Kisah Para Rasul 17:1 - En Taar Weru a nunuwu' é Tontemboan

¹ Si Paulus wo si Silas mangé an Tesalonika lumangkoi in Amfipolis wo Apolonia. An Tesalonika, awéan walé paapo'an é agama Yahudi.

Kisah Para Rasul 17:1 ပူးပေါင်းရင်းမြစ်များ

Kisah Para Rasul 14:1

An tutuw i Paulus wo si Barnabas an Ikonium, séra muntep am balé paapo'an é agama Yahudi, tanu ing kanaramen paémaan éra an tampa walina. Am bitu séra kumua in Abar Kaaruien andumoro' i Yesus Kristus ang karapi in sumama-sama' akar keli sé tou Yahudi wo sé tou ra'ica Yahudi maéman a si Yesus.

Kisah Para Rasul 15:21

Ampa'paan indioré'wo en ukum i Musa aicuao am pakasa ing kota, wo akar intarépé' en ukum itu pemaca-macan susur in endo Sabat am balé-walé paapo'an é agama Yahudi.”

Kisah Para Rasul 16:13

Asi endo Sabat, kami kumesot am papalen wangko' ing kota. Kami kumiit an tembir in doyongan wo mangéré in tampa pengasombayangan é tou Yahudi, ampa'paan paweroten ami en tampa itu am bitu. An tutuw ami icateka' mangé an tampa pengasombayangan itu, kami meta'up wo sé wéwéné sé mali'us am bitu, kami lumukut wo mapaar andumoro' i Apo' Yesus ai séra.

Kisah Para Rasul 17:10

Asi wengi ituke', sé tou maéman an Tesalonika rumu'du' si Paulus wo si Silas mangé am Berea. Wo an tutuw éra icateka' mangé am bitu, séra mangé am balé paapo'an é agama Yahudi.

Kisah Para Rasul 17:11

Sé tou Yahudi am Berea lébé imawuka' em bewerot, ra'ica tanu sé tou Yahudi an Tesalonika. Ampa'paano in itu icasalé' éra keli en luminga wo tumerima in taar i Amang Kasuruan. Wo susur in endo pengati'tiren éra eng Kitap Le'nas e makailek sa en sususuien i Paulus wutul kuma'pa ra'ica.

Kisah Para Rasul 17:13

Taan an tutuw kailekan é tou Yahudi sé an Tesalonika owo sapaoka si Paulus makua ka'i in taar i Amang Kasuruan am Berea wo séra mangé am bitu e memaso-maso' in léwo' a sé tou am bitu akar sé tou keli ra'io makaaté in sama'.

Kisah Para Rasul 20:4

Awéan piraan tou en cumiit a si Paulus, séra itu si Sopater toyaang i Pirus tou im Berea, si Aristarkus wo si Sekundus tou Tesalonika, si Gayus tou in Derbe, si Timotius, sé rua tou an Asia owo, si Tikhikus wo si Trofimus.

Kisah Para Rasul 27:2

Wo kami im baya sumaké ang kapal an Adramitium owo, si menuli-nuli oka am pasuwa-suwaan ing kapal an Asia. Wo awéan esa tou icumiit icami, makangaran Aristarkhus, si tou Makedonia ang kota Tesalonika owo.

Filipi 4:16

Wo an tutuwku an Tesalonika icamu lébéo imakasa icumirim mai im patawang ing kaperluanku.

1 Tesalonika 1:1

Siri'ku Paulus wo sé kara-karapiku si Silas wo si Timotius. En surat anio' aicirim ami ai camu jamaat an Tesalonika, sé maéman a si Amang Kasuruan wo a si Apo' Yesus Kristus. Pangileken ami a si Amang Kasuruan wosama' kamu tambéran-Na mai ing kamang wo méma' ing katouan iow elur.

1 Tesalonika 2:2

Kailekan iow ka'i, an tutuw ami ra'ipé' mai ai camu, kami niokoio wo aiséroo an Filipi. Taan mandé ka'i in taniitu kami tinawango i Amang Kasuruan wosama' kami ra'ica wana eng kaindé'an eng kumua in Abar Kaaruien-Na ai camu.

2 Tesalonika 1:1

Siri' a yaku owo, Paulus wo sé kara-karapiku si Silas wo si Timotius. En surat anio' aicirim ami ai camu jamaat an Tesalonika. Kamu sé maéman a si Amang Kasuruan Amangta wo a si Apo' Yesus Kristus.

2 Timotius 4:10

Ampa'paan si Kreskes imangém ang Galatia wo si Titus imangémo an Dalmatia. Wo aku aitela'uo ka'i i Demas, sia imangémo an Tesalonika ampa'paan sia masalé-salé'ke' sé andumoro' ing kayo'baan.