Kisah Para Rasul 17:12 - En Taar Weru a nunuwu' é Tontemboan

¹² Ampa'paan in ituo kelian tou ai séra e maéman a si Yesus. Wo keliané' ka'i sé tou Yunani sé awéan pengaru am bitu mamuali maéman a si Yesus, séra itu wéwéné wo en tuama.

Kisah Para Rasul 17:12 ပူးပေါင်းရင်းမြစ်များ

Markus 15:43

Ampa'paan in ituo si Yusuf tou Arimatea ra'ica maindé' mangé meta'up si Pilatus e mangilek i mayat i Yesus e mangéna icubur. Si Yusuf itu anggota Mahkamah Agama wo pasiri-siriin é tou keli wo ang karoro'an i mengento-ngento' in témpona si Amang Kasuruan mai kumawasa tanu Kolano.

Yohanes 7:17

Sa si tou masalé' maéma' ing kasalé'an i Amang Kasuruan, kakailekanna oka en sususuien-Ku anio' asi Amang Kasuruan owo kuma'pa mai a Yaku owo in esa.

Kisah Para Rasul 13:46

Taan ang karapi in da'ica wana kaindé'an, icua i Paulus wo si Barnabas, “Mémang wutul, en Taar i Amang Kasuruan itu musti icuao owo ai camu. Taan ra'ica kiim iow mercaya, kamu mawerot en owak iow ra'ica patus makéré ing katouan akar ing kauré-uré. Ampa'paano in itu, kamu itela'u ami wo kami maangé a sé tou ra'ica Yahudi eng kumua in taar i Casuruan itu.

Kisah Para Rasul 13:50

Taan sé tou Yahudi sé cumélong in Taar i Amang Kasuruan itu, séra memaso-maso' in léwo' a sé wéwéné sé mengaapo' a si Amang Kasuruan sé awéan pengaru wo ka'i a sé kikiiten ang kota itu. Wo okoien éra si Paulus wo si Barnabas wo yusér éra en tumela'u in sangkum itu.

Kisah Para Rasul 14:1

An tutuw i Paulus wo si Barnabas an Ikonium, séra muntep am balé paapo'an é agama Yahudi, tanu ing kanaramen paémaan éra an tampa walina. Am bitu séra kumua in Abar Kaaruien andumoro' i Yesus Kristus ang karapi in sumama-sama' akar keli sé tou Yahudi wo sé tou ra'ica Yahudi maéman a si Yesus.

Kisah Para Rasul 2:47

Séra marayo si Amang Kasuruan wo ka'i casalé' é tou keli. Wo susur in endo pengawe-ngawesan i Casuruan eng kakeli é tou maéman itu ang karapi é tou sé pakalowirené'.

1 Korintus 1:26

Poo-poowku sé maéman. Ra'io réén kata'néian iow tambisa eng katouan iow indior an tutuw i Amang Kasuruan tumowa camu eng kumiit si Kristus? Sa iciit im pakawerot in tou, wayake' im pira sé tou awéan kapinteran ai camu, wayake' im pira sé tou awéan kakawasaan wo wayake' im pira ka'i sé tou asé pamalé pasiri-siriin owo.

Efesus 5:14

Ampa'paan in ituo awéan en aipatic in tana'i, “Éi camu sé makatekelé', tumooro, wo tumouo mai sumawel am papaté wo si Kristus tumélang oka mai camu.”

Yakobus 1:10

Wo si tou siya' esa paémanen a si Yesus, sia ka'i musti tumirayo sa émaan i Casuruan sia mamuali tou wawa', ampa'paan si tou siya' maka'pu oka kaputé im bungang in dukut maweles rior.

Yakobus 1:21

Anaé, itiya'o waya sé ra'ica wutul wo ka'i mentoo mengéma-ngéma' ing kaléwo'an' sé taloso keli itu. Terimano mangé en Taar i Casuruan ang karapi ing ko'kos en até. En Taar si ayusew an até miow awéan kawasa en lumowir icamu.