Kisah Para Rasul 18:21 - En Taar Weru a nunuwu' é Tontemboan

²¹ Mandé ka'i taniitu, cuana, “Sa énan i Amang Kasuruan, tantu aku maréng oka mai sumawel ai camu.” Kumawus in itu, itela'una en Efesus.

Kisah Para Rasul 18:21 ပူးပေါင်းရင်းမြစ်များ

Matius 26:39

Kumawus in itu si Yesus maya' mangé toyo', Sia kumundu wo sumombayang, “O Amang-Ku, sa woo ro'na, angkaien woo mai eng kawenduan anio' a Yaku. Taan ra'ica iciit ing kasalé'an-Ku e mamuali, iciito ing kasalé'an i Amang.”

Markus 6:46

Kekawus i metalicur wo sé tou keli, si Yesus mangé an esa tolaina en sumombayang.

Lukas 9:61

Awéan ka'i tou walina kumua a si Yesus, “Guru, yaku masalé' kumiit si Guru, taan wéanai kaloasan aku e mangé kumua a sé pamaléku wo aku maréng oka mai sumawel eng kumiit si Guru.”

Kisah Para Rasul 15:29

Kamu ra'ica toro kuman ing kakanen si ayumpero a sé opo-opo', ra'ica toro kuman sé binatang imaté ampa'paan kiniselan eng kolot, wo ra'ica toro kuman in enda', wo ka'i ra'ica toro mabersina. Sa pakasa en anio' itayang iow, kamu méma'o in loor. Akaré' am bia'i owo en surat ami anio', siri' ai cami owo.”

Kisah Para Rasul 18:19

Kumawus in itu séra suméngkot wo icateka' an Efesus. Am bitu tela'u i Paulus si Priskila wo si Akwila. Wo sia in esa mangé muntep am balé paapo'an é agama Yahudi wo memaa-maar ang karapi éra andumoro' si Yesus.

Kisah Para Rasul 18:20

Pangileken é tou Yahudi a si Paulus wosama' sia mento' uré ang karapi éra, taan ra'ica niénanna em pinangilek éra itu.

Kisah Para Rasul 18:24

Awéan esa tou Yahudi, makangaran Apolos. Sia tou Aleksandria. Sia icateka'pé' mai an Efesus wo sia pinter keli manuwu' wo makailek keli andumoro' ing Kitap Le'nas.

Kisah Para Rasul 19:1

An tutuw i Apolos ang Korintusé', si Paulus maya'o mangé an doo-roong an sangkum ing Galatia wo am Frigia wo icateka' an Efesus. Am bia'i, sia meta'up wo piraan tou sé maémano.

Kisah Para Rasul 19:17

Pakasa sé tou Yahudi wo sé tou ra'ica Yahudi an Efesus makalinga ing kamamualian itu. Kelinga in itu wo séra maindé' wo marayo-rayo i ngaran i Apo' Yesus.

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Kisah Para Rasul 20:16

Si Paulus masalé' keli rior icateka' an Yerusalem, ampa'paan icasalé'na asi endo wangko' Pentakosta sia a mangéo mbitu. Ampa'paan in itu ra'ica kiimna en tumuli an Efesus wosama' en témpona ra'ica maka'pu an Asia.

Kisah Para Rasul 21:14

Anaé, ampa'paan si Paulus ra'ica kiim luminga sapa en aicua ami, ampa'paan in ituo waya-wayaano taré e mamuali wo icua ami, “Mandéo eng kasalé'anke' i Casuruan e mamuali.”

Kisah Para Rasul 21:29

Séra kumua in taniitu ampa'paan séra sumangkumo suméré si Trofimus si tou Efesus mewali-wali wo si Paulus an Yerusalem. Wo paweroten éra si Trofimus aiwali mai i Paulus e muntep am Balé Le'nas.

Roma 1:10

Uréo aku masalé' maangé ai camu, ampa'paan in ituo aku mekiupus a si Amang Kasuruan, sa woo wéan-Na mai kaloasan aku intarépé' e maangé ai camu.

Roma 15:32

Wo sa mémang icasalé' i Amang Kasuruan, ro'nao aku maangé ai camu ang karapi in arui en até, wo aku makéré ing kaketeran im paémanen an uner iow.

1 Korintus 15:32

Sa aku kumiitke' mako im bewerot é tou, ra'ica wana eng kalébéanku en sumundur in sé tou masalé' sumera' yaku tanuoka sé binatang léwo' ang kota Efesus. Anaé, sa sé tou imatéo ra'io touen sumawel, aweso taré kita meputé sé ipakua é tou, e makua in tana'i, “Mayo kita mengangan wo mengele-ngelep wo maaru-arui, ampa'paan asi endo woondo kita matéo.”

1 Korintus 16:7

Ampa'paan ra'ica kiimku sa aku maangé suméré icamu tanuke' itumuli. Arapenku woo sa icasalé' i Casuruan, yaku ro'na mento' uré-uréan toyo' ang karapi miow.

1 Korintus 16:8

Taan aku mento' oka an Efesus akar asi endo wangko' Pentakosta,

1 Korintus 4:19

Taan sa icasalé' i Casuruan, aku makala'us oka mai ai camu. Sa yaku mayo ai camu, yaku ra'ica mai mangéré sapa sé ipakua é tou tirayo itu taan pangérénku oka sa séra awéan kawasa asi Casuruan owo kuma'pa ra'ica.

2 Korintus 13:11

Anaé é poo-poow, maaru-aruio mangé, wutuleno em peri miow si suméa'. Terimano mangé pakasa en sina'uku! Meesao mangé en até wo em bewerot iow wo menonouo mangé ang kaeluran. Si Amang Kasuruan, pelemboian in upus wo ing kaeluran, mewali-wali oka wo icamu!

Efesus 1:1

En surat anio' a yaku owo Paulus, si mamuali ruru'du'an i Kristus Yesus kumiit ing kasalé'an i Amang Kasuruan. En surat anio' aipaticku ai camu tou le'nas an Efesus, sé le'tek maéman a si Kristus Yesus.

Ibrani 6:3

Sa énan i Amang Kasuruan, lala'ustao asi sususuien e rumangka'mai.

Yakobus 4:15

En ulitna musti icua miow tanu si anio', “Sa icasalé' i Casuruan, kami ro'na menonou wo méma' in anio' kuma'pa in itu.”

1 Petrus 3:17

Aweso taré kamu mawendu ampa'paan mengaéma' sé loor, sa en itu kasalé'an i Amang Kasuruan, wo taré kamu mawendu ampa'paan mengaéma' sé léwo'.

Wahyu 1:11

En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”

Wahyu 2:1

Wo icua i Toyaang i Tou a yaku, “Patico mio' a si malaékat si mengatéir in jamaat an Efesus: Si anioo en taar si ai Sia owo si makatimboi sé pitu sumesendot ang kama kakan-Na wo si mawaya' am paawuun é pitu totombol patuliran in sosoloan si niéma a mas owo.