Kisah Para Rasul 17:22 - En Taar Weru a nunuwu' é Tontemboan

²² An sidang itu si Paulus tumulung wo rumoma', “Éi tou Atena! Winéanku rékén sapaoka am baya-waya, kamu re'dem keli mengaapo' a sé opo-opo'.

Kisah Para Rasul 17:22 ပူးပေါင်းရင်းမြစ်များ

Kisah Para Rasul 17:15

Wo si Paulus iwali é tou en suméngkot akar ang kota Atena. Kumawus in itu, sé tou itu maréng angé sumawel am Berea ang karapi i maali-ali in taar i Paulus wosama' si Silas wo si Timotius mario-rior mai ai sia ang kota Atena.

Kisah Para Rasul 17:16

Ang karoro'an i Paulus ang kota Atena mengento-ngento' si Silas wo si Timotius, en até i Paulus wendu keli ampa'paan pakasérénna ang kota itu wuta im patong é opo-opo'.

Kisah Para Rasul 17:19

Wo iwali éra si Paulus en sumaru an sidang Areopagus, wo icua éra, “Ro'na kailekan ami en sususuien weru si pengasusuimu itu?

Kisah Para Rasul 17:34

Taan awéan piraan tou en cumiit si Paulus, ampa'paan séra maémano a si Yesus. Esaan ai séra itu makangaran Dionisius, esaan asé anggota majelis Areopagus. Wo awéan ka'i esa wéwéné makangaran Damaris wo ka'i sé tou walina sé kumiit mewali-wali wo iséra.

Kisah Para Rasul 19:35

Wo iru'du' i jortulis ing kota itu wosama' séra menes, icuana, “Éi tou Efesus! Kailekan waya é tou ang kayo'baan anio' sapaoka tinéiran é tou Efesus sumama-sama' eng kuil i opo' Artemis si wangko' wo ka'i em patongna si tumumpa mai an langit.

Kisah Para Rasul 25:19

Séra asaloke' meindo-indoan roma' wo isia andumoro' in agama éra wo andumoro' si esa tou makangaran Yesus. Si Tou itu kiné imatéo, taan icua i Paulus si Tou itu itumou sumawel.