Kisah Para Rasul 17:34 - En Taar Weru a nunuwu' é Tontemboan

³⁴ Taan awéan piraan tou en cumiit si Paulus, ampa'paan séra maémano a si Yesus. Esaan ai séra itu makangaran Dionisius, esaan asé anggota majelis Areopagus. Wo awéan ka'i esa wéwéné makangaran Damaris wo ka'i sé tou walina sé kumiit mewali-wali wo iséra.

Kisah Para Rasul 17:34 ပူးပေါင်းရင်းမြစ်များ

Matius 20:16

Taniituo ka'i e mamuali sa, sé tou kumataré-taré mamuali oka tou sumomo-somoi, wo sé tou sumomo-somoi mamuali oka tou kumataré-taré.”

Kisah Para Rasul 13:48

Kelinga in itu, pakasa é tou sé ra'ica Yahudi arui keli wo rumayo sumiri' in Taar i Casuruan itu. Wo sé tou sinisiro i Amang Kasuruan makéré oka ing katouan akar ing kauré-uré, séra itu mamuali maéman.

Kisah Para Rasul 17:19

Wo iwali éra si Paulus en sumaru an sidang Areopagus, wo icua éra, “Ro'na kailekan ami en sususuien weru si pengasusuimu itu?

Kisah Para Rasul 17:22

An sidang itu si Paulus tumulung wo rumoma', “Éi tou Atena! Winéanku rékén sapaoka am baya-waya, kamu re'dem keli mengaapo' a sé opo-opo'.

Kisah Para Rasul 17:33

Kekawus in itu, pakasa séra itela'u i Paulus.

Kisah Para Rasul 17:4

Awéan piraan asé tou Yahudi itu mamuali maéman a si Yesus. Wo kelian tou Yunani sé maapo' a si Amang Kasuruan wo sé wéwéné sé awéan pengaru ang kota itu, séra im baya meesa ang karapi i Paulus wo si Silas.

Filipi 4:22

Pakasa in tou le'nas am bia'i, lébé-lébé ka'i séra sé an istana i Kaisar méé mai in siri' ai camu.