Kisah Para Rasul 17:24 - En Taar Weru a nunuwu' é Tontemboan

²⁴ Si Amang Kasuruan ituo si iméma' ing kayo'baan anio' wo pakasa sé an untepna. Siao si makakawasa in langit wo sé ang kayo'baan. Sia ra'ica makaento' an tampa-tampa paapo'an si niéma' é tou.

Kisah Para Rasul 17:24 ပူးပေါင်းရင်းမြစ်များ

Matius 11:25

An tutuw itu si Yesus sumombayang, “O Amang Kasuruan si makakawasa in langit wo ing kayo'baan! Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé mengapaké ing kapinteran wo a sé tou pandéi, taan aituru' i Amang a sé tou en aténa tanu toyaangé' teké'.

Matius 5:34

Taan icua-Ku mangé ai camu, tioo mengasumpa matuul in langit, ampa'paan en langit itu palukutan pasiri-siriin i Amang Kasuruan.

Lukas 10:21

Asi témpo itu si Yesus winuta i Roh Le'nas wo en até-Na maaru-arui. Wo icua-Na, “O Amang Kasuruan si Makakawasa in tana' wo en langit, Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé maanggap in owak éra pinter wo makailek im baya-waya. Taan aituru' i Amang andumoro' in itu a sé tou wawa'. Wo siituo e iméma' in até i Amang arui.

Yohanes 1:1

Asi kataré-taré ra'ipé' niéma' i Amang Kasuruan eng kayo'baan anio', en Taar awéano. En Taar itu mewali-wali wo si Amang Kasuruan wo en Taar ituo si Amang Kasuruan.

Kisah Para Rasul 14:15

“Éi camu im baya, kéitu réén kamu méma' in tana'i? Kami anio' tou kaputé miow. Kami am bia'i eng kumua in Abar Kaaruien andumoro' i Yesus Kristus ai camu, wosama' kamu ro'na tumela'u sé opo-opo' sé ra'ica wana torona wo kamu maémano mangé a si Amang Kasuruan si menonou. Siao si méma' in langit wo ing kayo'baan, ta'sic wo im pakasa sé an untepna.

Kisah Para Rasul 4:24

An tutuw é kara-karapi éra luminga waya in itu wo séra im baya mewali-wali sumombayang, “O Kasuruan si Makakawasa si méma' in langit, ing kayo'baan, in ta'sic wo pakasa sé an untepna,

Kisah Para Rasul 7:48

Taan si Amang Kasuruan Si Rumangka-rangka' ra'ica maento' am balé-walé sé niéma' é tou, tanu si aicua i esa nabi:

Roma 1:19

Wo sapa e ro'na kailekan é tou andumoro' i Amang Kasuruan, kakailekan éra wutul an untep in até, ampa'paan en itu aituru'o i Amang Kasuruan ai séra.

Ibrani 1:2

Taan asé endo kaka'puan ing kayo'baan anio', si Amang Kasuruan maroma' ai cita mengapaké si Toyaang-Na in esa. Wo ampa'paano i Toyaang-Na anio', eng kayo'baan wo pakasa sé an untepna émaan i Amang Kasuruan. Wo aitantu-Nao sapaoka si Toyaang-Na awéan kaloasan makaanu im pakasa sé niéma'-Na itu.

Ibrani 3:4

Susur im balé awéan bas e mangun, taan si mangun im baya waya si Amang Kasuruan in esa.

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.