Kisah Para Rasul 18:28 - En Taar Weru a nunuwu' é Tontemboan

²⁸ Ang karapi in da'ica wana kaindé'an pengabantanna sé tou Yahudi an dior é tou keli. Wo ipaturu'na sé ang Kitap Le'nas e méé tuus sapaoka si Yesus ituo si Mesias.

Kisah Para Rasul 18:28 ပူးပေါင်းရင်းမြစ်များ

Lukas 1:80

Makauré si Yohanes makawangkoo wo makaketero ka'i em paémanenna a si Amang Kasuruan wo em perina makalooro. An tutuwna imawangkoo, sia mangé mento' an tana' kapayasan, akar sia tumo'tolo maéma' in tawoienna an uner é tou Israel.

Lukas 24:27

Wo isisil-Na waya ai séra in dua sapa sé aipatic am pakasa ing Kitap Le'nas andumoro' in owak-Na, tumo'tolai ang kitap-kitap aipatic i Musa akar ang kitap-kitap aipatic é nabi walina.

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Yohanes 5:39

Eng Kitap Le'nas pengati'tiren iow in sumama-sama' ampa'paan paweroten iow ang karapi imaéma' in taniitu kamu makéré oka ing katouan akar ing kauré-uré uré. Wo an untep ing Kitap Le'nas itu awéan aipatic andumoro' si séi Aku en ulitna,

Kisah Para Rasul 17:3

Ipaterangkanna wo pawéanna tuus ai séra sapaoka si Mesias musti meta'up in okoi akar maté wo tumou sumawel an unér é tou imatéo. Icuana ka'i ai séra, “Si anioo si Yesus si aicuaku ai camu, Siao si Mesias.”

Kisah Para Rasul 18:25

Wo ka'i tinerimanao en sususuien andumoro' i Apo' Yesus. Sia incaya' keli masisil andumoro' i Yesus wo pakasa em pasisilna ra'ica wana en suméa'. Mandé ka'i in taniitu, em baptisan kailekanna asaloke' im baptisan i Yohanes Mabaptis.

Kisah Para Rasul 18:5

An tutuw i Silas wo si Timotius mai a Makedonia owo, endo wo em bengi si Paulus makua in taar i Amang Kasuruan a sé tou Yahudi. Ipakuana sapaoka si Yesus itu Mesias si aijanjio i Amang Kasuruan indior.

Kisah Para Rasul 8:35

Kelinga in itu, tumo'tolo si Filipus kumua maké i nats an Abar Kaaruien andumoro' i Yesus Kristus en sisil ai sia.

Kisah Para Rasul 9:22

Taan em pakatawér i Saulus makaketerke' wo méma' sé tou Yahudi an Damsyik mangaya-ngaya'ka' oka ampa'paan sia méé tuus mapaké ing Kitap Le'nas sapaoka si Yesus wutu-wutul Mesias.