Kisah Para Rasul 16:35 - En Taar Weru a nunuwu' é Tontemboan

³⁵ Wo mamoondo mai, iru'du' é makakawasa ing kota sé pengawal éra mangé a si capala im bui wo tumaar, “Iwekaro mio' sé rua tou itu!”

Kisah Para Rasul 16:35 ပူးပေါင်းရင်းမြစ်များ

Lukas 12:11

Sa awéan tou makawali icamu am balé-walé paapo'an é agama Yahudi in akimen kuma'pa a sé pemerénta kuma'pa a sé tou walina sé makatimboi ing kakawasaan, tioo kamu maindé' tumambisa e musti méla in owak iow, kuma'pa sapa e musti icua miow.

Kisah Para Rasul 16:34

Kekawus in itu, séra in dua iwali i capala im bui mangé am baléna wo séra wéanna kanen. Sia wo sé am baléna arui keli ampa'paan séra im baya maémano a si Amang Kasuruan.

Kisah Para Rasul 16:36

Wo si capala im bui kumua in taar itu a si Paulus icuana, “Sé makakawasa ing kota rumu'du' mekar icamu in dua. Anaé, intarépé', kamu ro'nao kumesot am bia'i wo mangéo ang karapi in sama'!”

Kisah Para Rasul 16:38

Kumawus in itu, sé pengawal éra kumua a sé makakawasa ing kota pakasa si aicua i Paulus. Kelinga éra si Paulus wo si Silas tou Roma, maindé'o sé makakawasa ing kota itu.

Kisah Para Rasul 4:21

Kelinga in itu, sé tou an sidang itu makarepetke' taré mangindé' si Petrus wo si Yohanes. Taan iwekar éra sé rua ruru'du'an itu ampa'paan ra'ica kailekan éra sapa en ukuman iwéé ai séra wo ka'i maindé' a sé tou keli am bitu sé marayo-rayo si Amang Kasuruan ampa'paan si tou késo' si masama'o itu.

Kisah Para Rasul 5:40

Wo towan éra sé ruru'du'an itu wo tepian éra. Wo pinéro éra ka'i sé ruru'du'an itu wosama' ra'io sumusui maké i ngaran i Yesus. Kumawus ako itu iwekar éra sé ruru'du'an itu.