Kisah Para Rasul 17:28 - En Taar Weru a nunuwu' é Tontemboan

²⁸ Sia si méma' icita menonou wo ro'na mengéro-ngéro' wo maaseng. En itu meputé wo im puisi si aipatic é tou miow si cumua, ‘Kita im baya toya-toyaang-Na.’

Kisah Para Rasul 17:28 ပူးပေါင်းရင်းမြစ်များ

Lukas 20:38

Si Abraham, Ishak wo si Yakub imatéo, taan kailekan i Amang Kasuruan sapaoka séra touen oka sumawel. Anaé, si Amang Kasuruan itu ra'ica Amang Kasuruan é tou imaté, taan Amang Kasuruan é tou menonou. Ampa'paan an dior i Amang Kasuruan pakasa e roh é tou menonou, mandé ka'i en owak éra imatéo.”

Lukas 3:38

toyaang i Enos, toyaang i Set, toyaang i Adam. Wo toyaang i Amang Kasuruan.

Yohanes 11:25

Isowat i Yesus a si Marta, “Yakuo en tumou sumawel sé tou imatéo wo méé ing katouan akar ing kauré-uré. Si séike' sé maéman a Yaku, mandé ka'i sia matéo ang kayo'baan anio', sia tumou oka akar ing kauré-uré.

Yohanes 5:26

Ampa'paan si Amang-Ku palemboian ing katouan, niéma'-Na ka'i si Toyaang-Na mamuali palemboian ing katouan.

Kolose 1:17

Ra'ipé' niéma' em baya-waya si Kristus awéano, wo Siao ka'i en tumu'tul pakasa in itu an tampana asi esa wo si esa.

Titus 1:12

Awéan esa nabi, sia tou éra in esa ang Kreta si sumangkumo kumua in tana'i, “Ulito sé tou Kreta kotowo, puté wo sé binatang luméwo-léwo', longi' wo weles ra'ica kiim tumawoi.”

Ibrani 1:3

Asi Toyaang-Na ituo ro'na kaséréanta e rarayo wo in sisiri' i Amang Kasuruan, Siao em paséréan im peri wo ing kawasa i Amang Kasuruan in esa, Siao ka'i e makatéir im pakasa sé ang kayo'baan ang karapi in Taar-Na si wuta ing kawasa. Wo Siao ka'i e meresi ing kamesé-meséaan é tou, kekawus in itu Sia mangé an sorga wo lumukut ang kakan i Amang Kasuruan si Makakawasa, asi tampa irumangka-rangka'.

Ibrani 12:9

Kita awéan amang ang kayo'baan. Kita patepianna wo sia pasiriinta. Wopé'taré si Amang Kasuruan, Amangta an sorga, Amang é pakasa é roh. Kita musti lume'te-le'tek angé ai Sia wosama' kita ro'na menonou akar ing kauré-uré.

Ibrani 2:11

Si Yesus si lume'nas sé tou sé iméma' ing kamesé-meséaan éra wo sé tou sé line'nas-Nao makaanu esa Amang. Ampa'paan in itu si Yesus ra'ica malawi' mengatuul iséra poo-poow-Na.