Kisah Para Rasul 19:13 - En Taar Weru a nunuwu' é Tontemboan

¹³ Awéan piraan tou Yahudi sé mengasihir, séra mawaya-waya' mangé am bisa-wisa e musér sé roh léwo' asé tou rinasuk. Yepé' éra imaké i ngaran i Apo' Yesus. Icua éra a sé roh léwo' itu. “Ang karapi i ngaran i Yesus si aicua i Paulus, yusérku kamu!”

Kisah Para Rasul 19:13 ပူးပေါင်းရင်းမြစ်များ

Matius 12:27

Anaé, sa Aku musér sé sétang mapaké ing kawasa i Beelzebul, sé murit iow réén mengausér sé sétang mapaké ing kawasa i séi? Ampa'paan ituo sé murit iow in esa e méé oka tuus sapaoka kamu suméa'.

Matius 26:63

Taan si Yesus makapeneske'. Wo icua i imam wangko' ai Sia, “Ang karapi i ngaran i Amang Kasuruan si menonou, icuao mai ai cami, Ico réén si Kristus Toyaang i Amang Kasuruan, kuma'pa ra'ica?”

Markus 5:7

Kumawus in itu, si tou itu mangko' repet, “Sapa en urusan-Mu wo yaku éi Yesus, Toyaang i Amang Kasuruan Si Rumangka-rangka'? Pekiupusenku ai Co ang karapi i ngaran i Amang Kasuruan, tioo okoien-Mu aku!”

Markus 9:38

Icua i Yohanes a si Yesus, “Guru, sinéré ami si esa tou ra'ica mengakiit icita musér si sétang maké i ngaran-Mu, wo péronen ami sia, ampa'paan sia ra'ica mengakiit cita.”

Lukas 11:19

Anaé, sa Aku musér sé sétang mapaké ing kawasa i Beelzebul, sé murit iow réén mengausér sé sétang mapaké ing kawasa sapa? Ampa'paan in ituo sé murit iow in esa e méé oka tuus sapaoka kamu suméa'.

Lukas 9:49

Icua i Yohanes a si Yesus, “Guru, sinéré ami si esa tou musér sétang maké i ngaran i Guru. Wo péronen ami sia wosama' ra'ica maké i ngaran i Guru ampa'paan sia itu ra'ica mengakiit icita.”

Kisah Para Rasul 19:14

Awéan pitu toyaang tuama i esa kikiiten é imam agama Yahudi si makangaran Skewa, séra itu musér si roh léwo'.

2 Korintus 11:4

Ampa'paan kamu pakasérén talesenke' tumerima si esa tou mai wo masusui ai camu andumoro' in sususuien si ra'ica meputé wo sé ipasusui ami andumoro' i Yesus. Wo kamu ka'i tumerima i roh si ra'ica meputé wo i Roh Le'nas kuma'pa Abar Kaaruien si wutu-wutul ra'ica meputé wo in abar kaaruien si sumangkumo tinerima miow ai cami.