Kisah Para Rasul 18:5 - En Taar Weru a nunuwu' é Tontemboan

⁵ An tutuw i Silas wo si Timotius mai a Makedonia owo, endo wo em bengi si Paulus makua in taar i Amang Kasuruan a sé tou Yahudi. Ipakuana sapaoka si Yesus itu Mesias si aijanjio i Amang Kasuruan indior.

Kisah Para Rasul 18:5 ပူးပေါင်းရင်းမြစ်များ

Lukas 12:50

Sangkumen-Ku oka eng kawenduan uter akar Aku maté wo Aku ra'- ica makaaté in sama' sa en itu ra'ipé' mamuali.

Lukas 16:28

A mangé mbitu awéané' lima metuari tuama. Anaé, ru'du'o si Lazarus e mangé mokéi ai séra akar séra ra'ica muntep an tampa kawenduan anio' sa.’

Yohanes 1:41

Wo si Andreas mangé meta'up wo si Simon tuarina, wo icuana ai sia, “Aipeta'upo ami si Mesias.” (Mesias meputé wo si Kristus, eng kaangéanna Kolano Lumolowir).

Yohanes 10:24

Wo sé tou Yahudi mali'usai wo lumi'cir a si Yesus wo icua éra, “Akar kawisa réén iwaya-Mu kami marua-rua wasa? Sa Ko Mesias, icuao mai ai cami tioo ipaene-enep.”

Yohanes 15:27

Wo icamu ka'i musti méé ing kasairian a sé tou walina andumoro' Yaku, ampa'paan kamu mewali-walio wo Yaku tumo'tolke' mai asi kataré.”

Yohanes 3:28

Liningao miow in esa sé ipengakuaku indior sapaoka aku ra'ica si Mesias si aijanjio i Amang Kasuruan, taan aku ayutus rumiorai ai Sia wosama' tumu'tul in lalan wayaan-Na.

Kisah Para Rasul 10:42

Wo ru'du'-Na kami kumua in Abar Kaaruien andumoro' i Yesus Kristus a sé pakasa im bangsa wo masairi sapaoka Sia si aitantuo i Amang Kasuruan e mai makim pakasa sé tou menonoué' wo sé tou imatéo.

Kisah Para Rasul 15:22

Kumawus in itu pinusé' é ruru'du'an wo sé penatua wo ka'i pakasa en tou maéman an Yerusalem en sumisir piraan tou ai séra. Sé tou sé kinasisiran itu ayutus eng kumiit si Paulus wo si Barnabas mangé an Antiokhia. Sé sinisir éra itu, si Yudas si pengatuulen ka'i Barsabas wo si Silas. Sé tou maéman an Yerusalem mengasiri' ai séra in dua.

Kisah Para Rasul 16:1

Si Paulus mangé ka'i an Derbe wo melala'us an Listra. A mangé mbitu, awéan esa tou makangaran Timotius, sia anio' tou makiit a si Yesus. Si inangna tou Yahudi si maémano a si Yesus wo si amangna tou Yunani.

Kisah Para Rasul 16:12

A Neapolis kami maya' mangé an Filipi. Eng kota itu, kota penting a Makedonia, panangkéian é tou Roma. Wo kami mento' am bitu wayake' im pira ngando eng kauréna.

Kisah Para Rasul 16:9

Mawengi mai, si Paulus pinapaturu'an i Amang Kasuruan. Asi pinapaturu'an itu sérénna, awéan esa tou an sangkum i Makedonia makatulung wo mekiupus ai sia, “Mayoo am bia'i wo tawangenai kami!”

Kisah Para Rasul 17:3

Ipaterangkanna wo pawéanna tuus ai séra sapaoka si Mesias musti meta'up in okoi akar maté wo tumou sumawel an unér é tou imatéo. Icuana ka'i ai séra, “Si anioo si Yesus si aicuaku ai camu, Siao si Mesias.”

Kisah Para Rasul 18:28

Ang karapi in da'ica wana kaindé'an pengabantanna sé tou Yahudi an dior é tou keli. Wo ipaturu'na sé ang Kitap Le'nas e méé tuus sapaoka si Yesus ituo si Mesias.

Kisah Para Rasul 2:36

Ampa'paano in itu pakasa sé tou Israel musti wutu-wutul makailek sapaoka si Yesus si aipaku miow ang kayu salip itu, Siao si niangkai i Amang Kasuruan mamuali Kasuruan wo Kristus.”

Kisah Para Rasul 20:21

Pengua-nguaku a sé tou Yahudi wo a sé tou ra'ica Yahudi wosama' séra mape'dis wo kumiit a si Amang Kasuruan wo séra musti maéman a si Apo' Yesus.

Kisah Para Rasul 20:23

Taan am bisa-wisa kota si niangéankuo, e Roh Le'nas icumuao a yaku sa an Yerusalem aku meta'up ing kawenduan wo yuntep ka'i am bui.

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Kisah Para Rasul 4:20

Ampa'paan kami ra'ica toro mento' mengua-ngua andumoro' in sapa sé sinéréo wo liningao ami.”

Kisah Para Rasul 9:22

Taan em pakatawér i Saulus makaketerke' wo méma' sé tou Yahudi an Damsyik mangaya-ngaya'ka' oka ampa'paan sia méé tuus mapaké ing Kitap Le'nas sapaoka si Yesus wutu-wutul Mesias.

2 Korintus 1:19

Ampa'paan si Yesus Kristus, Toyaang i Amang Kasuruan, ra'ica icumua “én” kekawus in itu “ra'ica”. Si Kristus ituo si ayabar i Silas, Timotius wo yaku ai camu. An untep i Kristus asaloke' awéan “én”.

2 Korintus 11:9

Wo an tutuwku lengéi an uner iow, ra'ipé' kawisa mako aku sumusa mandé esake' tou ai camu. Pakasa sé paperlunku tinu'tul é poo-poow an esa paémanen sé imai a Makedonia owo. Tinéiranku sumama-sama' en owakku wosama' aku ra'ica mamuali pamuléngen iow an sapa-sapaanke', wo émaanku oka melala'us tanu siitu.

2 Korintus 5:14

Niéma' ami waya en itu ampa'paan en upus i Kristus en icumawasa icami. Wo kailekan ami sa si esa tou maté torona im pakasa é tou, eng kaangéan in itu pakasa in tou imatéo.

Filipi 1:23

Ra'io kasisiranku asé rua sisiran itu. Yaku masalé' keli tumela'u ing kayo'baan anio' wo mangé mento' mewali-wali wo si Kristus, ampa'paan en itu si lumébé loorai.

1 Tesalonika 3:2

wo si Timotius poowta an esa paémanen, yutus ami mangé ai camu. Sia itu kara-karapita matawoi a si Amang Kasuruan e mengakua in Abar Kaaruien andumoro' i Yesus Kristus. Yutus ami si Timotius maangé e méé ing kaketeran an até miow wosama' em paémanen iow a si Yesus makaketer.

1 Tesalonika 3:6

Intarépé' si Timotius imaréngo mai ai cami wo icuana ai cami en abar in andumoro' icamu an Tesalonika wo iméma'o icami arui. Aisisilna sapaoka kamu kasake' maéman a si Yesus wo meupu-upusan. Aicuana ka'i sa kamu makata'néi icami, en até miow arui. Wo kamu masalé' meta'up sumawel wo icami, puté ka'i wo icami masalé' meta'up wo icamu.

1 Petrus 5:12

En surat kolek anio' aipaticku ai camu wo sinémbongan i Silas, si nianggapkuo poowku an esa paémanen. Sia itu le'tek am paémanen wo ro'na papercayan. Aipaticku en surat anio' en sumina'u wo méé kaincayaan ai camu wosama' ro'na percayan iow sapaoka sé aipaticku anio' uli-ulit abar wutul andumoro' ing kamang aitambér i Amang Kasuruan ai camu. Wo eng kamang itu musti timboian iow i mauli-ulit.