Kisah Para Rasul 17:2 - En Taar Weru a nunuwu' é Tontemboan

² Tanu ing kanaramen, si Paulus muntep am balé paapo'an é agama Yahudi itu. Wo makatelu in endo Sabat mengking-kiitan, sia muntep am balé paapo'an memaa-maar wo sé tou andumoro' im bagéan-bagéan ing Kitap Le'nas.

Kisah Para Rasul 17:2 ပူးပေါင်းရင်းမြစ်များ

Matius 26:24

Si Toyaang i Tou maté oka tanu in aipatic ang Kitap Le'nas andumoro' Sia. Taan icawangkuro mio' si tou sumarakan Sia, aweso taré si tou itu ra'ica aitou ang kayo'baan.”

Lukas 4:16

Asi makasa si Yesus mai a Nazaret si tampa winangko'an-Na. Imamualio kanaramen-Na asi endo Sabat, Sia muntep am balé paapo'an é agama Yahudi. Am bitu Sia tumulung e maca ing Kitap Le'nas.

Yohanes 18:20

Isowat i Yesus ai sia, “Ang karapi ra'ica ipaene-enep ipemaa-maar-Ku a sé tou keli ang kayo'baan. Wo ipenusu-nusui-Ku am balé-walé paapo'an é agama Yahudi wo am Balé Le'nas, am pali'usan é tou Yahudi. Ra'ica wana en ayenep-Ku.

Kisah Para Rasul 13:14

Wo am Perga itu, si Paulus wo sé kara-karapina lumala'us ka'i im bawayaan éra akar icateka' an Antiokhia an sangkum im Pisidia. Asi endo Sabat séra muntep wo lumukut am balé paapo'an é agama Yahudi.

Kisah Para Rasul 13:5

Icateka' mangé an Salamis am pulou Siprus, séra in dua kumua in Taar i Amang Kasuruan am balé-walé paapo'an é tou Yahudi. Asi témpo itu kumiit ka'i si Yohanes si patowan Markus, en sumémbonga i séra.

Kisah Para Rasul 14:1

An tutuw i Paulus wo si Barnabas an Ikonium, séra muntep am balé paapo'an é agama Yahudi, tanu ing kanaramen paémaan éra an tampa walina. Am bitu séra kumua in Abar Kaaruien andumoro' i Yesus Kristus ang karapi in sumama-sama' akar keli sé tou Yahudi wo sé tou ra'ica Yahudi maéman a si Yesus.

Kisah Para Rasul 17:10

Asi wengi ituke', sé tou maéman an Tesalonika rumu'du' si Paulus wo si Silas mangé am Berea. Wo an tutuw éra icateka' mangé am bitu, séra mangé am balé paapo'an é agama Yahudi.

Kisah Para Rasul 17:17

Ampa'paano in itu sia mangé am balé paapo'an é agama Yahudi, wo sia memaa-maar wo sé piraan tou Yahudi wo sé tou ra'ica Yahudi sé maapo' a si Amang Kasuruan. Wo susur in endo, si Paulus meta'up wo sé tou am pasar, sia ka'i memaa-maar wo iséra.

Kisah Para Rasul 18:4

Susur in endo Sabat, si Paulus memaa-maar a sé tou Yahudi wo sé tou Yunani am balé paapo'an é agama Yahudi. Am bitu, raméjinna séra wosama' maéman a si Yesus.

Kisah Para Rasul 19:8

Telu ngaserap eng kauréna, si Paulus mengauntep am balé paapo'an é agama Yahudi. Am bitu sia maroma' ang karapi in da'- ica wana kaindé'an wo meindo-indoan roma' wo sé tou Yahudi wosama' percayan éra andumoro' ing kakolanoan i Amang Kasuruan.

Kisah Para Rasul 24:25

Wo icua i Paulus tumambisa sé tou menonou wutul an dior i Amang Kasuruan, tumambisa eng kumawasa in owak wosama' ra'ica méma' ing kamesé-meséaan wo ka'i andumoro' in endo sé tou akimen i Amang Kasuruan. Kelingana in itu, sia makala'us maindé' wo icuana, “Taniitupé'owo, wo mangéo ko. Kawisa mangé sa awéano témpo loor towanku oka sumawel ko.”

Kisah Para Rasul 28:23

Wo séra tumantu esa endo e meta'up sumawel wo si Paulus. Wo asi endo itu kelian sé imai an tampa pakaento'anna. Wo sia kumua wo masairi ai séra andumoro' si Amang Kasuruan Kumawasa tanu Kolano. Sia ka'i maké in tuu-tuus an ukum Torat wo eng kitap é nabi e rumaméji wosama' kailekan éra wo émanen éra sa si Yesus itu si Mesias. En itu imamuali tumo'tol i mamoondo akar im bawaando.

Kisah Para Rasul 8:35

Kelinga in itu, tumo'tolo si Filipus kumua maké i nats an Abar Kaaruien andumoro' i Yesus Kristus en sisil ai sia.

Kisah Para Rasul 9:20

Asi témpo ituke', sia muntep am balé-walé paapo'an é agama Yahudi wo makua a sé tou sa si Yesus itu Toyaang i Amang Kasuruan.

1 Korintus 15:3

Aicuakuo ai camu en abar si kumataré-taré, abar sé tinerimaku in esa, sapaoka si Kristus matéo wosama' eng kamesé-meséaanta tu'busen-Na, tanu si aipatic ang Kitap Le'nas.