Kisah Para Rasul 18:12 - En Taar Weru a nunuwu' é Tontemboan

¹² Taan an tutuw i Galio mamualio gubernur an Akhaya sé tou Yahudi meesa até en tumangka' si Paulus. Kumawus in itu sia paalin éra am pengadilan.

Kisah Para Rasul 18:12 ပူးပေါင်းရင်းမြစ်များ

Matius 27:19

Ang karoro'an i Pilatus makalukut am paakiman wo mai en taar si aicirim i penanaanna ai sia, “Tioo ko marambét am perkara i Tou wutul itu, ampa'paan Siao akar aku kawengi mangipi léwo'.”

Yohanes 19:13

An tutuw i Pilatus luminga en aicua é tou itu, wo iru'du'na sé suraro e maali si Yesus icesot an istana itu. Wo si Pilatus lumukut am palukutan im pengadilan si patuulen Lanté Watu, a nunuwu' Ibrani patuulen Gabata.

Kisah Para Rasul 13:12

An tutuw i gubernur suméré sapa e mamuali, sia ka'i mapercaya a si Yesus. Wo sia mangaya-ngaya'ka' in sususuien andumoro' i Apo' Yesus.

Kisah Para Rasul 13:50

Taan sé tou Yahudi sé cumélong in Taar i Amang Kasuruan itu, séra memaso-maso' in léwo' a sé wéwéné sé mengaapo' a si Amang Kasuruan sé awéan pengaru wo ka'i a sé kikiiten ang kota itu. Wo okoien éra si Paulus wo si Barnabas wo yusér éra en tumela'u in sangkum itu.

Kisah Para Rasul 13:7

Sia mekarapi wo si gubernur am pulou itu, si makangaran Sergius Paulus. Si gubernur itu pandéi keli. Towanna si Barnabas wo si Saulus ampa'paan icasalé'na luminga in taar i Amang Kasuruan.

Kisah Para Rasul 13:8

Taan si Barnabas wo si Saulus sinundurke' i masihir itu si a nunuwu' é Yunani pengatuulen Elimas. Raméjinna wosama' si gubernur ra'ica maéman a si Yesus.

Kisah Para Rasul 14:19

Wo asi témpo itu mayo sé tou Yahudi a mangé en Antiokhia wo an Ikonium owo. Séra memaso-maso' in léwo' a sé tou keli itu akar si Paulus wangkilen éra im batu wo wésoon éra icesot ang kota, ampa'paan paweroten éra sia imatéo.

Kisah Para Rasul 14:2

Taan awéan tou Yahudi sé ra'ica kiim mercaya in aicua i Paulus wo si Barnabas, séra memaso-maso' in léwo' sé tou ra'ica Yahudi wosama' icasuut éra sé poo-poow esa paémanen itu.

Kisah Para Rasul 17:13

Taan an tutuw kailekan é tou Yahudi sé an Tesalonika owo sapaoka si Paulus makua ka'i in taar i Amang Kasuruan am Berea wo séra mangé am bitu e memaso-maso' in léwo' a sé tou am bitu akar sé tou keli ra'io makaaté in sama'.

Kisah Para Rasul 17:5

Taan sé tou Yahudi walina manganat a si Paulus wo si Silas. Ampa'paano in itu li'usen éra sé tou léwo' am pasar sé ra'ica wana tawoien en lumicoko ing kota itu. Wo em balé i Yason sinerang éra ka'i e mangéré si Paulus wo si Silas, en urusen an dior é tou keli.

Kisah Para Rasul 18:11

Ampa'paano in itu si Paulus mento' ang Korintus sangata'un enem ngaserap eng kauréna, wo ipasusuina en taar i Amang Kasuruan ai séra.

Kisah Para Rasul 18:27

Kekawus in itu si Apolos masalé' mangé an Akhaya. Anaé, sé tou maéman an Efesus kumirim surat a sé tou maéman an Akhaya wosama' ro'na sumungkul sia. Wo an tutuw i Apolos icateka' an Akhaya, sia wutu-wutul tumawang sé tou maéman ampa'paan in upus tatambér i Amang Kasuruan.

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Kisah Para Rasul 25:10

Isowat i Paulus, “Yaku tou Romawi. Intarépé' aku makatulung an tampa pengasidangan im perkara é tou Romawi. Anaé, yaku musti sidangen am bia'i, ra'ica an Yerusalem. Kailekano wutu-wutul i tuang, sa aku ra'ica iméma' ing kaséaan sapa-sapa a sé tou Yahudi.

Roma 15:26

Ampa'paan sé jamaat a Makedonia wo an Akhaya lumi'uso roit em béé a sé tou lengéi an uner é tou le'nas an Yerusalem.

Roma 16:5

Icuao ka'i mangé en siri'ku a sé jamaat sé mengali'usai maapo' am balé i Priskila wo si Akwila. Icuao ka'i mangé en siri'ku a si Epenetus, si poow an esa paémanen si icaupusku, siao si tou kataré-taré maéman a si Kristus an Asia.

1 Korintus 16:15

Poo-poow, tantu katuusano miow si Stefanus wo sé pamaléna. Séra itu, sé tou kataré-taré mape'dis wo maémano a si Yesus an Akhaya. Wo séra imééo in owak an tawoien en sumelewir sé tou le'nas.

2 Korintus 1:1

En surat anio' a yaku owo, Paulus si mamuali ruru'du'an i Yesus Kristus kumiit ing kasalé'an i Amang Kasuruan. En surat anio' aipaticku mewali-wali wo si Timotius poowta an esa paémanen. En surat anio' aicirim ami a sé jamaat i Amang Kasuruan ang Korintus, wo ka'i a sé tou le'nas an Akhaya.

2 Korintus 11:10

En darayoku itu ra'ica toro kalaan é séike' mangé an Akhaya, ampa'paan en sususuien wutul i Kristus an untepo in atéku.

2 Korintus 11:26

Am bawayaanku makakeli-keli mengakawali ang kawangkuran, tanu mai icawangkur an doyongan sumonop, pengakasua' asé marampok, ipengawangkur é touku Yahudi wo ka'i sé tou ra'ica Yahudi, icawangkur ang kota, icawangkur an tana' kapayasan, icawangkur an uner in ta'sic, wo ka'i pengawangkur é tou sé makua sapaoka séra poo-poowta esa am paémanen a si Kristus mandé en ulitna séra ra'ica maéman.

2 Korintus 9:2

Ampa'paan kailekankuo kamu masalé' mengatawang, wo kamu aitirayokuo a sé jamaat a Makedonia. Ipakuaku ai séra sapaoka kamu an sangkum in Akhaya tu'tulo méé in doit tatawang tumo'tolke' mai asi ta'un ilumangkoi. Wo eng kaincayaan iow imuwaso in até é kinakelian ai séra e mekiit méé roit tatawang.

1 Tesalonika 2:14

Poo-poow! Kamu niokoio é tou esa suku wo icamu an Tesalonika. Wo in taniitu kamu meputéo wo sé tou Yahudi an Yudea sé maémano a si Apo' Yesus Kristus, séra niokoi ka'i é tou éra in esa.

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.

Yakobus 2:6

Taan aiséro'ke' miow sé tou lengéi itu. En ulitna sé tou siya'o e maokoi wo makawali icamu am pangadilan.