Kisah Para Rasul 16:34 - En Taar Weru a nunuwu' é Tontemboan

³⁴ Kekawus in itu, séra in dua iwali i capala im bui mangé am baléna wo séra wéanna kanen. Sia wo sé am baléna arui keli ampa'paan séra im baya maémano a si Amang Kasuruan.

Kisah Para Rasul 16:34 ပူးပေါင်းရင်းမြစ်များ

Lukas 15:32

Anaé, intarépé', kita musti masalé-salé' wo maaru-arui, ampa'paan si tuarimu itu imatéo taan intarépé' itumouo sumawel, sia aicatalao taan intarépé' kinéréano.’ ”

Lukas 19:6

Wo sia mario-rior tumumpa wo terimanna si Yesus ang karapi in arui en até.

Lukas 5:29

Wo si Lewi méma' im pésta wangko' am baléna torona i Yesus. Am bitu kelian sé matagi im pajak wo sé tou walina sé mekiit icuman ang karapi i Yesus.

Kisah Para Rasul 11:14

Sia oka eng kumua in abar e méma' ico wo pakasa sé am pamalému malowir.’

Kisah Para Rasul 16:15

Kekawus i Lidia wo sé am pamaléna nibaptis, icuana in tana'i ai cami, “Sa percayan iow aku anio' wutu-wutul maémano a si Casuruan, mayo lumosér am baléku.” Pelepé-lepéienna, akar kiniitan ami eng kasalé'anna en lumosér am baléna.

Kisah Para Rasul 16:35

Wo mamoondo mai, iru'du' é makakawasa ing kota sé pengawal éra mangé a si capala im bui wo tumaar, “Iwekaro mio' sé rua tou itu!”

Kisah Para Rasul 2:46

Wo susur in endo séra le'tek mewali-wali wo meesa en até mengali'us ang am Balé Le'nas. Séra mengaéma' im perjamuan mewali-wali ang karapi in arui wo lekep en até si pagilir am balé-walé.

Kisah Para Rasul 8:39

An tutuw éra in dua kumesotai an dano, tumarépé'anke'mai iwali i Roh i Amang Kasuruan si Filipus wo sia ra'io kaséréan i kikiiten itu. Wo si kikiiten itu lumala'us im bawayaanna ang karapi in arui.

Roma 15:13

Pekiupusenku a si Amang Kasuruan si palemboian im paarapen, e méé mai ing kaaruian wo ing kaeluran si mawuta-wuta ampa'paan kamu maéman ai Sia, wosama' eng kaketeran i Roh Le'nas lumepe-lepet ai camu, am paarapen a si Amang Kasuruan.

Roma 5:11

Wo ra'ica siituke'! Kita ka'i maaru-arui ampa'paan ing kasamaan i Amang Kasuruan si aituru' i Apo'ta Yesus Kristus, akar kita intarépé' menonou meelurano sumawel wo Sia.

Roma 5:2

Wo ampa'paan kita maéman a si Yesus, kita imakéré in upus aitambér i Amang Kasuruan. Wo ampa'paan in upus aitambér ituo kita menonou intarépé'. Wo kita maaru-arui ampa'paan makaanu im paarapen sapaoka kita makéré oka bagéan a rarayo wo in sisiri' asi Amang Kasuruan owo.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Filipi 4:17

Icuaku en itu ai camu ra'ica ampa'paan yaku maarap ka'i im patawang iow. Taan en icasalé'ku, kamu tumerima ing kamang lumepe-lepet asi Casuruan ampa'paan kamu sumuuno ing kasiyaan an sorga.

Filipi 4:4

Maaru-aruio mangé ampa'paan kamu meesao wo si Apo' Yesus! Makasapé' icuaku, maaru-aruio mangé!

Filemon 1:7

Poowku Filemon, ico mengaupuso sé tou le'nas akar séra kinaiborano in upusmu. Ampa'paano in itu yaku arui keli.

1 Yohanes 3:18

Toya-toyaangku, tioo kita ma- upus asaloke' am ba'ba' kuma'pa asaloke' a nunuwu', taan mayoo kita meupu-upusan ang karapi im pengaémaan wo lekep en até.