Kisah Para Rasul 17:11 - En Taar Weru a nunuwu' é Tontemboan

¹¹ Sé tou Yahudi am Berea lébé imawuka' em bewerot, ra'ica tanu sé tou Yahudi an Tesalonika. Ampa'paano in itu icasalé' éra keli en luminga wo tumerima in taar i Amang Kasuruan. Wo susur in endo pengati'tiren éra eng Kitap Le'nas e makailek sa en sususuien i Paulus wutul kuma'pa ra'ica.

Kisah Para Rasul 17:11 ပူးပေါင်းရင်းမြစ်များ

Matius 13:23

Wo en lulumbo sé rumongkor an tana' kemel meputé wo sé tou iluminga in taar wo kaangéan éra. Séra méé wua'na, awéan e méé wua'na sangaatus lumepet, awéan sé enem ngapulu' lumepet, wo awéan sé telu ngapulu' lumepet.”

Lukas 1:2

Aipatic éra waya en itu meputé wo sé aisisilo é tou sé isuméré in esa ing kamamualian itu tumo'tolai asi kataré-taré wo en Taar i Casuruan itu ipakua-kua éra ka'i a sé tou walina.

Lukas 11:3

Wéanai kami kakanen si paperlun ami susur in endo.

Lukas 16:29

Taan icua i Abraham, ‘Ai séra awéano eng kitap-kitap si aipatic i Musa wo ka'i eng kitap-kitap é nabi! Mandéo séra kumiit sapa sé aipatic ang kitap-kitap itu.’

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Yohanes 3:21

Taan si séike' mangé mengaéma' im butul, sia mai sumusut an sendot itu, wosama' kaséréan oka sapa sé pinengaéma'na itu kumiit ing kasalé'an i Amang Kasuruan.”

Yohanes 5:39

Eng Kitap Le'nas pengati'tiren iow in sumama-sama' ampa'paan paweroten iow ang karapi imaéma' in taniitu kamu makéré oka ing katouan akar ing kauré-uré uré. Wo an untep ing Kitap Le'nas itu awéan aipatic andumoro' si séi Aku en ulitna,

Kisah Para Rasul 10:33

Ampa'paan in ituo makala'us ru'du'ku tou mangé sumungkul si tuang. Wo si tuang mayo am bia'i ang karapi in arui en até. Intarépé', kami im baya am bia'io an dior i Amang Kasuruan, lingan amipé' sapa en aiperénta-Na a si tuang.”

Kisah Para Rasul 11:1

Sé ruru'du'an wo sé poo-poow esa paémanen an Yudea lumingao ka'i sapaoka awéan tou ra'ica Yahudi sé itumerimao in taar i Amang Kasuruan.

Kisah Para Rasul 17:1

Si Paulus wo si Silas mangé an Tesalonika lumangkoi in Amfipolis wo Apolonia. An Tesalonika, awéan walé paapo'an é agama Yahudi.

Kisah Para Rasul 2:41

Kumawus in itu, sé tou itumerima i nunuwuun i Petrus, séra méé in owak em baptisen. Asi témpo ituke', sé tou maéman a si Yesus makaawes eng kakeli mamuali telu ngariwu tou.

1 Tesalonika 1:6

Wo kamu mengakiito im peri ami wo im peri i Apo' Yesus. Mandé awéan tou maokoi camu, émaan i Roh Le'nas kamu kasake' tumerima in arui en taar i Casuruan.

1 Tesalonika 2:13

An tutuw ipakua ami en taar i Amang Kasuruan, tinerimao miow en itu tanu nunuwu' i Casuruan ra'ica nunuwu' é tou. Wo en aisowat iow itu wutul, ampa'paan en taar i Amang Kasuruan itu ang karoro'ano i matawoi ang katouan iow sé maéman a si Apo' Yesus. Ampa'paan in ituo kami mengua-ngua i makapulu'sama' ai Sia.

2 Tesalonika 2:10

Sia itu maké i membam- balinaan em pakauwak léwo' sé tou akar i maka'pu. Sé tou itu ang karoro'ano im pepaté-patén ampa'paan séra ra'ica masalé' luminga in sususuien wutul asi Amang Kasuruan owo in andumoro' i Apo' Yesus wo ra'ica kiim lowiren.

Yakobus 1:21

Anaé, itiya'o waya sé ra'ica wutul wo ka'i mentoo mengéma-ngéma' ing kaléwo'an' sé taloso keli itu. Terimano mangé en Taar i Casuruan ang karapi ing ko'kos en até. En Taar si ayusew an até miow awéan kawasa en lumowir icamu.

1 Petrus 2:2

Aweso taré kamu mamualio tanuoka si toyaang si makatoué' wo meré'o-ré'om en sumusu asi inangna, kamu ka'i musti meré'o-ré'- om melep si wutu-wutul susu si nunuwu' i Amang Kasuruan. Ang karapi kamu imelep in itu em paémanen iow a si Amang Kasuruan makawangkoo akar kamu malowir,