Kisah Para Rasul 18:4 - En Taar Weru a nunuwu' é Tontemboan

⁴ Susur in endo Sabat, si Paulus memaa-maar a sé tou Yahudi wo sé tou Yunani am balé paapo'an é agama Yahudi. Am bitu, raméjinna séra wosama' maéman a si Yesus.

Kisah Para Rasul 18:4 ပူးပေါင်းရင်းမြစ်များ

Lukas 16:31

Icua i Abraham ai sia, ‘Sa ra'ica pandungen éra eng kasairian ang kitap-kitap i Musa wo sé nabi, séra ra'ica kawisa maéman, mandé ka'i awéan tou tumou sumawel am papaté e mangé mokéi ai séra.’ ”

Lukas 4:16

Asi makasa si Yesus mai a Nazaret si tampa winangko'an-Na. Imamualio kanaramen-Na asi endo Sabat, Sia muntep am balé paapo'an é agama Yahudi. Am bitu Sia tumulung e maca ing Kitap Le'nas.

Yohanes 7:35

Ampa'paano in itu, sé kikiiten é tou Yahudi mengkung-kuanan, “Am bisa réén en angéan-Na akar kita ra'io ka'i meta'up wo Sia? Awéan réén em basa-Na i maangé a sé tou Yahudi sé imanangkéi an sangkum é tou Yunani? Masalé' réén Sia sumusui a sé tou Yunani?

Kisah Para Rasul 13:14

Wo am Perga itu, si Paulus wo sé kara-karapina lumala'us ka'i im bawayaan éra akar icateka' an Antiokhia an sangkum im Pisidia. Asi endo Sabat séra muntep wo lumukut am balé paapo'an é agama Yahudi.

Kisah Para Rasul 14:1

An tutuw i Paulus wo si Barnabas an Ikonium, séra muntep am balé paapo'an é agama Yahudi, tanu ing kanaramen paémaan éra an tampa walina. Am bitu séra kumua in Abar Kaaruien andumoro' i Yesus Kristus ang karapi in sumama-sama' akar keli sé tou Yahudi wo sé tou ra'ica Yahudi maéman a si Yesus.

Kisah Para Rasul 17:11

Sé tou Yahudi am Berea lébé imawuka' em bewerot, ra'ica tanu sé tou Yahudi an Tesalonika. Ampa'paano in itu icasalé' éra keli en luminga wo tumerima in taar i Amang Kasuruan. Wo susur in endo pengati'tiren éra eng Kitap Le'nas e makailek sa en sususuien i Paulus wutul kuma'pa ra'ica.

Kisah Para Rasul 17:17

Ampa'paano in itu sia mangé am balé paapo'an é agama Yahudi, wo sia memaa-maar wo sé piraan tou Yahudi wo sé tou ra'ica Yahudi sé maapo' a si Amang Kasuruan. Wo susur in endo, si Paulus meta'up wo sé tou am pasar, sia ka'i memaa-maar wo iséra.

Kisah Para Rasul 18:13

Wo icua éra a si gubernur Galio, “Si tou anio' matawér sé tou keli, wosama' maapo' a si Amang Kasuruan ang karapi in lalan si membalinaan wo in ukum Torat.”

Kisah Para Rasul 18:19

Kumawus in itu séra suméngkot wo icateka' an Efesus. Am bitu tela'u i Paulus si Priskila wo si Akwila. Wo sia in esa mangé muntep am balé paapo'an é agama Yahudi wo memaa-maar ang karapi éra andumoro' si Yesus.

Kisah Para Rasul 19:26

Intarépé' sinéréo wo liningao miow in esa, ampa'paano taré i Paulus akar sé tou ra'io maapo' a si opo'ta Artemis. Pemaso-masoonna in léwo' sé tou wo ipakuana, sé patong paémaanta ra'ica wutul. En itu aicuana ra'ica asaloke' an Efesus, taan misio am pakasa in Asia.

Kisah Para Rasul 19:8

Telu ngaserap eng kauréna, si Paulus mengauntep am balé paapo'an é agama Yahudi. Am bitu sia maroma' ang karapi in da'- ica wana kaindé'an wo meindo-indoan roma' wo sé tou Yahudi wosama' percayan éra andumoro' ing kakolanoan i Amang Kasuruan.

Kisah Para Rasul 26:28

Wo icuana a si Paulus, “Paulus, tawio émaanmu aku mamuali tou Krésten asi témpo ra'ica uré anio'!”

Kisah Para Rasul 28:23

Wo séra tumantu esa endo e meta'up sumawel wo si Paulus. Wo asi endo itu kelian sé imai an tampa pakaento'anna. Wo sia kumua wo masairi ai séra andumoro' si Amang Kasuruan Kumawasa tanu Kolano. Sia ka'i maké in tuu-tuus an ukum Torat wo eng kitap é nabi e rumaméji wosama' kailekan éra wo émanen éra sa si Yesus itu si Mesias. En itu imamuali tumo'tol i mamoondo akar im bawaando.

Kisah Para Rasul 9:20

Asi témpo ituke', sia muntep am balé-walé paapo'an é agama Yahudi wo makua a sé tou sa si Yesus itu Toyaang i Amang Kasuruan.

2 Korintus 5:11

Kailekan ami sapa eng kaangéan i maindé' a si Amang Kasuruan, ampa'paan in iituo raméjin ami méé ing kapercayaan a sé tou andumoro' in owak ami. Kailekan wutul i Amang Kasuruan sé an untep in até ami. Wo paarapenku kakailekan iow en até ami.