Kisah Para Rasul 18:15 - En Taar Weru a nunuwu' é Tontemboan

¹⁵ Taan sa en itu asaloke' i meindo-indoan roma' andumoro' i nunuwu', i ngara-ngaran, kuma'pa in atoran-atoran an ukum in agama miow, icamuo in esa e murus sia. Ra'ica icasalé'ku mamuali akim am perkara miow.”

Kisah Para Rasul 18:15 ပူးပေါင်းရင်းမြစ်များ

Matius 27:24

Kailekano i Pilatus sapaoka pakasa e niéma'na ra'ica wana torona wo ka'i sé tou tumo'tolo maéma' ing kalicokoan, wo sia mindo rano, mu'as ing kamana an dior é tou keli wo icuana, “Ra'- ica wana eng kameséaanku andumoro' im papaté i Tou anio', en itu urusan iow in esa.”

Matius 27:4

Icua i Yudas, “Yaku méma'o ing kamesé-meséaan ampa'paan aisarakankuo am papaté si Tou ra'ica wana kamesé-meséaan.” Taan icua éra, “En itu urusanmu in esa ra'ica urusan ami!”

Yohanes 18:31

Icua i Pilatus ai séra, “Iwalio Sia icesot, wo akimeno mangé Sia iciit in atoran iow.” Icua é kikiiten é tou Yahudi, “Ra'ica toro kami mukum si esaan tou em patén.”

Kisah Para Rasul 18:13

Wo icua éra a si gubernur Galio, “Si tou anio' matawér sé tou keli, wosama' maapo' a si Amang Kasuruan ang karapi in lalan si membalinaan wo in ukum Torat.”

Kisah Para Rasul 23:29

Taan kinailekanku sapaoka sia tinudu andumoro' in atoran an ukum Torat. Taan ra'ica wana tuus en tumuru' sa sia patus makéré ukuman patén kuma'pa yuntep am bui.

Kisah Para Rasul 25:11

Sa aku wutul iméma' ing kaséaan kuma'pa ing kaléwo-léwo'an si patus makéré in ukuman patén, yaku tu'tulo maté. Taan ka'icé', sa pakasa en aitudu éra a yaku ra'ica wutul, ra'ica wana mandé esake' tou e ro'na musé' en sumarakan yaku ai séra. Sa tana'i, pangilekenku em perkaraku isosor en sidangen i Kaisar Romawi!”

Kisah Para Rasul 25:19

Séra asaloke' meindo-indoan roma' wo isia andumoro' in agama éra wo andumoro' si esa tou makangaran Yesus. Si Tou itu kiné imatéo, taan icua i Paulus si Tou itu itumou sumawel.

Kisah Para Rasul 26:3

Wopé'ka'i kailekanku, sa wutu-wutul kailekan i tuang eng kanaramen wo e masala ami tou Yahudi. Ampa'paan ituo, pangilekenku wosama' si tuang luminga ang karapi in talesen sapa en icuaku.

1 Timotius 1:4

Wo icua mangé ka'i ai séra wosama' ra'io toro mengasisil in sisisilen sé asalo niéma' é tou wo sisisilen andumoro' é apo-apo' sé aipatic taloso lambot. Pakasa en itu asaloke' méma' ing kaperéndéran wo ra'ica tumawang sé tou kumiit ing kasalé'an i Amang Kasuruan e makéré ing kalowiran.

1 Timotius 6:4

isiao si tou tirayo taan ra'ica makailek in sapa-sapa. Em pakawerotna ra'ica wutul ampa'paan asalo maéré-éré alasan ang karapi i meindo-indoan roma'. Ampa'paan sa meindo-indoan roma' tanu siitu, méma'ke' taré sé tou menii-niim ing kasuutan, meréndéran, mengawuruk i ngaran é tou, mengawerot in léwo' a sé tou walina,

2 Timotius 2:23

Tioo ko meindo-indoan roma' andumoro' i roroma' sé ra'ica wutul wo ra'ica patus. Kailekanmu sa meindo-indoan roma' taniitu mengaéma' ing kaperéndéran é tou.

Titus 3:9

Wo ko ra'ica toro mapaar im papaaren sé ra'ica wana torona wo andumoro' in sisisilen taranak é apo-apo' miow, ra'ica toro meindo-indoan roma'. Wo ko ka'i ra'ica toro meréndéran andumoro' in ukum Torat. Ampa'paan pakasa en itu ra'ica wana torona wo uli-ulit ra'ica wana torona.