Kisah Para Rasul 18:19 - En Taar Weru a nunuwu' é Tontemboan

¹⁹ Kumawus in itu séra suméngkot wo icateka' an Efesus. Am bitu tela'u i Paulus si Priskila wo si Akwila. Wo sia in esa mangé muntep am balé paapo'an é agama Yahudi wo memaa-maar ang karapi éra andumoro' si Yesus.

Kisah Para Rasul 18:19 ပူးပေါင်းရင်းမြစ်များ

Kisah Para Rasul 18:20

Pangileken é tou Yahudi a si Paulus wosama' sia mento' uré ang karapi éra, taan ra'ica niénanna em pinangilek éra itu.

Kisah Para Rasul 18:21

Mandé ka'i taniitu, cuana, “Sa énan i Amang Kasuruan, tantu aku maréng oka mai sumawel ai camu.” Kumawus in itu, itela'una en Efesus.

Kisah Para Rasul 18:24

Awéan esa tou Yahudi, makangaran Apolos. Sia tou Aleksandria. Sia icateka'pé' mai an Efesus wo sia pinter keli manuwu' wo makailek keli andumoro' ing Kitap Le'nas.

Kisah Para Rasul 18:4

Susur in endo Sabat, si Paulus memaa-maar a sé tou Yahudi wo sé tou Yunani am balé paapo'an é agama Yahudi. Am bitu, raméjinna séra wosama' maéman a si Yesus.

Kisah Para Rasul 19:1

An tutuw i Apolos ang Korintusé', si Paulus maya'o mangé an doo-roong an sangkum ing Galatia wo am Frigia wo icateka' an Efesus. Am bia'i, sia meta'up wo piraan tou sé maémano.

Kisah Para Rasul 19:17

Pakasa sé tou Yahudi wo sé tou ra'ica Yahudi an Efesus makalinga ing kamamualian itu. Kelinga in itu wo séra maindé' wo marayo-rayo i ngaran i Apo' Yesus.

Kisah Para Rasul 19:26

Intarépé' sinéréo wo liningao miow in esa, ampa'paano taré i Paulus akar sé tou ra'io maapo' a si opo'ta Artemis. Pemaso-masoonna in léwo' sé tou wo ipakuana, sé patong paémaanta ra'ica wutul. En itu aicuana ra'ica asaloke' an Efesus, taan misio am pakasa in Asia.

Kisah Para Rasul 19:28

Kelinga in itu, sé tou keli itu mae'bow keli wo yangko' éra, “Rayo si Artemis, si opo' é tou Efesus!”

Kisah Para Rasul 19:35

Wo iru'du' i jortulis ing kota itu wosama' séra menes, icuana, “Éi tou Efesus! Kailekan waya é tou ang kayo'baan anio' sapaoka tinéiran é tou Efesus sumama-sama' eng kuil i opo' Artemis si wangko' wo ka'i em patongna si tumumpa mai an langit.

Kisah Para Rasul 20:16

Si Paulus masalé' keli rior icateka' an Yerusalem, ampa'paan icasalé'na asi endo wangko' Pentakosta sia a mangéo mbitu. Ampa'paan in itu ra'ica kiimna en tumuli an Efesus wosama' en témpona ra'ica maka'pu an Asia.

Kisah Para Rasul 20:17

Anaé, an tutuw i Paulus a Miletus, sia rumu'du' tou mangé tumowa sé penatua é jamaat an Efesus wosama' mai a Miletus.

Kisah Para Rasul 21:29

Séra kumua in taniitu ampa'paan séra sumangkumo suméré si Trofimus si tou Efesus mewali-wali wo si Paulus an Yerusalem. Wo paweroten éra si Trofimus aiwali mai i Paulus e muntep am Balé Le'nas.

1 Korintus 15:32

Sa aku kumiitke' mako im bewerot é tou, ra'ica wana eng kalébéanku en sumundur in sé tou masalé' sumera' yaku tanuoka sé binatang léwo' ang kota Efesus. Anaé, sa sé tou imatéo ra'io touen sumawel, aweso taré kita meputé sé ipakua é tou, e makua in tana'i, “Mayo kita mengangan wo mengele-ngelep wo maaru-arui, ampa'paan asi endo woondo kita matéo.”

1 Korintus 16:8

Taan aku mento' oka an Efesus akar asi endo wangko' Pentakosta,

Efesus 1:1

En surat anio' a yaku owo Paulus, si mamuali ruru'du'an i Kristus Yesus kumiit ing kasalé'an i Amang Kasuruan. En surat anio' aipaticku ai camu tou le'nas an Efesus, sé le'tek maéman a si Kristus Yesus.

1 Timotius 1:3

An tutuwku maangém a Makedonia, pangilekenku ko mentoo mio' an Efesus. Am bitu ko ro'na sumina'u sé tou masusui in sususuien ra'ica wutul, wosama' yento' érao masusui in sususuien sé ra'ica wutul itu.

2 Timotius 1:18

Kailekanmu wutul ka'i sapaoka sia tatap mengatawang yaku an Efesus. Ampa'paan in ituo pekiupusenku a si Casuruan wosama' asi endo kaka'puan ing kayo'baan si endo i Casuruan makim sé tou, iwéé-Na mai eng kaupusan-Na a si Onesiforus.

2 Timotius 4:12

Airu'du'kuo si Tikhikus mangé an Efesus.

Wahyu 1:11

En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”

Wahyu 2:1

Wo icua i Toyaang i Tou a yaku, “Patico mio' a si malaékat si mengatéir in jamaat an Efesus: Si anioo en taar si ai Sia owo si makatimboi sé pitu sumesendot ang kama kakan-Na wo si mawaya' am paawuun é pitu totombol patuliran in sosoloan si niéma a mas owo.