Kisah Para Rasul 17:13 - En Taar Weru a nunuwu' é Tontemboan

¹³ Taan an tutuw kailekan é tou Yahudi sé an Tesalonika owo sapaoka si Paulus makua ka'i in taar i Amang Kasuruan am Berea wo séra mangé am bitu e memaso-maso' in léwo' a sé tou am bitu akar sé tou keli ra'io makaaté in sama'.

Kisah Para Rasul 17:13 ပူးပေါင်းရင်းမြစ်များ

Matius 23:13

“Icawangkuro mio' kamu sé makailek wutul in Torat wo sé tou Farisi! Kamu anio' tou punek. Ampa'paan pengakalaan iowke' sé tou masalé' muntep ang Kakolanoan in Sorga. Icamu in esa ra'- ica kiim muntep ang Kakolanoan in Sorga, akar pengakalaan iow sé tou masalé' muntep ang Kakolanoan in Sorga. [

Lukas 12:51

Pawasan iow réén Aku maali mai ing kaeluran ang kayo'baan anio'? Ra'ica! Yaku mai ang kayo'baan anio' ra'ica maali mai ing kaeluran, taan ing kaperéndéran.

Kisah Para Rasul 14:2

Taan awéan tou Yahudi sé ra'ica kiim mercaya in aicua i Paulus wo si Barnabas, séra memaso-maso' in léwo' sé tou ra'ica Yahudi wosama' icasuut éra sé poo-poow esa paémanen itu.

Kisah Para Rasul 17:1

Si Paulus wo si Silas mangé an Tesalonika lumangkoi in Amfipolis wo Apolonia. An Tesalonika, awéan walé paapo'an é agama Yahudi.

Kisah Para Rasul 17:10

Asi wengi ituke', sé tou maéman an Tesalonika rumu'du' si Paulus wo si Silas mangé am Berea. Wo an tutuw éra icateka' mangé am bitu, séra mangé am balé paapo'an é agama Yahudi.

Kisah Para Rasul 17:5

Taan sé tou Yahudi walina manganat a si Paulus wo si Silas. Ampa'paano in itu li'usen éra sé tou léwo' am pasar sé ra'ica wana tawoien en lumicoko ing kota itu. Wo em balé i Yason sinerang éra ka'i e mangéré si Paulus wo si Silas, en urusen an dior é tou keli.

Kisah Para Rasul 20:4

Awéan piraan tou en cumiit a si Paulus, séra itu si Sopater toyaang i Pirus tou im Berea, si Aristarkus wo si Sekundus tou Tesalonika, si Gayus tou in Derbe, si Timotius, sé rua tou an Asia owo, si Tikhikus wo si Trofimus.

Kisah Para Rasul 21:27

An tutuw mekawu-kawuso em pitu ngando, wo sé tou Yahudi sé an Asia owo mai suméré si Paulus si an untep im Balé Le'nas. Pasoon éra i nunuwu' léwo' sé tou am bitu wo tumangka' isia.

Kisah Para Rasul 6:12

Tanu siituo em pengaémaan éra mengawéé in léwo' a sé tou keli, a sé matu'a, a sé makailek wutul in Torat. Wo tangkaan éra si Stefanus wo wésoon éra sia wo iwali éra mangé a Mahkamah Agama.

2 Korintus 11:26

Am bawayaanku makakeli-keli mengakawali ang kawangkuran, tanu mai icawangkur an doyongan sumonop, pengakasua' asé marampok, ipengawangkur é touku Yahudi wo ka'i sé tou ra'ica Yahudi, icawangkur ang kota, icawangkur an tana' kapayasan, icawangkur an uner in ta'sic, wo ka'i pengawangkur é tou sé makua sapaoka séra poo-poowta esa am paémanen a si Kristus mandé en ulitna séra ra'ica maéman.