Kisah Para Rasul 18:14 - En Taar Weru a nunuwu' é Tontemboan

¹⁴ Taan an tutuw i Paulus tumo'tolo woo rumoma', icua i gubernur Galio a sé tou Yahudi itu, “Éi camu, tou-tou Yahudi! Sa tudun iow si tou anio' iméma'o esa kameséaan kuma'pa kaléwo'an, tantu musti urusenku sé ipatudu miow itu.

Kisah Para Rasul 18:14 ပူးပေါင်းရင်းမြစ်များ

Matius 5:2

Wo tumo'tolo Sia sumusui ai séra, icua-Na,

Markus 9:19

Wo icua i Yesus ai séra, “Éi camu sé tou ra'ica maéman, akar kawisa réén Aku musti mento' an uner iow? Wo akar kawisa réén Aku talesen ang karapi miow? Iwalio mai si toyaang itu am bia'i!”

Kisah Para Rasul 13:10

wo kumua, “Éi toyaang i kikiiten é sétang! Ico wuta in uwak sé membam-balinaan wo ing kaléwo'an. Pakasa sé wutul pasundurenmuke'. Kéitu réén ra'ica yento'mu mengaléwo' im pawasan i Amang Kasuruan si mai lumowir sé tou?

Kisah Para Rasul 13:18

Wo séra menonou an tana' kapayasan epat ngapulu' ngata'- un eng kauréna. Am bitu em peri ing katouan éra ra'ica makiit ing kasalé'an i Amang Kasuruan. Taan Sia kasake' talesen ai sera.

Kisah Para Rasul 21:39

Isowat i Paulus, “Ra'ica é tuang. Yaku tou Yahudi, an Tarsus owo, kota si kailekano keli ang Kilikia. Pangilekenku wosama' aku ro'na rumoma' a sé tou keli itu.”

Kisah Para Rasul 25:11

Sa aku wutul iméma' ing kaséaan kuma'pa ing kaléwo-léwo'an si patus makéré in ukuman patén, yaku tu'tulo maté. Taan ka'icé', sa pakasa en aitudu éra a yaku ra'ica wutul, ra'ica wana mandé esake' tou e ro'na musé' en sumarakan yaku ai séra. Sa tana'i, pangilekenku em perkaraku isosor en sidangen i Kaisar Romawi!”

Kisah Para Rasul 25:26

Taan em perkarana anio' ra'ipé' talos kailekanku, anaé ra'ipé' wana e ro'na ipaticku a si Kaisar andumoro' ing kaléwo-léwo'an i tou anio'. Ampa'paan ituo towanku mai sia am bia'i en isaru ai camu im baya am bia'i. Paarapenku, kamu waya sé am bia'i, wo ka'i si colano Agripa ro'na mewali-wali wo yaku e meriksa im perkarana. Wo in taniitu awéan em paticku a si Kaisar.

Roma 13:3

Anaé, si tou mengaéma' in loor, sia ra'ica sangali maindé' a sé pemerénta, taan si tou mengaéma' in léwo', tantu sia maindé' a sé pemerénta. Ampa'paano in itu sa kamu masalé' wosama' ra'ica maindé' a sé pemerénta, mengaéma'o mangé in loor wosama' kamu irayo éra.

2 Korintus 11:1

Yaku masalé' rumayo toyo' in owakku mandé en itu tanuoka im paémaan é tou bodok, anaé pekiupusenku ai camu wosama' lumesen toyo' luminga sé icuaku. Ulit kamu taloso talesen a yaku!

2 Korintus 11:4

Ampa'paan kamu pakasérén talesenke' tumerima si esa tou mai wo masusui ai camu andumoro' in sususuien si ra'ica meputé wo sé ipasusui ami andumoro' i Yesus. Wo kamu ka'i tumerima i roh si ra'ica meputé wo i Roh Le'nas kuma'pa Abar Kaaruien si wutu-wutul ra'ica meputé wo in abar kaaruien si sumangkumo tinerima miow ai cami.

Ibrani 5:2

Si imam wangko' itu asaloke' tou wo keli eng kalembian, ampa'paan in ituo ro'na kailekanna ka'i eng kalembian é kakéléna tou sé ra'ipé' makailek sapa-sapa wo sé sélé'kow.