Kisah Para Rasul 19:26 - En Taar Weru a nunuwu' é Tontemboan

²⁶ Intarépé' sinéréo wo liningao miow in esa, ampa'paano taré i Paulus akar sé tou ra'io maapo' a si opo'ta Artemis. Pemaso-masoonna in léwo' sé tou wo ipakuana, sé patong paémaanta ra'ica wutul. En itu aicuana ra'ica asaloke' an Efesus, taan misio am pakasa in Asia.

Kisah Para Rasul 19:26 ပူးပေါင်းရင်းမြစ်များ

Kisah Para Rasul 14:15

“Éi camu im baya, kéitu réén kamu méma' in tana'i? Kami anio' tou kaputé miow. Kami am bia'i eng kumua in Abar Kaaruien andumoro' i Yesus Kristus ai camu, wosama' kamu ro'na tumela'u sé opo-opo' sé ra'ica wana torona wo kamu maémano mangé a si Amang Kasuruan si menonou. Siao si méma' in langit wo ing kayo'baan, ta'sic wo im pakasa sé an untepna.

Kisah Para Rasul 17:29

Ampa'paan kita toya-toyaang-Na, kita ra'ica toro mengawerot sa si Amang Kasuruan itu meputé im patong mas, pérak kuma'pa watu si niéma' é mengaéma' im patong.

Kisah Para Rasul 18:19

Kumawus in itu séra suméngkot wo icateka' an Efesus. Am bitu tela'u i Paulus si Priskila wo si Akwila. Wo sia in esa mangé muntep am balé paapo'an é agama Yahudi wo memaa-maar ang karapi éra andumoro' si Yesus.

Kisah Para Rasul 19:1

An tutuw i Apolos ang Korintusé', si Paulus maya'o mangé an doo-roong an sangkum ing Galatia wo am Frigia wo icateka' an Efesus. Am bia'i, sia meta'up wo piraan tou sé maémano.

Kisah Para Rasul 19:10

En itu niéma'na akar in dua ngata'un, akar pakasa sé tou maento' an Asia luminga in Abar Kaaruien andumoro' i Yesus Kristus. Sé iluminga in itu, tou Yahudi wo tou ra'ica Yahudi.

Kisah Para Rasul 19:25

Asi makasa, li'usenna waya sé tou matawoi ai sia wo sé tou walina sé maéma' im barang-barang am pérak owo. Icuana ai séra, “Poo-poow, tantu kailekano miow sa kita mekéré roit keli ampa'paan in tawoienta anio'.

1 Korintus 12:2

Kata'néiané' miow an tutuw iow ra'ipé' makatuus si Amang Kasuruan, kamu kinatawéran wo icawali a sé opo-opo' wowo'.

1 Korintus 8:4

Wo andumoro' ing kuman ing kakanen sé airagéso a sé opo-opo', kailekanta: sé opo-opo' ra'ica wana ang kayo'baan, wo si Amang Kasuruan wayake' in esa ra'ica wana walina.

Galatia 4:8

Indior an tutuw iow ra'ipé' makatuus si Amang Kasuruan, kamu mengaata in owak a sé opo-opo' sé wutu-wutul ra'ica Amang Kasuruan.

1 Tesalonika 1:9

Am bisa-wisa sé tou mengasisil tambisa kamu tumerima cami an tutuw ami mangé ai camu. Ipasisil éra ka'i andumoro' tumambisa kamu tumela'u sé opo-opo' wo mape'dis wo mai maapo' a si Amang Kasuruan si menonou wo si ulit.

Wahyu 9:20

Taan sé tou walina sé ra'ica imaté ing kawangkuran itu, ra'- ica kiim mape'dis mengéma-ngéma' sé léwo'. Séra ka'i ra'ica kiim mento' makuru en sumiri' a sé roh léwo' wo a sé patong-patong tanumai patong mas, pérak, tambaga, watu wo kayu sé ra'ica maséré, malinga, kuma'pa ka'i mawaya'.