Kisah Para Rasul 17:31 - En Taar Weru a nunuwu' é Tontemboan

³¹ Ampa'paan aitantu-Nao asi esa témpo e makim sé tou karapi i ra'ica marapit, wo aituru'-Nao esa Tou mamuali akim. Wo aituru'-Nao en itu a sé pakasa in tou ang karapi in tumou sumawel si Tou itu am papaté.”

Kisah Para Rasul 17:31 ပူးပေါင်းရင်းမြစ်များ

Matius 10:15

En ulitna icua-Ku mangé ai camu, asi endo kaka'puan ing kayo'baan sé tou ang kota Sodom wo ang Gomora lébé porakai en ukumanna wo taré sé tou ang kota itu.”

Matius 24:14

Wo en Abar Kaaruien andumoro' ing Kakolanoan in Sorga ipakua-kua oka am bisa-wisa asi kayo'baan anio', e mamuali kasairian a sé pakasa é tou. Kumawus in itu maayo en endo kaka'puan ing kayo'baan.”

Lukas 22:22

Ampa'paan si Toyaang i Tou maté oka tanu si aitantuo i Amang Kasuruan. Taan si tou sumarakan Sia wutu-wutul icawangkur.”

Yohanes 12:48

Taan si séike' eng kumélong Yaku wo ra'ica tumerima sé ipakua-Ku, séra ukumen oka i Amang Kasuruan asi endo kaka'puan kiit i nunuwu' sé aicua-Kuo.

Yohanes 16:10

Karua, ituru'-Na oka ai séra sapaoka Yakuo si wutul, ampa'paan Aku maangé oka a si Amang, wo Yaku ka'i ra'io kaséréan iow.

Yohanes 5:27

Wo si Amang-Ku ka'i mééo ing kawasa a Yaku e makim ampa'paan Yaku Toyaang i Tou.

Kisah Para Rasul 17:18

Ang kota Atena awéan golongan Epikuros wo golongan Stoa. Sé tou pinter asé reru itu meindo-indoan roma' wo si Paulus, awéan e makua, “Sapa réén eng kailekan i tou anio'? Eng kailekanna waya im pira taan keli nuwu'.” Wo sé walina ka'i makua, “Si tou anio' makua wona' andumoro' é opo-opo' é bangsa walina.” Icua éra in taniitu ampa'paan si Paulus mengakua andumoro' i Yesus wo andumoro' Sia si tinou sumawel am papaté.

Kisah Para Rasul 17:32

An tutuw iluminga sapaoka sé tou imatéo ro'na touen sumawel wo sia aiséro'ke' é piraan tou ai séra. Taan sé walina makua, “Kawisa oka mangé lingan ami en aicuamu tarépé'.”

Kisah Para Rasul 17:6

Taan ra'ica kinéréan éra si Paulus wo si Silas am bitu. Ampa'paano in itu wésoon éra si Yason wo piraan tou sé maéman wo iwali éra a sé makakawasa ing kota itu. Wo ipaangko' éra, “Sé tou mengalicoko am bisa-wisa imayo ang kota anio',

Kisah Para Rasul 2:32

Si Yesus anioo si tinou sumawel i Amang Kasuruan. Wo icamio im baya e mamuali sairi andumoro' in itu.

Kisah Para Rasul 4:10

musti kailekan iow im baya wo sé tou Israel, sapaoka si tou anio' imasama' ampa'paan ing kawasa i Yesus Kristus si tou Nazaret si aisalip iow, taan tinou sumawel i Amang Kasuruan an uner é tou imaté. Wo ampa'paano si Yesus ituo, akar si tou anio' imasama' wo ro'na makatulung an dior iow.

Roma 2:16

Tanu siituo e imamuali asi endo kaka'puan ing kayo'baan sa. Asi endo itu si Amang Kasuruan méé kawasa a si Kristus Yesus e makim waya sé icaenep an até é tou wo sé pawero-weroten é tou. Siituo sé ipakuaku iciit in Abar Kaaruien andumoro' i Yesus Kristus.

Roma 2:5

Taan kamu anio' keté ngaas wo ra'ica kiim mape'dis. Ampa'paano in itu, icamuo in esa e méma' in ukuman iow makaute-uter asi endo kaka'puan ing kayo'baan sa. Asi endo itu oka si Amang Kasuruan tumuru' ing kae'bowan-Na wo mukum waya sé tou ang karapi in da'ica mengarapit.

1 Korintus 4:5

Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.

2 Korintus 5:10

Ampa'paano icita im baya uli-ulit sumaru oka an dior i Kristus in akimen wo iesa wo esa tou makéré oka in susuli' kumiit sapa sé pinengaéma'na ang kauré menonou asi kayo'baan anio', loor kuma'pa léwo'.

2 Timotius 4:1

Si Kristus Yesus maai oka sumawel wo Sia mai kumawasa tanu Kolano. Siao e makim sé tou menonoué' wo sé tou imatéo. Ampa'paano in itu intarépé' an dior i Amang Kasuruan wo si Kristus Yesus, uli-ulit icuaku ai co é Timotius wosama':

Ibrani 6:2

kuma'pa sususuien in andumoro' im baptisan, sususuien in andumoro' i maro ing kama am bawo in do'kos, sususuien in andumoro' sé tou imaté tumou sumawel, wo sususuien in andumoro' in ukuman akar ing kauré-uré.

2 Petrus 3:7

Taan en langit wo eng kayo'baan intarépé' pakatéirané' i nunuwu'-Na itu, en tunun in api sa. Intarépé' en langit wo eng kayo'baan pakatéirané' akar asi endo sé tou léwo' akimen wo patén-Na.