Kisah Para Rasul 17:17 - En Taar Weru a nunuwu' é Tontemboan

¹⁷ Ampa'paano in itu sia mangé am balé paapo'an é agama Yahudi, wo sia memaa-maar wo sé piraan tou Yahudi wo sé tou ra'ica Yahudi sé maapo' a si Amang Kasuruan. Wo susur in endo, si Paulus meta'up wo sé tou am pasar, sia ka'i memaa-maar wo iséra.

Kisah Para Rasul 17:17 ပူးပေါင်းရင်းမြစ်များ

Markus 16:15

Wo icua-Na ai séra, “Mangém kamu am pakasa ing kayo'baan, wo icuao mangé en Abar Kaaruien-Na a sé im pakasa in tou.

Lukas 12:3

Ampa'paan in iituo, sapa en aicua miow ipaene-enep, en itu kakailekan oka é tou keli. Wo sapa ka'i sé aicewit iow ang kamar, en itu ipakua-kua oka am bawo im balé wosama' kalingaan é tou.”

Kisah Para Rasul 10:2

Sia le'tek mengakiit ing kasalé'an i Amang Kasuruan. Sia wo sé pamaléna maapo' a si Amang Kasuruan. Sia mengatawang sé tou Yahudi lengéi wo ka'i sia tatap menomba-nombayang a si Amang Kasuruan.

Kisah Para Rasul 13:16

Kelinga in itu, si Paulus tumulung wo suméin ing kamana a sé tou am bitu, icuana, “Poo-poow tou Israel wo sé tou ra'ica Yahudi sé mengaapo' a si Amang Kasuruan, linganai en icuaku!

Kisah Para Rasul 13:43

Kumawusai i maapo', sé tou itu kumesot am balé paapo'an wo awéan sé icumiit si Paulus wo si Barnabas. Séra itu sé tou Yahudi wo ka'i sé tou ra'ica Yahudi sé imuntepo agama Yahudi. Si Paulus wo si Barnabas sumina'u ai séra wosama' kasake' i mamangén an upus aitambér i Amang Kasuruan.

Kisah Para Rasul 13:50

Taan sé tou Yahudi sé cumélong in Taar i Amang Kasuruan itu, séra memaso-maso' in léwo' a sé wéwéné sé mengaapo' a si Amang Kasuruan sé awéan pengaru wo ka'i a sé kikiiten ang kota itu. Wo okoien éra si Paulus wo si Barnabas wo yusér éra en tumela'u in sangkum itu.

Kisah Para Rasul 8:2

Sé tou le'tek a si Amang Kasuruan mangé mindo i mayat i Stefanus wo icubur wo séra maamé' akar in sesendu'an oka.

Kisah Para Rasul 9:20

Asi témpo ituke', sia muntep am balé-walé paapo'an é agama Yahudi wo makua a sé tou sa si Yesus itu Toyaang i Amang Kasuruan.

2 Timotius 3:2

Wo asé endo itu ka'i, sé tou asalo oka mengaupus in owak éra in esa wo mamuali ata in doit. Séra mengatowo oka wo mengatirayo in owak éra in esa, mengawuruk i ngaran é tou. Séra mengasundur sé matu'a, ra'ica makailek mengawéé i makapulu'sama' wo ra'ica mapandung i mengaapo' a si Casuruan.

2 Timotius 3:5

Sa asalo suméré im paémaan éra, séra itu tanuoka woo mengaapo' wutul a si Amang Kasuruan, taan en ulitna séra ra'ica masalé' maké ing kawasa i Casuruan. Anaé, séra ra'ica wutul makiit si Casuruan. Ampa'paan in itu tumayango mangé ai séra!