwu tou sé mengalicoko makalulutaw tumincas an tana' kapayasan?”

Kisah Para Rasul 27:2

Wo kami im baya sumaké ang kapal an Adramitium owo, si menuli-nuli oka am pasuwa-suwaan ing kapal an Asia. Wo awéan esa tou icumiit icami, makangaran Aristarkhus, si tou Makedonia ang kota Tesalonika owo.

Roma 16:23

Si Gayus ka'i méé mai in siri' ai camu. Yaku si Paulus winéanna kaloasan mento' am baléna, taniitu ka'i sé jamaat ami mengali'us maapo' am baléna. Si Erastus si tinokéan mengaurus in doit ing kota, wo si Kwartus poowta esa paémanen méé ka'i in siri' ai camu. [

1 Korintus 1:14

Yaku kumua i makapulu'sama' a si Amang Kasuruan, ampa'paan an uner iow ra'ica wana tou sé nibaptisku, aluar i Krispus wo si Gayus.

1 Korintus 4:9

Iciit yaku, kami sé ruru'du'an i Yesus, niéma'o i Amang Kasuruan mamuali tou ra'ica pengasiriin, kami tanuoka tou sé pinusé'o in ukumen patén an dior é tou keli wo pakasérén é tou ang kayo'baan wo sé malaékat.

2 Korintus 8:19

Wo ra'ica siituke', si poowta itu ka'i aituru'o é jamaat eng kumarapi icami an tutuw ami maali in doit ipatawang an Yerusalem. Kami maarap en doit ipatawang itu e mamuali rarayo wo in sisiri' a si Amang Kasuruan wo ka'i mamuali tuus sapaoka kami uli-ulit masalé' tumawang.

Kolose 4:10

Si Aristarkhus, si binui mewali-wali wo yaku méé ka'i mai in siri' ai camu taniitu ka'i si Markus, si toyaang metuari wo si Barnabas. Andumoro' si Markus anio' sumangkumo aicuaku ai camu sapaoka sa sia maai, terimano mangé sia ang karapi in sama'.

Filemon 1:24

Sé kara-karapiku an esa tawoien, si Markus, si Aristarkhus, si Demas wo si Lukas, séra ka'i cumirim mai in siri' ai co.

3 Yohanes 1:1

En surat anio' a yaku owo penatua an jamaat. En surat anio' aipaticku ai co é poowku Gayus si uli-ulit icaupusku.