Kisah Para Rasul 17:3 - En Taar Weru a nunuwu' é Tontemboan

³ Ipaterangkanna wo pawéanna tuus ai séra sapaoka si Mesias musti meta'up in okoi akar maté wo tumou sumawel an unér é tou imatéo. Icuana ka'i ai séra, “Si anioo si Yesus si aicuaku ai camu, Siao si Mesias.”

Kisah Para Rasul 17:3 ပူးပေါင်းရင်းမြစ်များ

Lukas 24:32

Wo séra in dua mengkuanan, “Tarépé' an lalan, an tutuw Sia memaa-maar wo icita wo masisil andumoro' sé aipatic ang Kitap Le'nas, en atéta tanu taré makaincaya'ke'?”

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Lukas 24:46

Wo icua-Na ai séra, “Aipatic ang Kitap Le'nas tana'i: Si Mesias, si Colano Lumolowir, musti mawendu wo maté wo asi endo katelu tumou sumawel an uner é tou imaté.

Yohanes 20:9

Ampa'paan akar asi oras itu ka'i ra'ipé' kaangéan éra sapa en aipatic ang Kitap Le'nas sapaoka si Yesus musti tumou sumawel an uner é tou imaté.

Kisah Para Rasul 1:4

An tutuw i Yesus mewali-wali wo iséra, aitaar-Na, “Kamu ra'- ica toro tumela'u in Yerusalem. Mentoo am bitu akar Sia si aijanjio i Amang-Ku maai. Siao si sumangkumo pinalinga miow a Yaku.

Kisah Para Rasul 18:28

Ang karapi in da'ica wana kaindé'an pengabantanna sé tou Yahudi an dior é tou keli. Wo ipaturu'na sé ang Kitap Le'nas e méé tuus sapaoka si Yesus ituo si Mesias.

Kisah Para Rasul 18:5

An tutuw i Silas wo si Timotius mai a Makedonia owo, endo wo em bengi si Paulus makua in taar i Amang Kasuruan a sé tou Yahudi. Ipakuana sapaoka si Yesus itu Mesias si aijanjio i Amang Kasuruan indior.

Kisah Para Rasul 3:18

Ang karapi i mulur taniitu imamualio en aicua i Amang Kasuruan indior imaké sé nabi, sapaoka si Mesias si ayutus-Na musti mendam ing keli kawenduan.

Kisah Para Rasul 9:22

Taan em pakatawér i Saulus makaketerke' wo méma' sé tou Yahudi an Damsyik mangaya-ngaya'ka' oka ampa'paan sia méé tuus mapaké ing Kitap Le'nas sapaoka si Yesus wutu-wutul Mesias.

Galatia 3:1

Éi tou Galatia sé bodok! Si séi réén e muwak icamu? Ra'ica réén aisisilkuo ai camu indior ang karapi i makakii-kiit andumoro' i Yesus Kristus si aisalipo?