Kisah Para Rasul 19:27 - En Taar Weru a nunuwu' é Tontemboan

²⁷ Anaé, sa pakasa en tou kumiit im pakua i Paulus, en tawoienta anio' iséro' oka é tou. Wo ka'i si caindé'ta sa eng kuil i opo'ta Artemis ra'io wana ka'i torona. Eng kasiwakana em patong i opo'ta Artemis si pengaapo'an é pakasa in tou an Asia wo am pakasa ing kayo'baan ra'io ka'i paapo'an éra.”

Kisah Para Rasul 19:27 ပူးပေါင်းရင်းမြစ်များ

Matius 23:13

“Icawangkuro mio' kamu sé makailek wutul in Torat wo sé tou Farisi! Kamu anio' tou punek. Ampa'paan pengakalaan iowke' sé tou masalé' muntep ang Kakolanoan in Sorga. Icamu in esa ra'- ica kiim muntep ang Kakolanoan in Sorga, akar pengakalaan iow sé tou masalé' muntep ang Kakolanoan in Sorga. [

Matius 24:14

Wo en Abar Kaaruien andumoro' ing Kakolanoan in Sorga ipakua-kua oka am bisa-wisa asi kayo'baan anio', e mamuali kasairian a sé pakasa é tou. Kumawus in itu maayo en endo kaka'puan ing kayo'baan.”

Kisah Para Rasul 19:10

En itu niéma'na akar in dua ngata'un, akar pakasa sé tou maento' an Asia luminga in Abar Kaaruien andumoro' i Yesus Kristus. Sé iluminga in itu, tou Yahudi wo tou ra'ica Yahudi.

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

1 Timotius 6:5

meindo-indoan roma', mawasa-wasa sé ra'ica loor wo ra'io makailek in sususuien wutul. Pawerotenna sa sia mengaapo' a si Amang Kasuruan, sia ro'na masiya'.

1 Yohanes 5:19

Kailekanta sa kita anio' asi Amang Kasuruan owo, wo pakasa sé ang kayo'baan anio' pakakawasaan i kikiiten é sétang.

Wahyu 13:3

Wo esaan asé ro'kos i binatang itu kaséréan awéan kalat im péla' si misioka makawali sia am papaté. Taan em péla' itu imasama'o. Pakasa en tou ang kayo'baan mangaya-ngaya'ka' wo kiiten éra si binatang itu.

Wahyu 13:8

Pakasa é tou sé menonou ang kayo'baan kumuru en sumiri' oka a si binatang itu. Sérao sé tou tumo'tolke' mai eng kayo'baan anio' niéma' e ngaran éra ra'ica aipatic ang kitap ing katouan i Toyaang i Domba si pinatéo.

Wahyu 14:9

Kekawus in itu, mai ka'i si esa malaékat walina. Sia itu malaékat katelu, wo sia kumua in taangko', “Si séi e maapo' a si binatang kataré wo im patongna itu, wo tumerima in tuus an tuintung kuma'pa ang kamana,