Kisah Para Rasul 19:2 - En Taar Weru a nunuwu' é Tontemboan

² Icuana ai séra, “An tutuw iow imaémano, tumerimao réén i Roh Le'nas kamu?” Isowat éra ai sia, “Ra'ipé', wo ka'i ra'ipé' sumangkum ako pinalinga ami sa e Roh Le'nas itu awéan.”

Kisah Para Rasul 19:2 ပူးပေါင်းရင်းမြစ်များ

Yohanes 7:39

An tutuw i Yesus kumua andumoro' in dano itu, eng kaangéanna e Roh i Amang Kasuruan teriman oka é tou maéman. Taan e Roh itu ra'ipé' aiwéé a sé tou maéman, ampa'paan em papaté ra'ipé' pinendam i Yesus wo ra'ipé' niangkai angé an tampa-Na si parayo-rayo wo pasiri-siriin an sorga.

Kisah Para Rasul 10:44

An tutuw i Petrus maroma'pé' wo tumumpa mai e Roh Le'nas a sé pakasa in tou sé makalinga in aicua i Petrus.

Kisah Para Rasul 19:5

Kelinga in itu, wo séra baptisen ang karapi ngaran i Apo' Yesus.

Kisah Para Rasul 2:17

‘Asi endo-endo kaka'puan, itumpa-Ku oka e Roh-Ku a sé pakasa in tou. Sé toyaang iow tuama wo wéwéné kumua oka i nunuwuun-Ku a sé tou. Sé mangalitou wo mangala'un makéré oka papaturu'an wo sé matu'a makéré oka pangipin.

Roma 1:11

Ampa'paan icasalé'ku keli meta'up wo icamu wo méé ing kamang si pasusui i Roh i Amang Kasuruan a yaku, wosama' em paémanen iow makakete-keter.

1 Korintus 6:19

Musti kailekan iow sapaoka en owak iow itu paento'an i Roh Le'nas. E Roh Le'nas itu aiwéé i Amang Kasuruan mento' ai camu. En owak iow ra'ica anu miow in esa taan anu i Amang Kasuruan.

Galatia 3:5

Si Amang Kasuruan mééo mai i Roh Le'nas-Na ai camu ang karapi i mawuta-wuta, wo iméma'o ing kakaya'kaan an uner iow. Niéma' réén i Amang Kasuruan en itu ampa'paan kamu mengaéma' in ukum Torat? Tantu ra'ica. Taan ampa'paan kamu iluminga in Abar Kaaruien wo maéman a si Kristus.