Kisah Para Rasul 19:16 - En Taar Weru a nunuwu' é Tontemboan

¹⁶ Makanuwu' mai, si tou rinasuk i roh léwo' itu tumulung wo sumerang iséra, akar séra imakala. Wésoonna ka'i eng karai éra wo séra tumincas meke'da' tumela'u im balé itu akar i mapéla-péla'.

Kisah Para Rasul 19:16 ပူးပေါင်းရင်းမြစ်များ

Markus 5:15

Séra mai a si Yesus wo sérén éra si tou rinasuk i roh léwo' si Legion makalukut am bitu. Si tou itu imasama'o wo kumaraio. Keséré éra isia, séra maindé'.

Lukas 8:29

Si tou rinasuk é roh léwo' itu kumua in taniitu ampa'paan ayusér i Yesus si roh léwo' itu kumesot ai sia. Sé roh léwo' itu manaramo mengakawasa si tou itu, ampa'paan in ituo eng kama wo eng kécéi i tou itu rinanté wo pakatéiran é tou am bitu. Mandé in taniitu, kinarembusannake' e ranté itu akar sia iwali i sétang an tampa lulu in tou.

Lukas 8:35

Kumawus in itu sé tou ang kota wo an doo-roong an sangkum itu kumesot angé suméré sapa e mamuali. Séra mai a si Yesus wo sérén éra si tou rinasuk i sétang itu imasama'o. Sia makalukut an duru ing kécéi i Yesus wo mekaraio, sia uli-ulit imasama'o ampa'paan in ituo séra maindé'.

Kisah Para Rasul 19:15

Taan aicuake' i roh léwo' ai séra, “Si Yesus katuusanku taniitu ka'i si Paulus, taan si séi réén kamu?”

Kisah Para Rasul 19:17

Pakasa sé tou Yahudi wo sé tou ra'ica Yahudi an Efesus makalinga ing kamamualian itu. Kelinga in itu wo séra maindé' wo marayo-rayo i ngaran i Apo' Yesus.

Kisah Para Rasul 3:8

Wo si tou itu lumo'tic wo tumulung wo menguri-nguri mawaya'. Sia kumiit wo iséra muntep am Balé Le'nas, mawaya' malo'ti-lo'tic wo ka'i marayo-rayo si Amang Kasuruan.

2 Petrus 2:19

Sé guru ra'ica wutul itu jumanji sapaoka sa kiiten é tou en sususuien éra itu, sé tou itu ra'ica kawasan in atoran-atoran wo ro'na méma' sapake' sé icasalé' éra. Taan sé guru ra'ica wutul itu, séra in esa meputé wo sé ata' ampa'paan séra kinawasa ing kasalé'an in owak si léwo'. Si séi eng kinala i tou icumawasa, sia imamualio ata asi tou icumawasa itu.